ەلىمىز بۇقاراسىنىڭ حاۋىپسىزدىك تانىمى مەن رازىلىق شاماسى %90تەن استى
قوعام اماندىعىن جاپپاي وڭاۋدا جاڭالىق جاراتۋ تىنىش جۇڭگو قۇرىلىسىن ءتىپتى دە بيىك دەڭگەيگە كوتەردى (قايراتتانا العا ۇمتىلعان 5 جىل)
2017.09.18 16:05 كەلۋ قاينارى : حالىق تورابى
«حالىق گازەتى»، 17 – قىركۇيەك، بەيجيڭ (تىلشىلەر لياۋ ۋىنگىن، شۇي جۇن). قوعام اماندىعىن جاپپاي وڭاۋ ــ قوعام اماندىعىن وڭاۋدىڭ جۇڭگوشا سوتسياليستىك جۇيەسىنىڭ ماڭىزدى قۇرامداس بولەگى، ەلىمىزدىڭ قوعام اماندىعى، ورنىقتىلىعى ماسەلەسىن شەشىپ، تىنىش جۇڭگو قۇرۋىنداعى ماڭىزدى ستراتەگيا جانە ءتۇبىرلى جول. ءتىلشى بىرنەشە كۇننىڭ الدىندا ورتالىقتىڭ قوعام اماندىعىن جاپپاي وڭاۋ كەڭسەسىنەن مىنانى ۇعىستى: پارتيانىڭ 18 – قۇرىلتايىنان بەرى بۇكىل ەلدىڭ قوعام اماندىعىن جاپپاي وڭاۋ شەبىندەگىلەر باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن جانە ەل باسقارۋداعى جاڭا تانىم، جاڭا يدەيا، جاڭا ستراتەگياسىن ىشكەرىلەي ۇيرەنىپ، قوعام اماندىعىن جاپپاي وڭاۋدا جاڭالىق جاراتۋدى ىشكەرىلەي ىلگەرىلەتىپ، ءتىپتى دە جوعارى ورەدەگى تىنىش جۇڭگو قۇرۋعا قۇلشىنعان، بۇقارانىڭ حاۋىپسىزدىك تانىمى مەن رازىلىق شاماسى 2012 – جىلعى %87.55 تەن 2016 – جىلى %91.99 كە جوعارىلاپ، جاپپاي دوڭگەلەك داۋلەتتى قوعام قۇرۋعا، جۇڭگو ارمانىن قۇلشىنا ىسكە اسىرۋعا حاۋىپسىز دە ورنىقتى قوعامدىق ورتا جاراتىلعان، حالىقتىڭ تىنىش تىرشىلىك ەتۋى، قوعامنىڭ تىنىش، ءتارتىپتى بولۋىن، مەملەكەتتىڭ باياندى تىنىشتىعى پارمەندى قامتاماسىزداندىرىلعان.
پارتيانىڭ 18 – قۇرىلتايىنان بەرى ەلىمىز حاۋىپسىزدىك قاتەرىن مەجەلەۋ جانە ودان ساقتانۋ قۋاتىن كۇش سالا جوعارىلاتىپ، قوعام اماندىعىن جاپپاي وڭاۋدىڭ ستەرولى ساقتىق جۇيەسىن بەرىك ورناتتى. قوعام اماندىعىن جاپپاي وڭاۋ ساقتىق جۇيەسىنىڭ تۇلعالىق ونىمدىلىگىن اناعۇرلىم جوعارىلاتۋ ءۇشىن، 2015 – جىلى ساۋىردە ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى «قوعام اماندىعىن ساقتاۋداعى ساقتانۋ – مەڭگەرۋ جۇيە قۇرىلىسىن كۇشەيتۋ جونىندەگى پىكىردى» باسىپ تاراتىپ، پارتكوم باسشىلىق ەتەتىن، ۇكىمەت جەتەكشىلىك ەتەتىن، قوعام اماندىعىن جاپپاي وڭاۋ كەڭسەلەرى سەلبەسەتىن، تاراۋلار جۇمىلا يگەرىپ، بىرگە باسقاراتىن، قوعامدىق كۇشتەر بەلسەندىلىكپەن قاتىناساتىن قىزمەت جاعدايىن ايقىندادى. 2016 – جىلى ناۋرىزدا ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى «قوعام اماندىعىن جاپپاي وڭاۋداعى باسشىلىق جاۋاپكەرلىك ءتۇزىمىنىڭ تياناقتانۋىن كەمەلدەندىرۋ جونىندەگى بەلگىلەمەنى» باسىپ تاراتىپ، ۇقىق پەن جاۋاپكەرلىكتى ايقىنداۋ، سيلاۋ مەن جازالاۋدى ايقىنداۋ سىندى جاۋاپكەرلىك جۇيەسى مەن باعالاۋ، باقىلاۋ، شابىتتاندىرۋ، جازالاپ ساقتاندىرۋ سياقتى تاسىلدەر ارقىلى ءار دارەجەلى پارتيا، ۇكىمەت باسشىلىق القاسىنىڭ، باسشى كادرلاردىڭ قوعام اماندىعىن جاپپاي وڭاۋداعى جاۋاپكەرلىگىن اناعۇرلىم قاتايتتى. جەر – جەر، قاتىستى تاراۋلار ارناۋلى جونگە سالۋدى كۇشەيتىپ، زورلىقتى لاڭكەستىك، قارا قوعام سيپاتىنداعى كۇشتەر، قارۋلى بۇلىك، زاڭسىز قارجى جيناۋ، جاسىرىن بانكە، تەلەگراف الدامكوستىگى، ازاماتتاردىڭ جەكەلىك ينفورماتسياسىنا سۇعاناقتىق جاساۋ، ەسىرتكى ءوندىرۋ، ساۋدالاۋ، مەكتەپ اۋلاسىندا زورلىقتى قيمىل وتكىزۋ، ايەلدەر مەن بالالاردى الداپ ساتۋ سياقتى قوعامدىق جالپى جاعدايدىڭ ورنىقتىلىعىنا، حالىق بۇقاراسىنىڭ حاۋىپسىزدىك تانىمىنا ىقپال جاسايتىن زاڭعا قايشا ءتۇرلى قىلمىسقا زاڭ بويىنشا قاتاڭ سوققى بەرىپ، جول قاتىناسى، ورتتەن ساقتانۋ، جارىلعىش، قوپارىلعىش زاتتار جانە قاتەرلى حيميالىق بۇيىمدار سياقتى حاۋىپسىزدىك كومەسكى قاتەرىن اداقتاپ، جونگە سالۋدى ءۇرتىس ىلگەرىلەتىپ، حاۋىپسىزدىك قاتەرىن اينالمالى تەكسەرۋ، قاتەردى باعالاۋ، باقىلاۋ – ساقتاندىرۋ مەحانيزمىن ۇزدىكسىز كەمەلدەندىرىپ، حاۋىپسىزدىكتى باقىلاپ – باسقارۋدىڭ ۇنەمىلەنگەن مەحانيزمىن قالىپتاستىرىپ، اۋىر، ەرەكشە اۋىر دەلولاردىڭ تۋىلۋىنان پارمەندى ساقتاندى جانە ونى ازايتتى، بۇقارانىڭ حاۋىپسىزدىك تانىمى مەن رازىلىق شاماسى جىل سايىن جوعارىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
