كاسىپورىنداردىڭ اۋىرتپالىعى جەڭىلدەتىلدى، جۇمىس ءبىتىرۋ ءتىپتى دە قولايلى بولدى، تابىس سەزىمى اناعۇرلىم كۇشەيدى
تاماشا تيجارات ساۋدا ورتاسى بايلىق شاقىرىپ، دارىندىلاردى باۋرايدى
«حالىق گازەتىنىڭ» ءتىلشىسى لي شينپيڭ
2017.10.12 16:01 كەلۋ قاينارى : حالىق تورابى
«توعايلى جەرگە قۇس ءۇيىر» دەگەندەي تاماشا تيجارات ساۋدا ورتاسى بايلىق شاقىرىپ قالماستان، دارىندىلاردى دا باۋرايدى. تاماشا ساۋدا ورتاسى دەگەنىمىز وندىرگىش كۇشتىڭ ءدال ءوزى. پارتيانىڭ 18 – قۇرىلتايىنان بەرى كاسىپورىنداردىڭ جاڭالىق جاراتۋى، جۇمىس ءبىتىرۋدىڭ كۇردەلىلىگى سىندى ماسەلەنى توڭىرەكتەپ، ءارقايسى تاراۋ، جەر – جەر «ۇكىمەت قۇرىلىمدارىن ىقشامداۋ، ۇقىقتى تومەنگە بەرۋ، ۇقىقتى تومەنگە بەرۋمەن باسقارۋدى ۇشتاستىرۋ، ساپالى قىزمەت وتەۋ» رەفورماسىن باياندى تەرەڭدەتىپ، باسەكەلىك قۋاتى بار تيجارات ساۋدا ورتاسىن كۇش سالا جاراتتى. الەمدىك بانكە جاريالاعان «2017 – جىلعى تورتكىل الەمنىڭ تيجارات ساۋدا ورتاسى دوكلادىندا» كورسەتىلۋىنشە، 2016 – جىلى جۇڭگونىڭ تيجارات ساۋدا ورتاسىنىڭ قولايلىلىق دارەجەسى دۇنيە ءجۇزى بويىنشا 78 – ورىنعا كوتەرىلىپ، 18 ورىن جوعارىلاعان.
ۇكىمەتتىك اقى الۋ مەن قور اداقتالدى
«قولايلى ورتا جاراتۋدا» اۋىرتپالىقتى جەڭىلدەتۋ العاشقى قادام. اۋىرتپالىقتى جەڭىلدەتىلگەندە، ەڭسە كوتەرىلەدى.
گۋاڭجوۋ قالاسىنداعى جۇڭيۋان سۋ تاسىمالى تيجارات كاسىپورنىنىڭ 2 ميلليون توننادان ارتىق جۇك تيەيتىن 100 دەن استام كەمە كەرۋەنى بار بولىپ، كولەمى مەن قۋاتى جاعىنان الەمنىڭ الدىڭعى لەگىندە. 2015 – جىلى مەملەكەت كەمەلەردىڭ پورتتا ايالداۋ اقىسىن، ەرەكشە كەمە جانە سۋ ءۇستى – سۋ استى قۇرىلعىلارىن اسىراۋ اقىسى سىندى ورتالىق دارەجەلى ەتىپ بەكىتىلگەن اكىمشىلىك – كاسىپتىك اقى الۋ ءتۇرىن كۇشىنەن قالدىرعاندىعىن جاريالادى. بۇنىڭ ىشىندە تەك پورتتا كەمە ايالداتۋ اقسىنىڭ وزىنەن جۇڭيۋان سەرىكتىگىنىڭ 7 ميلليون يۋان اقشاسى جەڭىلدەتىلدى.
سوڭعى جىلداردان بەرى ءار دارەجەلى ۇكىمەتتەر «ۇكىمەت قۇرىلىمدارىن ىقشامداۋ، ۇقىقتى تومەنگە بەرۋ، ۇقىقتى تومەنگە بەرۋمەن باسقارۋدى ۇشتاستىرۋ، ساپالى قىزمەت وتەۋ» رەفورماسىن بەلسەنە ىلگەرىلەتىپ، ۇكىمەتتىك اقى الۋ مەن قوردى اداقتاپ، بازاردىڭ تۇلعالىق اۋىرتپالىعىن جەڭىلدەتتى، بۇنىمەن ۇكىمەت بيلىگىمەن اۋىرتپالىق جەڭىلدەتىلىپ، بازاردىڭ ومىرشەڭدىك كۇشى ارتتىرىلدى.
2016 – جىلى نىسانداردى كۇشىنەن قالدىرۋ، ولشەمدى تومەندەتۋ ارقىلى كاسىپورىنداردىڭ 56 ميلليارد 500 ميلليون يۋاندىق تيجارات – قىزمەت وتەۋ سيپاتتى اۋىرتپالىعى جەڭىلدەتىلسە؛ 2017 – جىلى قالالاردىڭ الەۋمەتتىك ىستەر ۇستەمە اقىسى كۇشىنەن قالدىرىلىپ، ونەركاسىپ كاسىپورىندارىنىڭ ەلەكتردەن پايدالانۋ وزىندىك قۇنى 35 ميلليارد يۋان جەڭىلدەتىلدى؛ تاۋار ماركاسىن تىركەۋگە الۋ اقىسى، تەلەگراف تورابى نومىرلەرىنىڭ بايلىق قاينارىن يەمدەنۋ اقىسى سىندى اكىمشىلىك – كاسىپتىك اقىلار تومەندەتىلىپ، كاسىپورىنداردىڭ 4 ميلليارد يۋاندىق اۋىرتپالىعى جەڭىلدەتىلدى.
جۇڭگو حالىق ۋنيۆەرسيتەتى الەۋمەتتىك باسقارۋ ينستيتۋتىنىڭ ۇنەمىلىك ىستەرگە جاۋاپتى ورىنباسار باستىعى شۇي گۋاڭجيان بىلاي دەدى: كاسىپورىندارعا ساياتىن اقى الۋ تۇرلەرى وتە كوپ، مۇندا ۇكىمەتتىك قور دا، اكىمشىلىك، ءىسورىن سيپاتتى اقىلار دا قامتىلادى. ۇكىمەت قۇرىلىمىن ىقشامداپ، ۇقىقتى تومەنگە بەرىپ، ىرقىنا جىبەرۋ مەن باسقارۋدى ۇشتاستىرۋ قىزمەتىنىڭ ىلگەرىلەتىلۋىمەن ورتالىق پەن جەرگىلىكتى ورىنداردىڭ ۇكىمەتتىك قورى، اقى تۇرلەرى زور دارەجەدە ازايدى، ونىمدىلىك كورنەكتى بولدى، كاسىپورىنداردىڭ قازىنا اۋىرتپالىعى كورنەكتى جەڭىلدەدى، بۇل ۇكىمەت فۋنكتسياسىندا بۇرىلىس جاساۋ مەن ونىمدىلىكتى جوعارىلاتۋدى پارمەندى جەبەدى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
