نىق سەنىممەن جاڭا نىساناعا قادام تاستايمىز (جاڭا پايىمدار، جاڭا ەرەكشەلىكتەر، جاڭا نىسانالار، جاڭا تالاپتار جونىندەگى نەگىزگى ساتى ۋاكىلدەرىنىڭ ءۇنى)
سەنىمنىڭ قاينارى قاي – قاشان دا اۋەلگى ماقساتتى ەستەن شىعارماۋدا
2017.10.23 14:47 كەلۋ قاينارى : حالىق تورابى
ۋاكىل، يۇننان ولكەسى يۇيشي قالالىق 1 – باستاۋىش مەكتەپ پارتيا باس ياچەيكاسىنىڭ شۋجيى ياڭ چيۇڭيىڭ بىلاي دەدى: جۇڭگو كوممۋنيستەرىنىڭ اۋەلگى ماقساتى مەن بورىشى ــ جۇڭگو حالقىنا باقىت جاراتىپ، جۇڭحۋا ۇلتتارىن گۇلدەندىرۋ جولىندا ىزدەنۋ. مەن يۇننان ولكەسى وقۋ – اعارتۋ ىستەرىنىڭ 5 جىلدان بەرگى وراسان زور وزگەرىسىنىڭ كۋاگەرىمىن، باياندامادان ەسكەن شۋاق وقۋ – اعارتۋ قىزمەتكەرى سانالاتىن مەنىڭ اۋەلگى ماقسات پەن بورىشتى ۇمىتپاۋىما تۇرتكى بولدى، شەكاراداعى ۇلتتىق رايوننىڭ وقۋ – اعارتۋ ىستەرىنە ءۇرتىس ۇلەس قوسۋىما شابىت سيلادى.
ۋاكىل، چيڭحاي ولكەسى حۋاڭنان تاس جول ۋچاستيكاسى مايشيۋ جۇمىس رايونىنىڭ باستىعى حى شىڭلان ءۇستىرت وڭىردە جاستىق شاعىنىڭ 20 جىلىن قاجىرلى ەڭبەكپەن وتكىزگەن «ەڭ تاڭداۋلى جل قورۋشىلاردىڭ» بىرەۋى بولاتىن، ول بىلاي دەدى: توتەنشە قاراپايىم جۇمىسپەن شۇعىلدانسام دا، قاي – قاشان دا اۋەلگى ماقساتتى ەستەن شىعارمايمىن، حانزۋ جولاۋشىلار بولسىن، الدە زاڭزۋ جولاۋشىلار بولسىن، سولاردىڭ العىس ايتقان سوزدەرى ماعان جىگەر بەرىپ وتىرادى.
شاڭحاي شىڭدۇڭ حالىقارالىق تيەۋىش قوراپ كەمەجاي شەكتى سەرىكتىگى كوپىر - كران بولىمشە سەرىكتىگىنىڭ قىزمەتكەرى جي جاڭيان جانە ونىڭ توبى تيەۋىش قوراپتى باسۋ – ءتۇسىرۋ ونىمدىلىگى جاعىندا ىلگەرىندى – كەيىندى 7 رەت رەكورد جاراتقان بولاتىن، قۇرىلتايعا قاتىناسقان وسى ۋاكىل بىلاي دەدى: پارتيامىز اۋەلگى ماقساتتى ەستەن شىعارمايمىز دەپ وتىر، ءوندىرىستىڭ ءبىرىنشى شەبىندەگى بىزدەر اۋەلگى ماقساتتى ءتىپتى دە ەستەن شىعارماۋىمىز كەرەك. 19 – قۇرىلتايدىڭ بايانداماسىندا باس شۋجي ءوندىرىستىڭ ءبىرىنشى شەبىندەگى ەڭبەكشىلەرگە ءتىپتى دە جوعارى تالاپ قويدى. ءبىز جۇمىسشىلار جاڭا نىساناعا قادام تاستاۋدا كۇش – قايراتىمىزدى ايامايمىز، سەنىمىمىز ءتىپتى دە بەكەم.
سەنىمنىڭ قاينارى بۇكىل ەلدىڭ ءبىر نيەتپەن ىنتىماقتاسۋىندا
ۋاكىل، حۋبەي ولكەسى شيڭتاي قالاسى نيڭجين اۋدانى جياجياكوۋ قالاشىعى حۋاڭىريىڭ باتىس قىستاعى پارتكومىنىڭ شۋجيى نيڭ شياۋ – ۋ بىلاي دەدى: 2020 – جىلعا بارعاندا قازىرگى ولشەم بويىنشا اۋىل – قىستاقتاعى كەدەيلەردى كەدەيلىكتەن ارىلتۋ پارتيامىزدىڭ ايبىندى ۋادەسى سانالادى، بۇل نىسانا كەدەي وتباسىلارعا ءۇمىت جانە سەنىم باعىشتادى. جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋ جولىندا پارتيامىزدىڭ نىق سەنىمى، جۇيەلى شاراسى بار. بىلتىر قىستاعىمىز ونەركاسىپ پەن اۋىل شارۋاشىلىعىنىڭ جالپى ءونىم قۇنىن 10 ميلليارد يۋاننان اسىردى، كىسى باسىنا تۋرا كەلەتىن ساپ كىرىس 30 مىڭ يۋاننان استى، وسىلايشا قىستاعىمىز الىس – جۋىققا تانىلعان باي قىستاققا اينالدى، ءبىر نيەتپەن ىنىماقتاسىپ پارتياعا ىلەسكەن حالىق جۇرتشىلىعىنىڭ جاپپاي دوڭگەلەك داۋلەتتى قوعام قۇرۋعا نىق سەنىمى بار.
ۋاكىل، شينجياڭ شونجى اۋداندىق پارتكومنىڭ شۋجيى ما شۇيدۇڭ بىلاي دەدى: باس شۋجي شي جينپيڭنىڭ ايتقانىنداي، بۇگىن ءبىز جۇڭحۋا ۇلتتارىنىڭ ۇلى گۇلدەنۋى نىساناسىنا تاريحتاعى ءارقانداي مەزگىلدەگىدەن دە جاقىنداي تۇستىك، وسى نىسانانى جۇزەگە اسىرۋعا تاريحتاعى كەز كەلگەن ۋاقىتتاعىدان دا سەنىمىمىز كامىل، قۋاتىمىز مىعىم. ۇلتتار ىنتىماعى ــ ءار ۇلت حالقىنىڭ جان تامىرى، شونجى اۋدانىندا حانزۋ، قازاق، ۇيعۇر، حۇيزۋ قاتارلى تۇرعىلىقتى ۇلتتار بار، ءبىز ۇلتتار ىنتىماعىن كوز قاراشىعىنداي قورعاۋىمىز، ءوز ءومىرىمىز سياقتى قاستەرلەۋىمىز، اناردىڭ دانىندەي تىعىز ۇيىسۋىمىز كەرەك.
سەنىمنىڭ قاينارى پارمەندى باسشىلىق ۇيىتقىسىندا
ۋاكىل، جۇڭگو اۆياتسيا موتور توبى گۇيجوۋ ليياڭ اۆياتسيا موتورى شەكتى سەرىكتىگى قۇراستىرۋ – سىناقتان وتكىزۋ بولىمشە زاۆودى توڭازىتىپ قوراپتاۋ توبىنىڭ باستىعى جاۋ چۇنليڭ بىلاي دەدى: جۇڭگوشا سوتسياليزمدە تاباندى بولۋ جانە ونى دامىتۋ تاريحي اياق الىسىندا پارتيامىز باستان – اياق پارمەندى باسشىلىق ۇيىتقىمىز بولادى. پارتيانىڭ 18 – قۇرىلتايىنان بەرى گۇيجوۋدا 7 ميلليون 760 مىڭنان استام ادام كەدەيلىكتەن ارىلدى، بۇقارانىڭ كۇن كورىسى جاقسارا ءتۇستى. ءبىرىنشى شەپتەگى جۇمىسشىلاردىڭ ۋاكىلى رەتىندە وسى عاسىردىڭ ورتا شەنىنە بارعاندا ەلىمىزدى باي – قۇدىرەتتى، دەموكراتيالى، وركەنيەتتى، جاراسىمدى، كوركەم سوتسياليستىك وسىزاماندانعان قۋاتتى ەل ەتىپ قۇرىپ شىعۋ نىساناسىن ورىنداي الاتىنىمىزعا مىعىم سەنىمىم بار.ۋاكىل، مەملەكەتتىك ەلەكتر تورابى سەرىكتىگى انحۇي ولكەسى سۋجوۋ ەلەكترمەن قامداۋ سەرىكتىگى تاسىمالداۋ – جوندەۋ ءبولىمى ەلەكترلى جۇمىس توبىنىڭ ورىنباسار باستىعى شۇي چيجين بىلاي دەدى: 5 جىلدان بەرى شي جينپيڭ جولداس ۇيىتقى بولعان پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن باستاپ كىسىنى جەلپىندىرەرلىك ۇلى ءداۋىردىڭ بەتاشارىن اشتى. جۇڭحۋا ۇلتتارىنىڭ ۇلى گۇلدەنۋىن جەڭىل – جەلپى ىسكە اسىرا سالۋعا بولمايدى، ءاربىر پارتيا مۇشەسى ناقتى ارەكەتىمەن پارتيا ورتالىق كوميتەتىنىڭ ۇندەۋىنە ءۇن قوسۋى، پارتياعا مۇلدەم ادال بولىپ قىزمەت ەتۋى، سوزدە، ارەكەتتە ۇلگى – ونەگە بولۋى كەرەك (ەگجەي – تەگجەيلى مازمۇنىن حالىق تورابىنىڭ حانزۋشا ارناسىنان وقي الاسىزدار).
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
