«باتىس ەۆروپا – باتىس جۇڭگو» ارالىعىنداعى اۆتوكولىك ءدالىزىنىڭ ەلىمىزدەگى بولەگى بۇكىلدەي تۇتاستىرىلدى

2017.11.20 14:55   كەلۋ قاينارى : حالىق تورابى

　　G218 جەلىسىنىڭ قورعاس وتكەلىندەگى بولەگىندە 18 – قاراشا كۇنى اۆتوكولىك قاتىنادى. سۋرەتتە: اۆتوكولىك قاتىناۋ سالتىنان كورىنىس (شينجياڭ ۇيعۇر اۆتونوميالى رايوندىق قاتىناس – تاسىمال مەڭگەرمەسىنىڭ قىزمەتكەرى ليۋ جۇن فوتوسى)


　　حالىق تورابى، 20 – قاراشا، بەيجيڭ. ءتاڭىرتاۋ تورابىنىڭ حابارلاۋىنشا، «باتىس ەۆروپا – باتىس جۇڭگو» ارالىعىنداعى اۆتوكولىك دالىزىندەگى ءتۇيىندى نىسان سانالاتىن G218 جەلىسىنىڭ قورعاس وتكەلىندەگى بولەگىندە 18 – قاراشا كۇنى اۆتوكولىك قاتىنادى. بۇل ەۆرازيا ۇلى قۇرلىعىن ەندەي وتەتىن اۆتوكولىك ءدالىزىنىڭ ەلىمىزدەگى بولەگىنىڭ بۇكىلدەي تۇتاستىرىلعانىن كورسەتەدى، شينجياڭنىڭ شىعىسپەن تۇتاسىپ، باتىسقا بەتتەگەن تاس جول تاسىمالىنىڭ قۋاتى اناعۇرلىم كۇشەيە ءتۇستى.


　　ءتىلشىنىڭ اۆتونوميالى رايوندىق قاتىناس – تاسىمال مەڭگەرمەسىنەن ۇعىسۋىنشا، G218 جەلىسىنىڭ قورعاس وتكەلىندەگى بولەگى ەلىمىز بەن قازاقستاننىڭ «باتىس ەۆروپا – باتىس جۇڭگو»ارالىعىنداعى اۆتوكولىك ءدالىزىن تۇتاستىراتىن ءتۇيىندى نىسان بولىپ تابىلادى. اتالعان نىسان قورعاس وتكەلىندەگى مەملەكەت جاڭا قاقپاسىنىڭ وڭتۇستىك بىرلەسە تەكسەرۋ رايونىنان باستالىپ، قورعاس قالاسى چيڭداۋ جولىنىڭ شىعىس قاپتالىنا دەيىن جالعاسىپ، مەملەكەتتىك G30 تاس جولى ليانيۇنگاڭ – قورعاس اۆتوكولىك دالىزىندە سالىنعان ءوزارا اۋىسۋعا بولاتىن اسپالى كوپىرمەن تۇتاسىپ، مەملەكەتتىك G30 تاس جولى ليانيۇنگاڭ – قورعاس اۆتوكولىك ءدالىزى مەن مەملەكەت جاڭا قاقپاسى ارالىعىندا 10 كيلومەترلىك جىلدام جەتكىزۋ ءدالىزىن قالىپتاستىرىپ، وسى ارقىلى اۆتوكولىكتەردىڭ قالا وڭىرىندەگى مەملەكەت كونە قاقپاسىمەن شەكارادان شىعۋى بارىسىندا تۋىلاتىن كولىك كەپتەلىسىنەن ساقتانۋعا بولادى.


　　كەلۋ قاينارى: حالىق تورابى