ناپوسقا قوندىرۋدا ءبىرىنىڭ دە كەم قالۋىنا بولمايدى (ساياساتتىق تۇسىنىك، رەفورمانىڭ جاپپاي ىشكەرىلەي جۇرگىزىلۋىنە نازار ⑥)
«حالىق گازەتىنىڭ» ءتىلشىسى ۋاڭ يۇننا
2017.11.27 15:35 كەلۋ قاينارى : حالىق تورابى
2015 – جىلى جەلتوقساندا ورتالىقتىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ 19 – رەتكى ماجىلىسىندە «ناپوسى جوق ادامداردى ناپوسقا قوندىرۋ ماسەلەسىن شەشۋ جونىندەگى پىكىر» قاراپ ماقۇلداندى. وسىلايشا ناپوسقا قوندىرۋ ساياساتى كەمەلدەنىپ، تۇرگە ايىرىپ جاقسى ىستەۋ شۇعىل ىستەلەتىن جۇمىستاردىڭ قاتارىنا قوسىلدى.
قوعام حاۋىپسىزدىگى مينيسترلىگىنىڭ تانىستىرۋىنشا، پارتيانىڭ 18 – قۇرىلتايىنان بەرى ەلىمىزدە ناپوسى جوق 13 ميلليون 954 مىڭ ادامنىڭ ناپوسقا قونۋ ماسەلەسى شەشىلىپ، ناپوسى جوق ادامداردىڭ قوعامدىق جۇمىستارعا قاتىناسۋى، نەگىزدىك الەۋمەتتىك قىزمەت وتەۋدەن يگىلىكتەنۋى سىندى ۇقىقتارى اناعۇرلىم كەپىلدىككە يە بولعان. قوعام حاۋىپسىزدىگى مينيسترلىگى اماندىقتى قورعاۋ مەكەمەسىنىڭ قاتىستى جاۋاپتىسى بىلاي دەدى: 2 دە 3 جىل ىشىندە ناپوسى جوق ادامداردى ناپوسقا قوندىرۋ ماسەلەسىن تۇبەگەيلى شەشۋگە قۇلشىنامىز.
19 – قۇرىلتايدىڭ بايانداماسىندا: حالىق تۇرمىسىن جاقسارتۋ جانە كەمەلدەندىرۋدە حالىق جۇرتشىلىعى ەڭ كوڭىل بولەتىن، ەڭ تىكە، ەڭ رەال ۇقىق – مۇددە ماسەلەلەرىن مىقتى يگەرۋىمىز كەرەك، دەپ اتاپ كورسەتىلگەن بولاتىن. راسمياتتاردى زاڭ بويىنشا بىتىرۋدە تاباندى بولىپ، ءاربىر ازاماتتىڭ زاڭ بويىنشا تۇراقتى ناپوسقا قونۋ ۇقىعىن قالاي قورعاۋعا بولادى؟ قايتكەندە ناپوسى جوق ادامداردى ناپوسقا قوندىرۋ ماسەلەسىن شەشىپ، وقۋ – اعارتۋ، ەمدەۋ سياقتى الەۋمەتتىك قىزمەت وتەۋگە قاتىستى سالالارداعى ساياساتتاردى ءبىر تۇتاس ورنالاستىرىپ، سايكەستى ىلگەرىلەتۋگە بولادى؟ وسىعان وراي ءتىلشىمىز گۋاڭشيدىڭ ناننيڭ قالاسىندا تەكسەرىپ – زەرتتەۋدە بولدى.
ايرىلعانىنا 20 جىل بولعان ناپوس، 10 كۇندە قولعا ءتيدى
«پىكىر شىعارىلعاننان بەرى مەنەن كەڭەس سۇراۋشىلاردىڭ اياعى ۇزىلمەدى. ناپوسقا قوندىرۋ سىندى ەسكى جارانىڭ شەشىلەتىنىن ەستىپ - بىلگەن كوپشىلىكتىڭ قۋانىشىندا شەك بولمادى» دەدى 10 نەشە جىلىن ساقشى بولىمشەسىنىڭ ناپوس تىزىمدەۋ تەكشەسىندە وتكىزىپ، بۇقارانىڭ ۇعىنىقسىز ماسەلەلەرىنە تۇسىنىك بەرەتىن ناننيڭ قالالىق قوعام حاۋىپسىزدىگى مەكەمەسى حالىق سانىن باسقارۋ ۇلكەن اترەتىنىڭ ورىنباسار باستىعى لۋ حاييان.
فاڭ شيۋليان بيىل 50 جاستا، 1993 – جىلى جولداسىمەن بىرگە گۋاڭدۇڭ قالاسىنا كەلىپ جۇمىس ىستەگەنىمەن، ناپوس جوتكەۋ راسمياتىن وتەمەگەن؛ ناپوس جۇمىسىن توركىنىنە مالىمدەگەنىندە، تىزىمدىكتىڭ سىرتىندا قالىپ، ناپوسىنان «ايرىلىپ» قالعان ەدى. گۋاڭدۇڭ جيەياڭ قالاسىنىڭ جيەدۇڭ رايونى ناننيڭ قالاسىنان مىڭ كيلومەتر شالعايدا، قاتىناسى قولايسىز، اقىسى دا جوعارى، ونىڭ ۇستىنە راسميات وتەۋ ءتارتىبى كىسىنى مەزى ەتەتىندىكتەن، ناپوس ءۇشىن توركىنىنە سابىلۋدى ويلاماعان بولاتىن.
ناپوسى جوق فاڭ شيۋليان اۋرەشىلىك دەگەننەن قاشىپ قۇتىلا المادى. «ەڭ قيىنى ناۋقاس كورسەتىپ ەسەپتەن كوتەرتە الماۋ بولاتىن، ۇنەمى قالتام قاعىلىپ قالاتىن» دەيدى ول. ازاماتتىق كۋالىك تە الا الماعاندىقتان پويەز ەكەش پويەزگە دە وتىرا الماي، قارىس جەر ءجۇرۋى مۇڭعا اينالعان.
«ساقشى بولىمشەسى كادرلارىنىڭ وتباسى سايىن ارالاپ ساياسات ۇگىتتەگەنى مۇنداي جاقسى بولار ما، توركىنىمدەگىلەر بۇل حاباردى ماعان دەرەۋ جەتكىزدى. سونىمەن ناننيڭ قالاسى جياڭنان رايونىنداعى سۋشۇي ساقشى بولىمشەسىنە بارىپ، قولىمداعى ماتەريالىمدى ساقشىعا تاپسىردىم، اينالاسى 10 كۇن ىشىندە ناپوس قولىما ءتيدى، جۇردەك پويەزدىڭ ءجۇرىسى تەز دەپ ەستيمىن، ازاماتتىق كۋالىگىمدى ءبىتىرىپ العان سوڭ ءتۇسىپ كورمەكپىن» دەدى فاڭ شيۋليان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
