20 نەشە ولكە (اۆتونوميالى رايون، توتە قاراستى قالا) ۇسىنىس ەتۋ ءتۇزىمى بويىنشا ۇكىمەت قىزمەتكەرىن قابىلداۋدى سىناق ەتۋدە
«تەمىر كەسەنى» جويۋدى قايتكەندە قالىپتاندىرۋعا بولادى
2017.11.28 13:50 كەلۋ قاينارى : حالىق تورابى
جۋىردا، شينجياڭ ۇيعۇر اۆتونوميالى رايوندىق گەولوگيا مەكەمەسى سىندى ورىندارعا ۇسىنىس ەتۋ ءتۇزىمى بويىنشا 9 ادامدى ۇكىمەت قىزمەتكەرلىگىنە قابىلداۋ تۋرالى ۇقتىرۋ شىعارىلدى، قازان ايىنان بەرى، سىچۋان ولكەسىنىڭ دىياڭ قالاسى، حىنان ولكەسىنىڭ كايفىڭ قالاسى، سانشي ولكەسى، شينجياڭ ۇيعۇر اۆتونوميالى رايونى قاتارلى جەرلەر ۇسىنىس ەتۋ ءتۇزىمى بويىنشا ۇكىمەت قىزمەتكەرىن قابىلداۋ ۇقتىرۋىن جاريالادى. تولىق ەمەس ساناققا قاراعاندا، قازىرگە دەيىن، بۇكىل ەلىمىزدە كەمىندە 21 ولكە (اۆتونوميالى رايون، توتە قاراستى قالا) ۇسىنىس ەتۋ ءتۇزىمى بويىنشا ۇكىمەت قىزمەتكەرىن قابىلداۋدى سىناق ەتكەن.
ج ك پ ورتالىق كوميتەتى كەڭسەسى مەن مەملەكەتتىك كەڭەس كەڭسەسى جۋىردا «ۇسىنىس ەتۋ ءتۇزىمى بويىنشا قابىلدانعان ۇكىمەت قىزمەتكەرلەرىن باسقارۋ بەلگىلەمەسىن (سىناق رەتىندە اتقارىلادى)» باسىپ تاراتىپ، ۇسىنىس ەتۋ ءتۇزىمى بويىنشا ۇكىمەت قىزمەتكەرلەرىن قابىلداۋ، ولاردى باسقارۋ، باسقا ورىنعا بارۋىنا جول بەرۋ قاتارلى ماسەلەلەردى اناعۇرلىم ايقىندادى. ۇكىمەت قىزمەتكەرلەرىنىڭ «تەمىر كەسەسىن» جوياتىن ۇسىنىس ەتۋ ءتۇزىمىن قايتكەندە جاپپاي قالىپتاندىرۋعا بولادى؟
كاسىپتىك جاقتا جوعارى شارت قويىلادى
ۇسىنىس ەتۋ مەرزىمى بولادى
كاسىپتىك جاقتا جوعارى شارت قويۋ ــ ۇسىنىس ەتۋ ءتۇزىمى بويىنشا ۇكىمەت قىزمەتكەرى قابىلدايتىن ورىنداردىڭ ورتاق ەرەكشەلىگى. سانشي ولكەلىك ايدىك مالىمەت سالاسى كەڭسەسىنە ۇسىنىس ەتۋ ءتۇزىمى بويىنشا ەكى قىزمەتكەر قابىلداعاندا، ايدىك مالىمەت سالاسىنا قاتىستى كاسىپتەرمەن 5 جىلدان ارتىق ۋاقىت شۇعىلدانعان بولۋى انىق تالاپ ەتىلگەن؛ شينجياڭ گەولوگيا مەكەمەسىنە مەڭگەرۋشى ينجەنەر قابىلداۋدا، 10 جىلدان ارتىق ۋاقىت قاتىستى قىزمەت ىستەگەن بولۋى، سايكەستى جوعارى دارەجەلى ينجەنەر دارەجەسىنەن جوعارى كاسىپتىك اتاعى بولۋى تالاپ ەتىلگەن.
شىنجىن، شاڭحاي قالاسىنىڭ پۋدۇڭ رايونى قاتارلى ەكى ورىن 2007 – جىلى بۇكىل ەلىمىز بويىنشا ەڭ الدىمەن ۇكىمەت قىزمەتكەرىن ۇسىنىس ەتۋ ءتۇزىمى بويىنشا قابىلداۋدى سىناق ەتكەن، وسىدان كەيىن سىناق ەتۋ كولەمى بەيجيڭ قاتارلى جەرلەرگە ۇزدىكسىز كەڭەيدى. جۇڭگو كادرلار قىزمەتىن عىلمي زەرتتەۋ مەكەمەسىنىڭ بۇرىنعى باستىعى ۋ جياڭنىڭ ايتۋىنشا، بەلگىلى مەرزىم بويىنشا ۇسىنىس ەتۋ ــ ۇسىنىس ەتۋ ءتۇزىمى مەن شتات بەرۋ ءتۇزىمىنىڭ ەڭ باستى پارقى بولىپ ەسەپتەلەدى. شتاتتىق تۇزىمدەگى ۇكىمەت قىزمەتكەرى تەك اۋىر قاتەلىك وتكىزبەسە بولعانى، «تەمىر كەسەسىنەن» ايىرىلمايدى. «ۇسىنىس ەتۋ تۇزىمىندەگى ۇكىمەت قىزمەتكەرىن ۇسىنىس ەتۋ مەرزىمى ءبىر جىلدان 5 جىلعا دەيىن بولادى، ۇسىنىس ەتۋ مەرزىمى تولعاننان كەيىن قايتالاي ۇسىنىس ەتىلمەۋى مۇمكىن، باعالاۋ ناتيجەسى تولىمدى بولماسا، ۇسىنىس ەتۋ توقتامىن ۇزۋگە بولادى».
ءبارىنىڭ ەڭبەكاقىسى بىردەي جوعارى بولا بەرمەيدى
مامىلەسىن كەڭەسۋ ارقىلى بەلگىلەيدى
ۇسىنسى ەتۋ ءتۇزىمى بويىنشا قابىلدانعان ۇكىمەت قىزمەتكەرىنىڭ ەڭبەكاقىسى باسقا ۇكىمەت قىزمەتكەرلەرىنەن جوعارى بولا ما؟ ءتىلشى سۇحبات بارىسىندا ءار جەردە، ءار قىزمەت ورنىندا ۇسىنىس ەتۋ ءتۇزىمى بويىنشا قابىلدانعان ۇكىمەت قىزمەتكەرلەرىنىڭ مامىلەسى تۇرلىشە دەڭگەيدە بولىپ، پارىق ءبىرشاما زور ەكەنىن بايقاعان.
سانشي ولكەلىك ايدىك مالىمەت سالاسى كەڭسەسى ۇسىنىس بويىنشا قابىلداناتىن ۇكىمەت قىزمەتكەرىنە جىلىنا 300 مىڭنان 400 مىڭعا دەيىن ەڭبەكاقى بەرەدى. شينجياڭ گەولوگيا مەكەمەسىنە قابىلداناتىن مەڭگەرۋشى ينجەنەرگە جىلىنا 130 مىڭنان 150 مىڭ يۋانعا دەيىن ەڭبەكاقى بەرىلەدى. ۋحان قالاسىنا العاشقى توپتا ۇسىنىس ەتۋ ءتۇزىمى بويىنشا قابىلداناتىن ۇكىمەت قىزمەتكەرلەرىنە باجىدان بۇرىن 160 مىڭ يۋان ەڭبەكاقى بەرىلەدى. جەرگىلىكتى كادرلاردىڭ ايتۋىنشا، مۇنداي ەڭبەكاقى مولشەرى، شىنىندا دا، جاي ۇكىمەت قىزمەتكەرلەرىنەن جوعارى، الايدا، تەك ورىنباسار باسقارما دارەجەلى ورەدەن ءسال عانا جوعارى بولىپ ەسەپتەلەدى.
شتاتتىق تۇزىمدەگى ۇكىمەت قىزمەتكەرىنىڭ ەڭبەكاقىسى ونىڭ قىزمەت مىندەتى مەن قىزمەت دارەجەسى بويىنشا بەلگىلەنەدى، مەملەكەت پەن جەرگىلىكتى ورىننىڭ انىق بەلگىلەمەسى بويىنشا تاراتىلادى. ۇسىنىس ەتۋ ءتۇزىمى بويىنشا قابىلداناتىن ۇكىمەت قىزمەتكەرىنىڭ ەڭبەكاقىسى مەن مامىلەسى قالاي بەلگىلەنەدى؟ ۋحان قالالىق ەڭبەككۇش بايلىعى جانە قوعامدىق قامتاماسىزداندىرۋ مەكەمەسى باستىعىنىڭ ورىنباسارى شۇي دۇڭشياننىڭ ايتۋىنشا، ۇسىنسى ەتۋ ءتۇزىمى بويىنشا قابىلدانعان ۇكىمەت قىزمەتكەرلەرىنىڭ ەڭبەكاقىسى كەڭەسۋ ارقىلى بەلگىلەنەدى، قىزمەتكەر قابىلداعان ورىن مەن نارىق فاكتورلارى جانە ۇكىمەت قىزمەتكەرلەرىنىڭ ەڭبەكاقىسنىڭ ورەسى سىندى جان – جاقتى فاكتورلار ويلاستىرىلادى. ۇسىنىس ەتكەن ورىندار ەڭبەكاقى مولشەرىن بەلگىلەگەن سوڭ، وزىمەن دارەجەلەس ەڭبەككۇش بايلىعى جانە قوعامدىق قامتاماسىزداندىرۋ ورىندارىنا، قازىنا تاراۋلارىنا جولداپ تۇراقتاندىرۋى كەرەك.
نەگىزگى ساتىداعى بەلگىلى ەڭبەككۇش بايلىعى جانە قوعامدىق قامتاماسىزداندىرۋ تاراۋى جاۋاپتىسىنىڭ ايتۋىنشا، ۇسىنىس ەتۋ تۇزىمىندەگى كەيبىر ۇكىمەت قىزمەتكەرلەرىنىڭ ۇسىنىس ەتىلگەن مەرزىمى اياقتاماي جاتىپ، دارىندىلاردى ىزدەيتىن سەرىكتەستىكتەردىڭ كوزىنە تۇسەدى دە، ول سەرىكتىكتەر ەڭبەكاقىسىنىڭ 3 ەسەسىنەن جوعارى اقى بەرىپ، قىزمەتكەردى جوتكەپ كەتەدى. تاجىريبەلى دە اكىمشىلىك قىزمەتتەرگە ىسكەر دارىندىلار كوزگە وڭاي تۇسەدى دە، كوپتەگەن ورىندار ولاردى الىپ قالا الماي قالۋدان الاڭدايدى».
مامىلەسى مەن باسقا ورىنعا بارۋىنا جول بەرۋدى مۇقيات بەلگىلەۋ كەرەك
تەكسەرۋ مەن باقىلاۋدى كۇشەيتۋ كەرەك
سۇحباتتا بولعان ادامداردىڭ ايتۋىنشا، جاڭا بەلگىلەمەنىڭ ورتاعا قويىلۋى ۇسىنىس ەتۋ ءتۇزىمى بويىنشا قابىلدانعان ۇكىمەت قىزمەتكەرىنىڭ ورنىن تۇراقتاندىرىپ، جولىن بەلگىلەپ، باسقا ورىنعا بارۋىنا جول بەرۋدى اناعۇرلىم ايقىندادى. مىسالى: ۇسىنىس ەتۋ مەرزىمى 5 جىلعا تولعاندا، جىلدىق باعالاۋدا بۇكىلدەي تولىمدى بولسا، ماقۇلداۋ ارقىلى شتاتتىق تۇزىمدەگى ۇكىمەت قىزمەتكەرى ەتىپ قابىلداۋعا بولادى؛ اۋدان دارەجەلىدەن جوعارى جەرگىلىكتى ءار دارەجەلى ۇكىمەت قىزمەتكەرلەرىن باسقارۋ تاراۋلارى ءوز قاراستىلىعىنداعى ۇسىنىس ەتۋ ءتۇزىمى بويىنشا قابىلدانعان ۇكىمەت قىزمەتكەرلەرىن جان – جاقتىلى باسقارۋ قىزمەتىنە جاۋاپتى بولادى دەپ انىق بەلگىلەندى. بۇل ۇسىنىس ەتۋ ءتۇزىمى بويىنشا ۇكىمەت قىزمەتكەرىن قابىلداۋدىڭ سىناق تۇيىنىنەن جاپپاي جالپىلاستىرۋعا بەتالاتىنىن كورسەتەدى.
الدىڭعى مەرزىمدە سىناق رەتىندە ۇسىنىس ەتۋ ءتۇزىمى بويىنشا ۇكىمەت قىزمەتكەرىن قابىلداۋ كوبىنشە جەر – جەردەگى جاڭا رايوندار مەن كوركەيتۋ رايوندارىندا سىناق ەتىلىپ، ەكونوميكا، باقشا رايونى قۇرىلىسى، تەڭىز ىستەرىن باسقارۋ، قاتىناس – زات اينالىمى، ينفورماتسيا – ساندى مالىمەت قاتارلى كاسىپتىك سالالارعا سايادى. ۇسىنىس ەتۋ ءتۇزىمى بويىنشا قابىلدانعان ۇكىمەت قىزمەتكەرىنىڭ ايتۋىنشا، بۇل قىزمەت ورىندارى ادەتتە نارىقپەن ەتەنە بايلانىستا بولىپ، سايكەستى كاسىپتىك دارىندىلاردى ءتۇزىلىس تۇرعىسىنان تىكەلەي تاربيەلەپ شىعۋ قيىن بولادى.
ۋ جياڭ: قازىرگى قوعامنىڭ دامۋىنا ىلەسە، ۇكىمەت قىزمەتكەرلەرى قوسىنىنا قويىلاتىن كاسىپتىك تالاپ بارعان سايىن جوعارىلاۋدا، كەيبىر دامىعان ەلدەردە ۇكىمەت قىزمەتكەرىن ۇسىنىس بويىنشا قابىلداۋ مولشەرى %50كە جەتەدى، ــ دەيدى. ۇسىنىس بويىنشا قابىلداۋ ءتۇزىمى ۇكىمەت تاراۋلارىنىڭ كاسىپتىك دارىندىلاردى سارالاپ قابىلداۋىنا ءتيىمدى.
مۇنان سىرت، جاعدايعا قانىق ادامداردىڭ ايتۋىنشا، شتاتتىق تۇزىمدەگى ۇكىمەت قىزمەتكەرىنە قابىلداۋدا، ءسوزسىز، ەمتيحاننان ءوتۋ تالاپ ەتىلەدى، ۇسىنىس ەتۋ ءتۇزىمى بويىنشا قىزمەتكەر قابىلداۋ ءبىرشاما ەركىن بولاتىندىقتان، ءىشىنارا ادامداردىڭ ۇسىنىس ەتۋ ءتۇزىمى ارقىلى «شومىرعا شۇڭقىر دايىنداۋىنان»، سول ارقىلى ەڭ سوڭىندا شتاتقا ءوتىپ الۋىنان، ەڭ سوڭىندا وراعىتىپ وتىرىپ ۇكىمەت قىزمەتكەرى سالاۋاتىنا يە بولۋىنان ساق بولۋ كەرەك. مەملەكەتتىك اكىمشىلىك ينستيتۋتىنىڭ پروفەسسورى ۋاڭ يۇيكايدىڭ ايتۋىنشا، قىزمەتكەر قابىلداۋدىڭ بارلىق بارىسىنا تەكسەرۋ مەن باقىلاۋدى كۇشەيتۋ، جاريالىلىق دەڭگەيىن جوعارىلاتۋ، ۇسىنىس ەتۋ ءتۇزىمى بويىنشا قابىلدانعان ۇكىمەت قىزمەتكەرىنىڭ ەڭبەكاقىسىن ارتتىرۋ مەحانيزمى، شتاتتىق تۇزىمدەگى مىندەتكە ءوتۋ دارەجەسى سىندى ماڭىزدى تۇيىندەرگە انىق تا ناقتى بەلگىلەمەلەر شىعارۋى كەرەك.
(شينحۋا اگەنتتىگى، 27 – قاراشا، بەيجيڭ، ءتىلشى لي جينفىڭ، ۋ مىڭدا، سۇن فەي)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
