بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ بايانداماسىندا كورسەتىلۋىنشە، ەلىمىزدە زەينەتكەرلىك قامسىزداندىرۋىنا قاتىناسقانداردىڭ سانى 900 ميلليونعا تاياعان

2017.11.28 16:18     كەلۋ قاينارى : حالىق تورابى

  «حالىق گازەتى»، 27 – قاراشا، بەيجيڭ (ءتىلشى باي تيانلياڭ). ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ تاياۋدا جاريالاعان «جۇڭگونىڭ قوعامدىق قامسىزداندىرۋىنىڭ دامۋ جىلدىق بايانداماسىندا (2016)» كورسەتىلۋىنشە، وتكەن جىلى ەلىمىزدە قوعامدىق قامسىزداندىرۋ ءتۇزىمىنىڭ اينالىسى تۇلعالىق جاقتان ورنىقتى بولىپ، ءتۇرلى قوعامدىق قامسىزداندىرۋ مامىلە ورەسى جاپپاي جوعارىلاعان، بۇندا كاسىپورىنداردان دەمالىسقا، زەينەتكە شىققانداردىڭ كىسى باسىنا تۋرا كەلەتىن ايلىق زەينەتاقىسى 2 مىڭ 373 يۋان بولىپ، وتكەن جىلداعىدان 122 يۋان جوعارىلاپ، %5.4 ارتقان؛ جۇمىسشى – قىزمەتكەرلەر مەن تۇرعىنداردىڭ نەگىزدىك ەمدەۋ قامسىزداندىرۋ ساياساتى كولەمىندە شيپاحاناعا جاتىپ ەمدەلۋ اقىسىن قوردان شىعىس ەتۋ سالىستىرماسى جەكە – جەكە %80 تەن جوعارى جانە %70 اينالاسىندا بولعان؛ مەملەكەت بويىنشا كاسىپسىزدىك قامسىزداندىرۋىن الاتىنداردىڭ اي سايىن الاتىن كاسىپسىزدىك قاراجاتى ءبىر مىڭ 51 يۋان بولىپ، وتكەن جىلداعىدان 91 يۋان جوعارىلاپ، %9.5 ارتقان. باسقا دا ءتۇرلى مامىلە تۇرلىشە دارەجەدە جوعارىلاپ، حالىق بۇقاراسى ەكونوميكالىق، قوعامدىق دامۋ تابىسىنان بارىنشا يگىلىكتەنگەن.


  قوعامدىق قامسىزداندىرۋعا قاتىناسۋ كولەمى تىڭعىلىقتى ىلگەرىلەتىلۋدە. 2016 – جىلى مەملەكەتىمىزدىڭ جەر – جەرىندە جالپى حالىقتىڭ قامسىزداندىرۋعا قاتىناسۋ تىزىمدەۋ جوسپارىن اتقارۋ زور كۇشپەن باياندى ىلگەرىلەتىلىپ، سانىن انىقتاۋ نەگىزىندە دالمە – ءدال باسقارۋ، كولەمىن دالمە – ءدال كەڭەيتۋ جۇزەگە اسىرىلىپ، 5 ءتۇرلى قامسىزداندىرۋعا قاتىناسقانداردىڭ سانى وتكەن جىلداعىدان كوبەيگەن. بۇندا زەينەتكەرلىك قامسىزداندىرۋىنا قاتىناسقانداردىڭ سانى 887 ميلليون 770 مىڭعا، نەگىزدىك ەمدەلۋ قامسىزداندىرۋىنا قاتىناسقانداردىڭ سانى 743 ميلليون 920 مىڭعا (ادام كۇشى بايلىعى جانە قوعامدىق قامتاماسىزداندىرۋ مينيسترلىگى جاۋاپتى بولىپ باسقارعان تۇرعىنداردىڭ قالا مەن اۋىلدارداعى ءبىر تۇتاس جوسپارلانعان نەگىزدىك ەمدەلۋ قامسىزداندىرۋىنا قاتىناسۋشىلار دا قامتىلادى)، جۇمىس ۇستىندە جارالانۋ قامسىزداندىرۋىنا قاتىناسقانداردىڭ سانى 218 ميلليون 890 مىڭعا، كاسىپسىزدىك قامسىزداندىرۋىنا قاتىناسقانداردىڭ سانى 180 ميلليون 890 مىڭعا، تۋىت قامسىزداندىرۋىنا قاتىناسقانداردىڭ سانى 184 ميلليون 510 مىڭعا جەتكەن. سونىمەن بىرگە، قامسىزداندىرۋعا قاتىناسۋ كولەمىن كەڭەيتۋ جاعىندا كەيبىر يكەمدى كاسىپتەنۋشىلەر، جاڭاشا كاسىپپەن شۇعىلدانۋشىلار جانە ءىشىنارا شاعىن، ۇساق كاسىپورىنداردىڭ قامسىزداندىرۋعا قاتىناسۋ سالىستىرماسى تومەن بولۋ، ءالى دە ءبىر ءبولىم بۇقارانىڭ زەينەتكەرلىك قامسىزداندىرۋ جۇيەسىنە ەنگىزىلمەۋى، جۇمىس ۇستىندە جارالانۋ، تۋىت قامسىزداندىرۋىنا قاتىناساتىنداردىڭ سالىستىرماسىن اناعۇرلىم جوعارىلاتۋ سىندى ماسەلەلەر ورىن تەبۋدە. پارتيانىڭ 19 – قۇرىلتايىنىڭ بايانداماسىندا «جالپى حالىقتى قامسىزداندىرۋعا قاتىناستىرۋ جوسپارىن جاپپاي اتقارۋ» جاڭا تالابى ورتاعا قويىلدى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى جالپى حالىقتى قامسىزداندىرۋعا قاتىناسۋ تىزىمدەۋ قىزمەتى تابىسىن اناعۇرلىم بەكەمدەپ جانە ويداعىداي پايدالانىپ، حالىق جۇمىسكەرلەرى، يكەمدى كاسىپتەنۋشىلەر سىندى ءتۇيىندى ادامداردى ءارى جاڭاشا كاسىپپەن شۇعىلدانۋشىلاردىڭ كولەمىن كەڭەيتۋ قىزمەتىن ءۇرتىس جاقسى ىستەمەك. بۇدان سىرت، ورگان، ءىسورىندارداعى زەينەتكەرلىك قامسىزداندىرۋى قىزمەتى دە باياندى ىلگەرىلەتىلۋمەن بىرگە، قۇرىلىس جۇرگىزەتىن كاسىپورىنداردىڭ دا جۇمىس ۇستىندە جارالانۋ قامسىزداندىرۋىنا قاتىناسۋىنا دەم بەرىلىپ، «بارشا جۇرت قوعامدىق قامتاماسىزداندىرۋدىڭ يگىلىگىن كورۋ» نىسانالىق مىندەتىن ەرتەرەك جۇزەگە اسىرۋعا قۇلشىنىس جاسالماق.


  كەلۋ قاينارى: حالىق تورابى


  
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار