دۇنيە جۇزىلىك ينتەرنەت ماجىلىسىندە كوك تىستى كىتاپ تۇڭعىش رەت جاريالاندى
جۇڭگونىڭ سيفرلى ەكونوميكاسى دۇنيە ءجۇزى بويىنشا ەكىنشى ورىنعا تابان تىرەدى
2017.12.05 13:57 كەلۋ قاينارى : حالىق تورابى
شينحۋا اگەنتتىگى، 4 – جەلتوقسان، حاڭجوۋ. «دۇنيە جۇزىلىك ينتەرنەتتىڭ دامۋى جونىندەگى بايانداما – 2017» جانە جۇڭگو ينتەرنەتىنىڭ دامۋى جونىندەگى بايانداما – 2017» كوك تىستى كىتابى 4 – جەلتوقساندا اشىلعان 4 – كەزەكتى دۇنيە جۇزىلىك ينتەرنەت ماجىلىسىندە رەسمي جاريالاندى. باياندامادا اتاپ كورسەتىلۋىنشە، 2016 – جىلى جۇڭگونىڭ سيفرلى ەكونوميكاسىنىڭ جالپى مولشەرى 22 تريلليون 580 ميلليارد يۋانعا جەتىپ، دۇنيە ءجۇزى بويىنشا ەكىنشى ورىنعا شىعىپ، GDPدان ۇستايتىن ارا سالماعى %30.3كە جەتكەن، سيفرلى ەكونوميكا ۋاكىلدىك ەتكەن جاڭا ەكونوميكا قارىشتاپ دامىعان.
ءتىلشىنىڭ ۇعىسۋىنشا، كوك تىستى كىتاپتى جازۋعا جۇڭگو عالامتور اياسىن زەرتتەۋ مەكەمەسى باستاماشى بولعان، كىتاپتىڭ مازمۇنى ەل ءىشى – سىرتىنداعى ينفورماتسيالىق نەگىزدىك قۇرىلعىلار، عالامتورلىق ينفورماتسيا تەحنولوگياسى، عالامتور حاۋىپسىزدىگى، سيفرلى ەكونوميكا، ەلەكتروندىق جۇيەدەگى اكىمشىلىك ىستەر، ينتەرنەتتىك اقپارات قۇرالدارى، عالامتور اياسىن حالىقارالىق تۇرعىدان رەتكە سالۋ سىندى ينتەرنەتتى دامىتۋ جاعىنداعى ءتۇيىندى سالالار قامتىلعان. كوك تىستى كىتاپتىڭ جاريالانۋى ــ اتالعان ءماجىلىس اشىلعاننان بەرى تۇڭعىش رەت دۇنيە جۇزىنە ينتەرنەت سالاسىنداعى ەڭ جاڭا عىلمي زەرتتەۋ ناتيجەلەرىن جاريالاۋى بولىپ تابىلادى.
بايانداماعا قاراعاندا، 2017 – جىلى ماۋسىم ايىنا دەيىن، دۇنيە ءجۇزى بويىنشا عالامتور تۇتىنۋشىلارىنىڭ سانى 3 ميلليارد 890 ميلليون ادامعا جەتىپ، جالپىلاسۋ مولشەرى %51.7 بولعان، مۇندا جۇڭگونىڭ عالامتور تۇتىنۋشىلارىنىڭ سانى 751 ميلليون ادام بولىپ، دۇنيە ءجۇزى بويىنشا ءبىرىنشى ورىنعا شىققان. سيفرلى ەكونوميكانى دامىتۋى ــ دۇنيە جۇزىندەگى باستى ءىرى ەلدەر مەن رايونداردىڭ دۇنيە جۇزىلىك باسەكەلىك قۋاتىن قايتا قالىپتاستىرۋدا تاڭدايتىن تالعامى بولىپ قالدى، قازىر دۇنيە ءجۇزى GDPىنىڭ %22ى ونەر-ءبىلىم مەن كاپيتال توپتالعان سيفرلى ەكونوميكامەن تىعىز قاتىستى، جۇڭگونىڭ سيفرلى ەكونوميكاسى دۇنيە ءجۇزى GDPىنىڭ %30ىن ۇستايدى. ينتەرنەت ۋاكىلدىك ەتكەن جاڭا كەزەكتى عىلىم – تەحنيكا جانە ٴوندىرىس توڭكەرىسىنىڭ بەتالىسى قالىپتاسىپ بولدى، جاساندى زەردە سىندى جاڭا گۇلدەنگەن تەحنيكالار دۇنيە جۇزىندەگى جاڭالىق جاراتۋدىڭ جاڭا بيىگىنە اينالدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
