2018 – جىلى مىنا جاڭا بەلگىلەمەلەر اتقارىلادى: ساياحات جەتەكشىلەرىنىڭ زات ساتىپ الۋعا ماجبۇرلەۋىنە بولمايدى، سىرتقا ساتاتىن ساۋداگەرلەردىڭ ناقتى دۇكەنى بولۋى كەرەك
2017.12.27 14:03 كەلۋ قاينارى : حالىق تورابى
1 – قاراشا مەملەكەتتىك ساياحات مەكەمەسى «ساياحات جەتەكشىلەرىن باسقارۋ ءادىسىن» (تومەندە قىسقاشا «ءادىس» دەلىنەدى) جاريالادى، «ادىستە» ساياحات جەتەكشىسى كاسىبى رۇقسات كۋالىگى، باسقارۋ، قامتاماسىزداندىرۋ جانە شابىتتاندىرۋ، جازالاۋ سياقتىلار جونىنەن ايقىن بەلگىلەمە شىعارىلدى، «ءادىس» 2018 – جىلى 1 – قاڭتاردان باستاپ اتقارىلادى. «ادىستە» مىنالار ايقىن بەلگىلەندى: ساياحات جەتەكشىلەرى ەلەكتروندى ساياحات جەتەكشىسى كۋالىگىن الىپ ءجۇرۋى، ساياحات جەتەكشىسى تولىمدىلىق بەلگىسىن تاعىنۋى، ساياحات جەتەكشىسى كاسىبىنە قاتىستى قولدانىلمالى جۇمساق بولشەكتەردى اشۋى كەرەك. ساياحاتشىلار ساياحات جەتەكشىلەرىنەن قىزمەت كۋالىگى مەن تولىمدىلىق بەلگىسىن كورسەتۋىن تالاپ ەتۋگە ۇقىقتى. «ادىستە»: ساياحات جەتەكشىسىنىڭ قىزمەت ۇستىندە ساياحات لەنياسىن ءوز ەركىمەن وزگەرتۋىنە، زات ساتىپ الۋعا شىرعالاۋىنا، ماجبۇرلەۋىنە، ساياحاتشىلاردان سىرىڭكەلىك الۋىنا بولمايتىندىعى سىندى 11 ءتۇرلى ەرەجەگە قايشى ارەكەت بەلگىلەنۋمەن بىرگە، ساياحات جەتەكشىسى كاسىبىن باسقارۋ بەلگىلەمەسىنە قايشى كەلگەن ارەكەت – نىسايلارعا دا جازا قولدانىلاتىنى بەلگىلەنىپ، قاتىستى زاڭدىق جاۋاپكەرلىك ايقىندالدى.
ساياحات جەتەكشىلەرى قىزمەت بارىسىندا ساياحاتشىلاردىڭ كىسىلىك ار – نامىسىن قۇرمەتتەۋى، باس اماندىعىنا قول سۇقپاۋى، زاڭدى ۇقىق – مۇددەسىن قورعاۋى كەرەك. «ادىستە» مىنالار ايقىن بەلگىلەندى: ساياحات جەتەكشىلەرى ساياحات كووپەراتيۆتەرى مەن ساياحاتشىلار العا قويعان ادامدىق قاسيەتتى قورلايتىن، كاسىپتىك ءمورالعا قايشى كەلەتىن، ەلىمىزدىڭ ۇلتتىق سالت – سانا، ادەت – عۇرپىنا ۇيلەسپەيتىن ورىنسىز تالاپتارىن تويتارۋعا ۇقىقتى؛ ساياحات كووپەراتيۆتەرى ساياحات جەتەكشىلەرىنەن ۇيلەسىمسىز تومەن باعامەن ۇيىمداستىرىلعان ساياحات ۇيىرمەلەرىن قابىلداۋى نەمەسە قابىلداعان ساياحات ۇيىرمەلەرىنىڭ قاتىستى قاراجاتتارىنا جاۋاپتى بولۋى تالاپ ەتىلگەندە، ساياحات جەتەكشىلەرى ساياحات باسقارۋ تاراۋلارىنا ارىزدانۋعا، اشكەرەلەۋگە ۇقىقتى؛ كورىنىس رايوندارى ساياحات جەتەكشىسى كۋالىگىمەن جۇمىس جۇرگىزگەن جانە كاسىپپەن بايلانىستى قيمىلدارمەن شۇعىلدانىپ جۇرگەن ساياحات جەتەكشىلەرىنەن ەسىك بەلەتىن كەشىرىم ەتۋگە شابىتتاندىرادى.
اۆتوموبيل ساتىپ الۋ باجىسى %7.5 تەن قالپىنا كەلتىرىلىپ %10 كە تۇراقتاندى
2018 – جىلى 1 – قاڭتاردان باستاپ «جۇڭحۋا حالىق رەسپۋبليكاسىنىڭ اۆتوموبيل ساتىپ الۋ ۋاقىتتىق ەرەجەسىنىڭ» 5 – تاراۋىنداعى بەلگىلەمەگە ساي، گاز ىعىستىرۋ قۋاتى 1.6L لىكتەن تومەن اۆتوموبيلدەردەن زاڭدا بەلگىلەنگەن باجى الۋ سالىستىرماسى قالپىنا كەلتىرىلىپ %10 تىك ولشەمگە تۇراقتانعان. مىنىسكە پايدالاناتىن كولىكتەردىڭ ساتىپ الۋ ۋاقىتى «ماتورلى قاتىناس كولىگىن ساتۋ بىرلىككە كەلگەن تالونى» نەمەسە «كەدەن سالىعى ارناۋلى اقشا تاپسىرۋ تالونى» سىندى كۇشكە يە كۋالىكتى كەسكەن كۇننەن باستاپ بەلگىلەنەدى. اۆتوموبيل ساتىپ الۋ باجىسىن ەسەپتەۋدىڭ قارىزگى ءادىسى مىناداي: اۆتوموبيل ساتۋ تالون باعاسى ÷ 1.17 × %10 = تاپسىرۋعا ءتيىستى قاتىناس كولىكتەرىن ساتىپ الۋ باجىسى.
ورتالىق بانكە اۆتوموبيل قارىز اقشا ساياساتىن رەتتەمەك
اۆتوموبيل تۇتىنۋدى اناعۇرلىم قولداپ – قۋاتتاپ جەبەۋ، اۆتوموبيل قارىز اقشا كاسىبىن باسقارۋدى ارناعا ءتۇسىرۋ ءۇشىن، جۇڭگو حالىق بانكەسى، جۇڭگو بانكە كاسىبىن باقىلاپ – باسقارۋ كوميتەتى «اۆتوموبيل قارىز اقشاسىن باسقارۋ ادىسىنە» وزگەرىس ەنگىزۋدى ۇيعاردى. وزگەرىس ەنگىزىلگەننەن كەيىنگى «اۆتوموبيل قارىز اقشاسىن باسقارۋ ءادىسى» 2018 – جىلى 1 – قاڭتاردان باستاپ اتقارىلادى.
ورتالىق بانكە، بانكە باقىلاۋ قوعامى اۆتوموبيل قارىز اقشاسىنا قاتىستى ساياساتتاردى رەتتەۋ جونىندەگى ۇقتىرۋىندا مىنالاردى اتاپ كورسەتتى: ءوزى پايدالاناتىن ءداستۇرلى قوزعاۋشى كۇش اۆتوموبيلدەرىنە ەڭ جوعارى بولعاندا %80، ال ساۋدا ىستەرىنە پايدالاناتىن ءداستۇرلى قوزعاۋشى كۇش اۆتوموبيلدەرىنە ەڭ جوعارى بولعاندا %70 قارىز اقشا بەرىلسە؛ ءوزى پايدالاناتىن جاڭا ەنەرگيالى اۆتوموبيلدەرگە ەڭ جوعارى بولعاندا %85، ساۋدا ىستەرىنە پايدالاناتىن جاڭا ەنەرگيالى اۆتوموبيلدەرگە ەڭ جوعارى بولعاندا %75 قارىز اقشا بەرىلەدى؛ وتكەرمەلى اۆتوموبيلدەرگە ەڭ جوعارى بولعاندا %75 قارىز اقشا بەرىلەدى ەكەن.
عالامتور اس - سۋىنىڭ جاڭا بەلگىلەمەسى: سىرتقا ساتاتىن ساۋداگەردىڭ ناقتى دۇكەنى بولۋى كەرەك
مەملەكەتتىك ازىق – تۇلىك، ءدارى – دارمەك باقىلاپ – باسقارۋ باس مەكەمەسى تاياۋدا «عالامتورلى اس - سۋعا قىزمەت وتەۋ، ازىق – تۇلىك حاۋىپسىزدىگىن باقىلاپ – باسقارۋ ءادىسىن» جاريالاپ، عالامتورعا ەنگىزىلگەن اس – سۋ قىزمەت وتەۋىمەن شۇعىلدانۋشىلاردىڭ ناقتى ساۋدا – تيجارات جۇرگىزەتىن دۇكەنى بولۋىن ءارى زاڭ بويىنشا ازىق – تۇلىك تيجاراتىمەن اينالىسۋ رۇقسات كۋالىگىن الۋىن، ساۋداسىن تيجارات كولەمىنەن اسىرماۋىن تالاپ ەتتى.
ۇعىسۋعا قاراعاندا، ءادىس جالپى 46 تاراۋعا ءبولىنىپ، 2018 – جىلى 1 – قاڭتاردان باستاپ اتقارىلادى ەكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
