بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

كولىك توقتاتۋ اقىسىنداعى قالايماقاندىقتى قالاي شەشۋ كەرەك

2018.01.02 15:00     كەلۋ قاينارى : حالىق تورابى

  حالىق تورابى، 2 – قاڭتار، بەيجيڭ. كولىك توقتاتۋ اقىسىن ەلەكترونداستىرۋ ونىمدىلىكتى جوعارىلاتىپ قالماستان، اقى الۋ بارىسى دا انىق بولىپ، كەيبىر اقى جيناۋ قىزمەتكەرلەرىنىڭ قالايماقان اقى الۋىنان ساقتاندى. ەڭ ماڭىزدىسى كولىك توقتاتۋ بارىسىنداعى ساندى مالىمەتتەر ارقىلى زەردەلى قالا باسقارۋعا عىلىمي نەگىز قالادى.

  «ءدامحاناعا كەلگەندەردەن 10 يۋان، ەمحاناعا كەلگەندەردەن الدىمەن 30 يۋان الامىز، كولىگىڭدى توقتاتقان سوڭ قايدا باراتىنىڭدى ايتساڭ، قاشان ورالاتىنىڭدى مەجەلەي الامىن».

  كولىك جۇرگىزۋشىلەر جايشىلىقتا مىناداي جاعدايعا كوپ ۇشىرايدى. زورعا دەگەندە كولىك توقتاتاتىن بوس ورىن تاۋىپ، كولىگىن ەندى توقتاتايىن دەگەندە، قايدان كەلگەنى بەلگىسىز، اقى الاتىن قىزمەتكەر شىعا كەلىپ، از دەگەندە ون - جيىرما يۋان تولەۋگە قولقالايدى.

  بۇل اقى الۋشىلار كەي كەزدە سارى كيىم، كەي كەزدە كوك كيىم كيىپ الدىڭىزدان شىعا كەلەدى؛ ال جول شەتىندە كولىك توقتاتۋ تۋرالى ەشقانداي اقى الۋ ولشەمى، قالاي اقى الۋ، قانشا الۋى ەسكەرتىلىپ جازىلماعان، سول ءبىر اۋىز سوزبەن قانشا اقى تولەۋ شەشىلمەك. ونىمەن اقى الۋ ولشەمى تۋرالى داۋلاسساڭىز، ءسىز كولىگىڭىزدى توقتاتىپ كەتكەننەن كەيىن، كولىگىڭىزدىڭ سىرىن كوشىرىپ تاستاۋى مۇمكىن؛ ەگەردە داۋلاسپاساڭىز، مۇمكىن تەكتەن تەككە ارتىق اقى تولەۋىڭىز مۇمكىن، اۋەلى كەي كەزدە ارتىق اقى تولەسەڭىزدە، جول شەتىنە بەتالدى كولىك توقتاتتى دەگەن اقشالاي ايىپ سالۋ تالونىن تاپسىرىپ الۋىڭىزدى دا مۇمكىن.

  جوعارىداعى ايتىلعان قالايماقان اقى الۋدى جونگە سالۋ ءۇشىن، بىلتىر 26 – جەلتوقساننان باستاپ، بەيجيڭ قالاسى جول شەتىندەگى 4086 ورىنداعى كولىك توقتاتۋ الاڭىنا ەلەكتروندىق اقى الۋ جۇيەسىن ورناتتى: بىلايشا ايتقاندا، قانشا اقى تولەۋدى اقى جيناۋشى قىزمەتكەردىڭ ايتقانى ەمەس، ەلەكتروندىق تەكشەنىڭ ناقتى ەسەپتەۋى بىلەتىن بولدى. بۇدان سىرت، قاعاز اقشا ەمەس، اليپەي، ۋيچات، قالا اكىمشىلىك كارتۋچكاسى، ETC، بانكە كارتۋچكاسى قاتارلى بەس ءتۇرلى اقى تولەۋ ءادىسى دە ىسكە قوسىلدى. كىشكەنتاي عانا جاڭالىق بولاشاقتا اتالعان سالادا ۇلكەن وزگەرىس بولاتىنىنان دەرەك بەرمەك. كولىك توقتاتۋ اقىسىن جيناۋدىڭ ەلەكترونداسۋى ونىمدىلىكتى جوعارىلاتىپ قالماستان، ەكى جاققادا قولايلىلىق اكەلدى.

  ىسجۇزىندە، جول شەتىندەگى كولىك توقتاتۋ اقىسىن جيناۋدىڭ ەلەكترونداسۋىنان سىرت، جاڭادان كوركەيىپ كەلە جاتقان زەردەلى كولىك توقتاتۋ جۇيەسىنىڭ ىسكە قوسىلۋى كولىك توقتاتۋ ونىمدىلىگىن جوعارىلاتىپ، كولىك توقتاتۋ الاڭىنىڭ دامۋىنا تۇرتكىلىك رول اتقاردى. ماسەلەن، ساندى مالىمەتتەردىڭ ەسەپتەلۋى ارقىلى، ەمحانانىڭ كولىك توقتاتۋ ونىمدىلىگى جوعارىلاپ، ناۋقاستىڭ ەمدەلۋ ۋاقىتى قىسقاردى؛ كولىك ءنومىرىن تانۋ تەحنيكاسى ارقىلى تۇرعىن ءۇي اۋلاسىنا كىرگەن كولىكتەردىڭ وسى اۋلادا تۇراتىن ءۇي يەسى نەمەسە جولاۋشى ەكەنى انىق كورسەتىلىپ، اۋلا حاۋىپسىزدىگىن جوعارىلاتۋدا اسا كورنەكتى رول اتقاردى.

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار