بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

ورتالىقتىڭ تەكسەرۋ گرۋپپاسى: شينجياڭنىڭ ءىشىنارا جەرلەرىندە اۋا مەن سۋ ماسەلەسى كورنەكتى

حى يىڭچۇن، لياۋ شينيۋە

2018.01.03 13:11     كەلۋ قاينارى : حالىق تورابى

  حالىق تورابى، 2 – قاڭتار، بەيجيڭ. ورتالىقتىڭ قورشاعان ورتانى قورعاۋ ىستەرىن تەكسەرۋگە جاۋاپتى 8 – گرۋپپاسى 2 – قاڭتاردا شينجياڭ ۇيعۇر اۆتونوميالى رايونى مەن شينجياڭ ءوندىرىس – قۇرىلىس بيڭتۋانىنا تەكسەرۋ احۋالىن اڭىس ەتتى.


  ورتالىقتىڭ قورشاعان ورتانى قورعاۋ ىستەرىن تەكسەرۋگە جاۋاپتى 8 – گرۋپپاسى 2017 – جىلى 11 – تامىزدان 11 – قىركۇيەككە دەيىن شينجياڭ ۇيعۇر اۆتونوميالى رايونىندا (شينجياڭ ءوندىرىس – قۇرىلىس بيڭتۋانىن قامتيدى) قورشاعان ورتانى قورعاۋ ىستەرىنە تەكسەرۋ جۇرگىزدى ءارى تەكسەرۋ ناتيجەسىنە پىكىر ءبىلدىردى.


  تەكسەرۋ ۇيىرمەسى مىنالاردى اتاپ كورسەتتى: 2017 – جىلى 31 – قازانعا دەيىن، تەكسەرۋ ۇيىرمەسى بۇقارانىڭ مالىمدەۋى بويىنشا ءبىرجاقتى ەتۋگە جوتكەپ بەرگەن 2905 ماسەلە نەگىزىنەن ءبىرجاقتى ەتىلدى، 2182 ورىندى رەتتەۋ جۇرگىزۋ مەن تۇزەتۋگە بۇيىردى، 548 ورىندى ەستەلىككە الدى جانە جازالادى، 68 ميلليون 200 مىڭ يۋاندىق اقشالاي ايىپ سالدى، ءبىر ماسەلەگە دەلو تۇرعىزىپ تەكسەرۋ جۇرگىزدى، 25 ادامدى تۇتقىنداي تۇردى، 163 ادامدى شاقىرىپ اڭگىمەلەستى، 1613 ادامنىڭ جاۋاپكەرشىلىگىن قۋزاستىردى. مۇندا ءوندىرىس – قۇرىلىس بيڭتۋانىنان 583 ماسەلەنى ءبىرجاقتى ەتىپ، 457 ورىندى رەتتەۋ جۇرگىزۋگە جانە وزگەرتۋگە بۇيىردى، 78 ورىندى ەستەلىككە الدى جانە جازالادى، ءبىر ادامدى تۇتقىنداي تۇردى، ون ادامدى شاقىرىپ اڭگىمەلەستى، 628 ادامنىڭ جاۋاپكەرشىلىگىن قۋزاستىردى.


  تەكسەرۋ ۇيىرمەسىنىڭ اتاپ كورسەتۋىنشە، شينجياڭ ۇيعۇر اۆتونوميالى رايونىنىڭ قورشاعان ورتانى قورعاۋ قىزمەتىندە ساقتالىپ وتىرعان ماڭىزدى ماسەلەلەر مىنالاردى قامتيدى: يدەيالىق تانىمدى جوعارىلاتۋعا تۋرا كەلەدى، قىزمەتتى تياناقتاندىرۋى ويداعىداي ەمەس، كەي جەرلەر مەن تاراۋلاردىڭ باسشى كادرلارىنىڭ دامۋعا كوڭىل ءبولىپ، قورعاۋعا ءمان بەرمەۋ سىندى تانىمى ءالى وزگەرمەگەن، ولار شينجياڭنىڭ دامۋى كەنجەلەۋ بولعاندىقتان، جەرگىلىكتى ورىندى كوركەيتۋدە كومىر، مۇناي، كەن ونىمدەرى سىندى بايلىق ابزالدىلىقتارىنا سۇيەنۋ سىندى باعداردى ۇستانۋ كەرەك، قورشاعان ورتانى قورعاۋدى وتە دارىپتەپ كەتۋ ناقتى جاعدايعا ۇيلەسپەيدى دەپ قارايدى. ءىشىنارا جەرلەردە اۋا مەن سۋ ماسەلەسى كورنەكتى، ءۇرىمجى قالاسىندا 2016 – جىلى قىسقى جىلۋمەن قامداۋ مەزگىلىندە سىمىرىلەتىن شاڭ – توزاڭ، ۇساق شاڭ – توزاڭ، توتىقتانعان ازوتتى زاتتاردىڭ ورتاشا قويۋلىعى 2014 – جىلداعىمەن سالىستىرعاندا زور مولشەردە ارتقان. قارامايلى قالاسىنداعى ايىرىقكولدى سىناق تۇيىنىنە ەنگىزۋ سىندى وڭالتۋ ينجەنەرياسىنىڭ اياق الىسى توقىراعان، كول تۇبىندەگى بالشىقتى ارشۋ، شارباقپەن قورشاپ مال باعۋعا تيىم سالۋ سىندى 9 نىسانعا كۇنى بۇگىنگە دەيىن قارجى بولىنبەگەن، بۇل سۋ ساپاسىنىڭ جاقسارۋىنا اۋىر ىقپال ەتكەن. كەي جەرلەردە ەكولوگيالىق ورتانى ءبۇلدىرۋ ماسەلەلەرى ساقتالىپ وتىر، 2013 – جىلدان بەرى، بۇراتالا وبلىسىنداعى مەملەكەتتىك قارجىلاندىرۋ سەرىكتەستىگى بو – ايفىڭ بيولوگيالىق ونىمدەر سەرىكتەستىگىنىڭ جارناسىنان ۇلەس الىپ، بەلگىلەمەگە قايشى تۇردە ەبنۇر كولى مەملەكەتتىك جاراتىلىستىق قورىعىنىڭ وزەكتى وڭىرىندە توعان قازىپ، تۇزدى قۇرت اۋلاعان ءارى ۇلەس العان. مۇنان سىرت، شينجياڭدا سۋ بايلىعى وتە تاپشى، الايدا، مەملەكەتتىڭ جەر استى سۋىن الۋعا تيىم سالۋ، شەكتەۋ سالۋ تالاپتارىن پارمەندى تياناقتاندىرماعان. ءىشىنارا جەرلەردە قورشاعان ورتانى قورعاۋ ماسەلەلەرى تۇبەگەيلى شەشىلمەگەن، ءۇرىمجى قالاسى ميدۇڭ حيميالىق ونەركاسىپ باقشاسىنداعى بولات – تەمىر قۇياتىن 19 كاسىپورىننىڭ ىشىندە 11 كاسىپورىن قورشاعان ورتانى قورعاۋ رەسميەتىن بىتىرمەگەن، 4 كاسىپورىندا لاستانۋدى وڭالتۋ قۇرىلعىلارى بولماعان. ۇلانباي اۋىز سۋ قاينارى ءۇرىمجى قالاسىنىڭ ماڭىزدى اۋىز سۋ كوزى ەسەپتەلەدى، الايدا، 2013 – جىلدان بەرى، قالالىق ۇكىمەت پەن قالانىڭ دامىتۋ – رەفورمالاۋ، جوسپارلاۋ تاراۋلارى ىلگەرىندى – كەيىندى ۇلانباي كولى ماڭىندا لاس سۋدى ءبىرجاقتى ەتۋ زاۆودىن سالۋعا ورىن تاڭداۋ ءىسىن ماقۇلداعان ءارى زاۆودتى اتالعان اۋىز سۋ قاينارىنداعى 2 – دارەجەلى قورعالاتىن وڭىرگە سالعان، ونىڭ ۇستىنە، كولگە قۇياتىن لاس سۋ اۋزىن اشىپ، سۋ قاينارىنىڭ حاۋىپسىزدىگىنە اۋىر قاتەر توندىرگەن.


  سونىمەن بىرگە، تەكسەرۋ ۇيىرمەسى مىنالاردى اتاپ كورسەتتى: شينجياڭ ءوندىرىس – قۇرىلىس بيڭتۋانىنداعى ءىشىنارا ديۆيزيالاردىڭ قورشاعان ورتانى قورعاۋعا جاۋاپتى نەگىزگى تۇلعالارى جاۋاپكەرشىلىكتى ويداعىداي تياناقتاندىرماعان، باسقارۋ مەحانيزمدەرى ءالى كەمەلدەنبەگەن، ءىشىنارا جەرلەردە ەكولوگيالىق ورتا ماسەلەسى ءبىرشاما كورنەكتى، ءوندىرىس – قۇرىلىس بيڭتۋانىنىڭ دامىتۋ – رەفورمالاۋ كوميتەتى ىلەدەگى قارا ارا قورىعىنىڭ ىشىندەگى كومىر كەنىن 2016 – جىلدان 2020 – جىلعا دەيىنگى كومىر كەنى سالاسىنداعى ءوندىرىس قۋاتىن شەگىندىرۋ تىزىمدىگىنە ەنگىزبەگەن. ءىشىنارا جەرلەردە لاستانۋدى وڭاۋ قىزمەتى پارمەندى بولماعان، شىحىزى قالاسى جۋىرداعى جىلداردان بەرى ءبىر توپ ەنەرگيا، حيميالىق ونەركاسىپ كاسىپورىندارىن سالىپ، وڭىرلىك قۇرىلىمدىق لاستانۋ ماسەلەلەرى كۇن ساناپ كورنەكتىلەنە تۇسكەن. قورشاعان ورتا جاعىنداعى ءىشىنارا كورنەكتى ماسەلەلەر ۇزاق ۋاقىتتان بەرى شەشىلمەگەن، ءوندىرىس – قۇرىلىس بيڭتۋانىنداعى ولكە دارەجەلى 4 جاراتىلىستىق قورىق رايونىندا زاڭ – بەلگىلەمەگە قايشى قۇرىلىس جۇرگىزۋ ماسەلەلەرى ءبىرشاما كوپ، كۇيتۇن وزەنى الابىنداعى سازدى جەر ولكە دارەجەلى جاراتىلىستىق قورىعى كولەمىندە 17 ورىنداعى سۋ ەلەكتر ستانسياسى بەلگىلەمەگە قايشى وندىرىسكە قوسىلعان.


  تەكسەرۋ ۇيىرمەسى مىنانى تالاپ ەتتى: شينجياڭ ۇيعۇر اۆتونوميالى رايونى مەن شينجياڭ ءوندىرىس – قۇرىلىس بيڭتۋانى ەكولوگيالىق وركەنيەت قۇرىلىسى سىندى ساياسي مىندەتتى باتىل ۇستىنە الىپ، جاسىل دامۋ تانىمىن بەرىك تىكتەپ، قوعامنىڭ ورنىقتىلىعى مەن باياندى تىنىشتىق سىندى باستى ماقساتتى تىعىز توڭىرەكتەي وتىرىپ، قورشاعان ورتانى قورعاۋدا پارتيا مەن ۇكىمەت بىردەي جاۋاپكەرشىلىك ارقالاۋ مەن ءبىر باسشى قوس جاۋاپكەرشىلىك ارقالاۋدى كۇشەيتىپ، ەكولوگيالىق وركەنيەت قۇرىلىسىن مىقتى يگەرىپ، قورشاعان ورتانى قورعاۋدان بوساڭسىماۋ كەرەك. ءوندىرىس – قۇرىلىس بيڭتۋانى مەن جەرگىلىكتى ورىننىڭ قورشاعان ورتانى قورعاۋ ىستەرىنە ءبىرتۇتاس ورنالاستىرۋ جاساۋ مەن سايكەستىرۋدى كۇشەيتىپ، قورشاعان ورتانى قورعاۋ جاعىنداعى كورنەكتى ماسەلەلەردى كۇش سالا شەشىپ، باتىس سولتۇستىك ءوڭىردىڭ ەكولوگيالىق ورتاسىنداعى حاۋىپسىزدىك قالتقىسىن ۇزدىكسىز بەكەمدەۋىمىز كەرەك.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار