بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

ەلىمىز دارىندىلار ۆيزا ءتۇزىمىن اتقارىپ، شەتەلدىك دارىندىلارعا ىركىلىسسىز جول اشپاق

2018.01.05 16:18     كەلۋ قاينارى : حالىق تورابى

  «حالىق گازەتى»، 4 – قاڭتار، بەيجيڭ (ءتىلشى ۋاڭ حۇي). ءتىلشىنىڭ 4 – جەلتوقساندا مەملەكەتتىك شەتەلدىك ماماندار مەكەمەسىنەن ۇعىسۋىنشا، پارتيا ورتالىق كوميتەتى مەن مەملەكەتتىك كەڭەستىڭ اناعۇرلىم بەلسەندى، اشىق، ۇتىمدى دارىندىلار ساياساتىن تياناقتاندىرىپ، دارىندىلارعا ۆيزا تاراتۋ كولەمى، ۋاقىت شەگى جاعىنداعى شەكتەمەنى ىشكەرىلەي بوساڭسىتۋ ءۇشىن، مەملەكەتتىك شەتەلدىك ماماندار مەكەمەسى، سىرتقى ىستەر مينيسترلىگى، قوعام حاۋىپسىزدىگى مينيسترلىگى تاياۋدا «شەتەلدىك دارىندىلارعا باعىتتالعان ۆيزا ءتۇزىمىن اتقارۋ جونىندەگى ءادىستى» باسىپ تاراتتى.

  مەملەكەتتىك شەتەلدىك ماماندار مەكەمەسىندەگى قاتىستى جاۋاپتىنىڭ تانىستىرۋىنشا، اتقارۋ ادىسىندە باستىسى مىناداي ساياساتتىق مازمۇن بەلگىلەنگەن: دارىندىلارعا ۆيزا تاراتۋ كولەمىن اناعۇرلىم كەڭەيتۋدە «شەتەلدىكتەر جۇڭگوعا كەلىپ قىزمەت ىستەۋدەگى تۇرگە ءبولۋ ولشەمىندەگى (سىناق رەتىندە اتقارىلادى)» شەتەلدىك جوعارى دارەجەلى دارىندىلار ولشەم شارتىنا ۇيلەسەتىندەردىڭ، «تاڭداۋلى، تاپشى» جانە بازار قاجەتىنىڭ باعىتىنا سايكەسەتىن عالىمداردىڭ، عىلىم – تەحنيكا سەركەلەرىنىڭ، حالىقارالىق كاسىپورىنشىلاردىڭ، ارناۋلى دارىندىلاردىڭ جانە ەرەكشە ونەرلى دارىندىلاردىڭ ۆيزاعا ءوتىنىش ەتۋىنە بولادى. دارىندىلارعا ۆيزا تاراتۋ كولەمى، ۋاقىت شەگى جاعىنداعى شەكتەمە ىشكەرىلەي بوساڭسىتىلادى، ولكە، اۆتونوميالى رايون، توتە قاراستى قالالاردىڭ شەتەلدىك ماماندار مەكەمەسى شارتقا ۇيلەسەدى دەپ تۇراقتاندىرعان شەتەلدىك دارىندىلاردىڭ 5 جىلدىق نەمەسە 10 جىلدىق كۇشكە يە، شەكارادان كوپ رەت كىرۋگە بولاتىن، ءار جولعى ايالداۋ ۋاقىتى 180 كۇن بولاتىن دارىندىلار ۆيزاسىن الۋىنا بولادى، ولاردىڭ جۇبايلارىنىڭ نەمەسە كامەلەتكە تولماعان پەرزەنتتەرىنىڭ دە وسىنداي ۆيزا الۋىنا بولادى. وسى تۇردەگى ۆيزانى تەكسەرىپ تۇراقتاندىرۋ ۋاقىت شەگى 5 كۇنگە ازايتىلادى. شەتەلدىك جوعارى دارەجەلى دارىندىلاردىڭ جانە ولاردىڭ جۇبايلارىنىڭ، پەرزەنتتەرىنىڭ ۆيزا ءوتىنىشى بەرىلگەن سوڭ ەڭ تەز بولعاندا ەكىنشى كۇنى ۆيزا تاراتىلادى؛ ءوتىنىش بەرۋ قاراجاتى الىنبايدى، شەتەلدىك دارىندىلاردىڭ جانە ولاردىڭ ءۇي ىشىندەگىلەردىڭ ۆيزا اقىسى مەن شۇعىل جەتكىزۋ اقىسى الىنبايدى، رەسمياتى دا اقىسىز بىتىرىلەدى.

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار