بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

شاڭحاي قالالىق تۇتىنۋشىلاردىڭ ۇقىق – مۇددەسىن قورعاۋ كوميتەتى قولفوننىڭ قارقىنى باياۋلاۋ ءىسى جونىندە الما سەرىكتەستىگىنە ءتورت ساۋال تاستادى

قولفوننىڭ يقۋاتىنىڭ تومەندەۋىنە قانداي ءونىمدى شارا قولدانۋ كەرەك

2018.01.16 13:30     كەلۋ قاينارى : حالىق تورابى

  حالىق گازەتى، 15 – قاڭتار، شاڭحاي (لي ي) جۋىردا الما سەرىكتەستىگى جۇيەنى جاڭعىرتۋ جولىمەن كونە فورماتتاعى ايفوننىڭ يقۋاتىن تومەندەتكەن، مۇنداي ءتاسىل تۇتىنۋشىلاردىڭ نارازىلىعىن قوزعادى، ءتىلشىنىڭ بۇگىن شاڭحاي قالالىق تۇتىنۋشىلاردىڭ ۇقىق – مۇددەسىن قورعاۋ كوميتەتىنەن ۇعىسۋىنشا، كوپتەگەن تۇتىنۋشىلاردىڭ كەڭەس سۇراۋى مەن شاعىم ايتۋىنشا باعىتتاي وتىرىپ، اتالعان كوميتەت جۋىردا الما سەرىكتەستىگىنە سۇراۋ سالۋ حاتىن جولداپ، سەرىكتەستىكتەن قاتىستى ماسەلەلەرگە جاۋاپ بەرۋدى تالاپ ەتكەن.


  الما سەرىكتەستىگىنىڭ ونىمدەرى ەلىمىز نارىعىندا بەلگىلى دەڭگەيدى ساقتاپ كەلەدى، الايدا، ءونىم مەن قىزمەت وتەۋ جاعىندا ماسەلەلەر قايتا – قايتا تۋىلۋدا. ساناققا قاراعاندا، شاڭحاي قالالىق تۇتىنۋشىلاردىڭ ۇقىق – مۇددەسىن قورعاۋ كوميتەتى الما سەرىكتەستىگىنىڭ ونىمدەرى مەن قىزمەت وتەۋىنە بايلانىستى 2015 – جىلى 964 رەت، 2016 – جىلى 4021 رەت، 2017 – جىلى 2615 رەت شاعىم ايتۋدى تاپسىرىپ العان، بۇل شاعىم ايتۋدىڭ تۇرلەرى باتەريانىڭ ساپاسى، تۇتقيىل ءسونىپ قالۋ، اككاۋنتتىڭ ۇرلانۋى، ساتۋدان كەيىنگى قىزمەت وتەۋ سىندى ءتۇرلى ماسەلەلەرگە قاتىستى بولعان. الما سەرىكتەستىگى ونىمدەرىن تۇتىنۋشىلاردىڭ زاڭدى ۇقىق – مۇددەسىن قورعاۋ ءۇشىن، جۋىردا شاڭحاي قالالىق تۇتىنۋشىلاردىڭ ۇقىق – مۇددەسىن قورعاۋ كوميتەتى زاڭ – تۇزىمدەر جۇكتەگەن مىندەتىن اتقارىپ، تۇتىنۋشىلاردىڭ پىكىرلەرىن جيناقتاۋ جانە رەتتەۋ نەگىزىندە، الما سەرىكتەستىگىنىڭ جۇڭگوداعى سەرىكتەستىگى مەن الما سەرىكتەستىگىنىڭ دۇنيە جۇزىلىك باس شتابىنا سۇراۋ سالۋ حاتىن جولداپ، الما سەرىكتەستىگىنەن تومەندەگى ماسەلەلەرگە جاۋاپ بەرۋدى تالاپ ەتكەن:


  ءبىرىنشى، كونە فورماتتاعى ايفون قولفوندارى iOS 10.2.1 جۇيەسىنە جاڭعىرتىلعاننان كەيىن اقىرىنداۋ، يقۋاتى ناشارلاۋ جاعدايى بايقالعان. الما سەرىكتەستىگى جۇيەنى جاڭعىرتۋ بارىسىندا قولدانعان قانداي شارالار قولفوننىڭ يقۋاتىن تومەندەتتى؟ جاڭعىرتىلعاننان كەيىنگى iOS ءىشىنارا جۇيەلىك بولشەكتەرگە يكەمدى باسقارۋ جۇرگىزگەندە قانداي ىقپال جاسايدى؟


  ەكىنشى، الما سەرىكتەستىگى تۇتىنۋشىلارعا ۇقتىرماعان جانە ولاردىڭ ماقۇلداۋىن الماعان جاعدايدا ءوز بەتىمەن جۇيەنى جاڭعىرتىپ، قولفوننىڭ يقۋاتىن تومەندەتكەن. مۇنىڭ ورنىن تولتىرۋ ءۇشىن قانداي شارا قولدانادى؟


  ءۇشىنشى، الما سەرىكتەستىگى قولفوننىڭ يقۋاتىن تومەندەتەتىن جاڭعىرتۋ مەن باسقا دا جاڭعىرتۋ تۇرلەرىن ءبىر – بىرىنە بايلاپ – ماتاۋ ارقىلى تۇتىنۋشىلارعا يتەرمەلەگەن، جاڭعىرتۋ بارىسىندا تۇتىنۋشىلاردىڭ تالعام جاسايتىن مۇمكىندىگى بولماعان. تۇتىنۋشىلاردىڭ تالعام ۇقىعىنا كەپىلدىك ەتۋ ءۇشىن، جاڭعىرتۋ جوباسىن ۇسىنعان كەزدە جاي جاڭعىرتۋدىڭ قولفون جۇيەسىنە قولايسىز ىقپال جاسايتىن بولەگىن ايىرىم ۇسىنۋعا بولا ما؟


  ءتورتىنشى، تۇتىنۋشىلاردىڭ ءحابارلانۋ ۇقىعىنا كەپىلدىك ەتۋ ءۇشىن، الما سەرىكتەستىگى قولفوندى ساتقاننان كەيىن جانە جۇيەسىن جاڭعىرتقان كەزدە تۇتىنۋشىلاردىڭ ماڭىزدى ۇقىق – مۇددەسىنە قاتىستى ينفورماتسيالاردى قايتكەندە شىنايى جانە جان – جاقتىلى اشكەرە ۇستاي الادى؟


  «سۇراۋ سالۋ حاتىنداعى» تالاپقا ساي، الما سەرىكتەستىگى بيىل 19 – قاڭتاردان بۇرىن شاڭحاي قالالىق تۇتىنۋشىلاردىڭ ۇقىق – مۇددەسىن قورعاۋ كوميتەتىنە جاۋاپ قايتارۋى كەرەك. شاڭحاي قالالىق تۇتىنۋشىلاردىڭ ۇقىق – مۇددەسىن قورعاۋ كوميتەتى بۇل ءىستىڭ قاتىستى ۇردىسىنە ۇزدىكسىز نازار اۋدارىپ وتىراتىندىعىن ءبىلدىردى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار