بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

جۇڭگونىڭ ورتا كىرىستىلەر توبى 300 ميلليوننان استى، كىرىس بولىسىندەگى پارىقتى ازايتۋ ءالى دە كەلەلى ءتۇيىن بولىپ وتىر

2018.01.17 16:27     كەلۋ قاينارى : حالىق تورابى

  2018 – جىلى ەلىمىزدىڭ ەڭبەكاقى كىرىس ءبولىسى رەفورماسى ءۇرتىس ىلگەرىلەتىلدى. «ەكونوميكالىق پايدالانۋ حابارلارى گازەتى» ءتىلشىسىنىڭ ۇعىسۋىنشا، قازىر ەلىمىزدە قالا – اۋىل تۇرعىندارىنىڭ كىرىسى ورنىقتى ارتقان، ورتا كىرىستىلەر توبى 300 ميلليوننان اسقان. 2018 – جىلى ەلىمىز قالا – اۋىل تۇرعىندارىنىڭ كىرىسىن ارتتىرۋدى ەكونوميكانى ارتتىرۋمەن نەگىزىنەن ۇقساس قادامدا جۇرگىزۋ نەگىزىندە قالا – اۋىل تۇرعىندارىنىڭ كىرىسىن ارتتىرۋ جانە ارناۋلى ءتۇر بويىنشا شابىتتاندىرۋ جوسپارىن تۇيىندە سىناق ەتىپ، نەگىزگى ساتى كادرلارى، عىلىم – تەحنيكا، وقۋ – اعارتۋ قىزمەتكەرلەرى، تەحنيكالىق ونەر دارىندىلارى قاتارلى بۇقارالىق توپتىڭ كىرىسىن ارتتىرىپ، كىرىس پارقىن اناعۇرلىم ازايتپاق.بۇدان تىس 2018 – جىلى مەملەكەت مەنشىگىندەگى كاسىپورىندار ەڭبەكاقى رەفورماسى دا جەدەل جۇرگىزىلەدى، جىل ىشىندە مەملەكەت مەنشىگىندەگى كاسىپورىندار ەڭبەكاقىسىن بەلگىلەۋ مەحانيزمى رەفورما جوباسى جاسالىپ، اتقارىلىپ، مەملەكەت مەنشىگىندەگى كاسىپورىندار جاۋاپتىلارى ەڭبەكاقى ءتۇزىم رەفورماسى ىشكەرىلەي جۇرگىزىلىپ، ەڭبەكاقى ءبولىسىن پارىق بويىنشا تاراتۋ رەفورماسى تۇيىندە سىناق ەتىلەدى.

  بەيجيڭ پەداگوگيكا ۋنيۆەرسيتەتى جۇڭگو كىرىس ءبولىسىن زەرتتەۋ ورنىنىڭ اتقارۋشى باستىعى لي شى بىلاي دەدى: كىرىس پارقىن ازايتقاندا عانا ورتا كىرىستىلەر توبىن مولايتۋعا بولادى. جۇڭگو قازىر ورتا كىرىستى ەلگە جاتادى، كوپ ۇزاماي جوعارى كىرىستى ەلگە اينالادى، وسى ماننەن الىپ ايتقاندا، كىرىس پارقىن ازايتۋ توتەنشە ماڭىزدى سانالادى.

  ەڭبەكاقى كىرىس ءبولىسى رەفورماسىنىڭ نىساناسىندا ادام كۇشى بايلىعى جانە قوعامدىق قامتاماسىزداندىرۋ مينيسترلىگى مىنانى ورتاعا قويدى: 2020 – جىلعا بارعاندا ەڭبەكاقى كىرىس ءبولىسى ءتۇزىمى اناعۇرلىم كەمەلدەنەدى، ءبولىس جاعدايى اناعۇرلىم ۇيلەسىمدى، ءتارتىپتى بولادى، كىرىس پارقى اناعۇرلىم ازايادى. 2035 – جىلعا بارعاندا «ورتا كىرىستىلەر توبىنىڭ سالىستىرماسىن ايقىن جوعارىلاتۋ» ىسكە اسىرىلادى.

  مەملەكەت مەنشىگىندەگى كاسىپورىندار ەڭبەكاقى رەفورماسى دا 2018 – جىلى اناعۇرلىم جەدەلدەتىلەدى. ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ مينيسترى يىن ۋەيمين ادام كۇشى بايلىعى جانە قوعامدىق قامتاماسىزداندىرۋ قىزمەتى جونىندەگى مەملەكەتتىك ماجىلىستە بىلاي دەدى: 2018 – جىلى مەملەكەت مەنشىگىندەگى كاسىپورىندار ەڭبەكاقىسىن بەلگىلەۋ مەحانيزمى رەفورماسىن اتقارۋ جونىنەن پىكىر شىعارىلىپ، مەملەكەت مەنشىگىندەگى كاسىپورىندار جاۋاپتىلارى ەڭبەكاقى ءتۇزىم رەفورماسى ىشكەرىلەي جۇرگىزىلىپ، ەڭبەكاقى ءبولىسىن پارىق بويىنشا تاراتۋ رەفورماسى تۇيىندە بايىپپەن سىناق ەتىلىپ، ەڭ تومەنگى ەڭبەكاقى ولشەمىن رەتتەۋ شاماسى مەن مولشەرى ورنىقتى يگەرىلەدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار