بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

حالىقتى وزەك ەتكەن دامۋ يدەياسىن تىڭعىلىقتى جۇزەگە اسىرىپ، بۇقارانىڭ تىڭ تىلەكتەرى مەن جاڭاشا تالاپتارىن ۇزدىكسىز قاناعاتتاندىردى

قوعام حاۋىپسىزدىگى مينيسترلىگى شەكارادان كىرىپ – شىعۋعا قاتىستى سەگىز ءتۇرلى قولايلى شارانى ورتاعا قويدى

وزىنە جاقىن جەردە كۋالىك ءبىتىرۋ، اۆتوماتتى تۇردە كۋالىك ءبىتىرۋ، سۋرەتكە تەگىن ءتۇسۋ، شەكارالىق تەكسەرۋ ورنىنان اۆتوماتتى تەكسەرىلىپ ءوتۋ سىندى شارالار قامتىلادى

2018.01.23 15:31     كەلۋ قاينارى : حالىق تورابى

  حالىق تورابى، 22 – قاڭتار، بەيجيڭ (جاڭ يۇي، يىن شىن، جۋ زىياڭ، جاڭ حاۋجى) قوعام حاۋىپسىزدىگى مينيسترلىگى 22 – قاڭتاردا اقپار جاريالاۋ جينىن اشىپ، قوعام حاۋىپسىزدىگى مينيسترلىگىنىڭ شەكارادان كىرىپ – شىعۋعا قاتىستى سەگىز ءتۇرلى قولايلى شارانى شوعىرلى تۇردە ورتاعا قوياتىنىن جاريالادى. بۇل سەگىز ءتۇرلى قولايلى شارا وزىنە جاقىن جەردە كۋالىك ءبىتىرۋ، اۆتوماتتى تۇردە كۋالىك ءبىتىرۋ، سۋرەتكە تەگىن ءتۇسۋ، تەگى جۇڭگولىق شەتەل ازاماتتارىنىڭ كۋالىك ءبىتىرۋى، شەكارالىق تەكسەرۋ ورنىنان اۆتوماتتى تۇردە ءوتۋ سىندى جاقتارعا سايادى، بۇل شارالار 1 – اقپاننان باستاپ اتقارىلادى. بۇل قوعام حاۋىپسىزدىگى مينيسترلىگىنىڭ پارتيا 19 – قۇرىلتايىنىڭ رۋحىن ىشكەرىلەي دايەكتى تياناقتاندىرىپ، حالىقتى وزەك ەتكەن دامۋ يدەياسىن تىڭعىلىقتى جۇزەگە اسىرىپ، حالىقتىڭ باقىتى ءۇشىن ۇمتىلىس جاساپ، حالىققا ناقتى ءىس ىستەپ بەرۋگە تاباندى بولىپ، ىشكەرىلەي تەكسەرىپ زەرتتەۋ جانە كەڭ كولەمدە پىكىر قابىلداۋدان سوڭ ورتاعا قويعان شارالارى. قوعام حاۋىپسىزدىگى مينيسترلىگىنىڭ مالىمدەمەشىسى، كەڭسە مەڭگەرۋشىسىنىڭ ورىنباسارى گو لين اقپار جاريالاۋ جيىنىن اشتى، قوعام حاۋىپسىزدىگى مينيسترلىگى شەكارادان كىرىپ – شىعۋ ىستەرىن باسقارۋ مەكەمەسىنىڭ باستىعى چۇي يۇنحاي، مەكەمە باستىعىنىڭ ورىنباسارى چىن بين، مەكەمە باستىعىنىڭ ورىنباسارى مين حاييۇن قاتىستى احۋالداردى تانىستىردى.


  ءتىلشىنىڭ اقپار جاريالاۋ جيىنىنان ۇعىسۋىنشا، 2017 – جىلى ەلىمىزدە شەكارادان كىرىپ – شىققانداردىڭ جالپى سانى 598 ميلليون ادام – رەت بولىپ، بىلتىرعىدان %4.76 ارتقان، مۇنىڭ ىشىندە ىشكى ولكەلەردەگى تۇرعىنداردىڭ شەكارادان كىرىپ – شىعۋ جالپى سانى 292 ميلليون ادام – رەت بولىپ، بىلتىرعىدان %6.73 ارتقان؛ ىشكى ولكەلەردەگى تۇرعىنداردىڭ جەكەلىك جۇمىسپەن شەكارادان كىرىپ – شىعۋ كۋالىكتەرىن ءبىتىرۋى مەن ۆيزا اشتىرۋى 133 ميلليون دانا – رەت بولىپ، بىلتىرعىدان %5.5 ارتقان. بۇقارانىڭ «شەكارادان اتتاپ شىعۋ» تالابىنىڭ كۇننەن – كۇنگە كۇشەيۋىنە ىلەسە، كۋالىك ءبىتىرۋ مەن ساپارعا شىعۋدا الۋان ءتۇرلى جانە دارالىق قاجەتتەر كۇن سايىن كوكەي تەستى بولا ءتۇستى. جاڭا ءداۋىر، جاڭا جاعداي، جاڭا تالاپتارعا ءدۇپ كەلگەن بۇگىنگى تاڭدا، قوعام حاۋىپسىزدىگى مينيسترلىگى جۋىرداعى جىلداردان بەرى حالىققا قولايلى شارالاردى ورتاعا قويۋ نەگىزىندە، تاعى دا شوعىرلى تۇردە سەگىز ءتۇرلى قولايلى شارانى ورتاعا قويدى:


  ولكە (اۆتونوميالى رايون، توتە قاراستى قالا) ىشىندەگى تۇرعىندار بۇكىل ولكە (اۆتونوميالى رايون، توتە قاراستى قالا) كولەمىندە شەكارادان كىرىپ – شىعۋ كۋالىگىن بىتىرە الادى، ولكە (اۆتونوميالى رايون، توتە قاراستى قالا) ىشىندەگى تۇرعىندار بۇكىل ولكە (اۆتونوميالى رايون، توتە قاراستى قالا) كولەمىندە شياڭگاڭ، اۋمىن، تايۋان اراسىنا ساياحاتتاپ كەلىپ – كەتەتىن ۆيزانى اۆتوماتتى بىتىرە الادى، شارتقا ۇيلەسەتىن سىرت ولكە (اۆتونوميالى رايون، توتە قاراستى قالا) تۇرعىندارى شەكارادان كىرىپ – شىعۋ كۋالىگىن وزىنە جاقىن جەردە بىتىرە الادى، شياڭگاڭ، اۋمىن، تايۋانعا بارىپ – كەلەتىن ۆيزانىڭ قالعان رەت سانىن اۆتوماتتى تەكسەرە الادى، كۋالىككە سۋرەتكە تەگىن تۇسە الادى، تەگى جۇڭگولىق شەتەل ازاماتتارىنا ۆيزا جانە تۇراقتاپ تۇرۋ جاعىندا قولايلىلىق جاسالادى، كەدەننەن اۆتوماتتى تۇردە ءوتۋ قىزمەتى كۇش سالا ىلگەرىلەتىلەدى، كەدەننەن اۆتوماتتى تۇردە وتكەن جولاۋشىلار شەكارادان كىرىپ – شىعۋدى ەستەلىككە الۋ ىسپاتىن اۆتوماتتى تۇردە باسىپ شىعارا الادى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار