بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

«ءبىر بەلدەۋ، ءبىر جول» ستراتەگياسىنداعى جالپى بەتتىك ناقتى ىستەستىكتە كورنەكتى ىلگەرىلەۋشىلىككە قول جەتكىزىلدى

2018.01.26 15:02     كەلۋ قاينارى : حالىق تورابى


  «حالىق گازەتى»، بەيجيڭ، 25 - قاڭتار. 2017 - جىلى «ءبىر بەلدەۋ، ءبىر جول ستراتەگياسى» قۇرىلىسى جالپى بەتتىك ناقتى ىستەستىكتىڭ جاڭا ساتىسىنا قادام تاستادى. ساۋدا مينيسترلىگىنىڭ 25 - قاڭتاردا جاريالاعان ساندى مالىمەتىنە نەگىزدەلگەندە «ءبىر بەلدەۋ، ءبىر جول» ستراتەگياسىنداعى ەكونوميكا، ساۋدا سەلبەستىگىندە كورنەكتى ىلگەرىلەۋشىلىككە قول جەتكىزىلىپ، وتكەن جىلى ەلىمىزدىڭ «ءبىر بەلدەۋ، ءبىر جول» ستراتەگياسى اياسىنداعى مەملەكەتتەرمەن جاساسقان ساۋدا سوماسى 7 تريلليون 400 ميلليارد يۋانعا جەتىپ، 2016 - جىلدىڭ ۇقساس مەزگىلىندەگىدەن ٪17.8 جوعارىلاعان.

  ساۋدا مينيسترلىگىنىڭ اقپارات مالىمدەمەشىسى گاۋ فىڭ بىلاي دەدى: بۇل ارتۋ سالىستىرماسى بۇكىل مەمەلەكەتتىڭ سىرتقى ساۋدا مولشەرىنىڭ ارتۋ سالىستىرماسىنان ٪3.6 جوعارى. مۇنىڭ ىشىندە ەلىمىزدىڭ «ءبىر بەلدەۋ، ءبىر جول» ستراتەگياسى اياسىنداعى مەملەكەتتەرگە ەكسپورت ەتكەن زاتىنىڭ قۇنى 4 تريلليون 300 ميلليارد يۋانعا جەتىپ، ٪12.1 جوعارىلاسا، يمپورت ەتكەن زاتىنىڭ قۇنى 3 تريلليون 100 ميلليارد يۋانعا جەتىپ، ٪26.8 ارتقان. قارجى قوسۋ جاعدايىنان قاراعاندا 2017 - جىلى ەلىمىز كاسىپورىندارىنىڭ «ءبىر بەلدەۋ، ءبىر جول» ستراتەگياسى اياسىنداعى مەملەكەتتەرگە قوسقان قارجىسى 14 ميلليارد 400 ميلليون ا ق ش دوللارىنا، قاتىستى مەملەكەتتەرمەن جاڭادان جاساسقان قۇرىلىستى كوتەرمەگە الۋ توقتامىنىڭ جالپى سوماسى 144 ميلليارد 300 ميلليون ا ق ش دوللارىنا جەتىپ، 2016 - جىلدىڭ ۇقساس مەزگىلىندەگىدەن ٪14.5 جوعارىلاعان.

  «ءبىر بەلدەۋ، ءبىر جول» سەلبەستىك ورناتۋ دارىپتەمەسى ورتاعا قويىلعاننان كەيىن ءارقايسى جاقتىڭ قىزۋ قولداۋىنا يە بولىپ، قىرۋار ءىرى، ماڭىزدى نىسان اتقارىلىپ، تياناقتى ىلگەرىلەتىلدى. شىعىس افريكا تەمىر جول تورابىنىڭ باستالۋ ءتۇيىنى ەسەپتەلەتىن كەنيا مونگوليان - رايلۋاي تەمىر جولى ءبىتىپ پايدالانۋعا بەرىلىپ، جۇڭگو - لاوس تەمىر جولىنداعى تۇڭعىش وتكەلەك ءساتتى تۇتاستىرىلىپ، جۇڭگو - تايلاند تەمىر جولىنىڭ 1 - مەرزىمدىك قۇرىلىسى باستالىپ، بۋداپەشت - بەلگراد تەمىر جولى، كاراچي جوعارى قارقىندىق تاس جولى سياقتى نىساندار ءساتتى ىلگەرىلەتىلدى. جۇڭگو - بەلوروسسيا ونەركاسىپ باقشا رايونى، ەگيپەت سۆەيش ەكونوميكا، ساۋدا سەلبەستىك رايونى سياقتى «ءبىر بەلدەۋ، ءبىر جول» ستراتەگياسىنىڭ ەكونوميكا، ساۋدا سەلبەستىگىنىڭ تاماشا ۇلگىسى جارىققا شىقتى. ەركىن ساۋدا رايونى قۇرىلىسىندا تىڭ ىلگەرىلەۋشىلىككە قول جەتكىزىلىپ، گرۋزيا، مالديۆپەن ەركىن ساۋدا كەلىسىمى جاسالىپ، مولدوۆا، ماۋريتۋسپەن رەسمي ەركىن ساۋدا كەلىسسوزى جۇرگىزىلىپ، وڭىرلىك جالپى ەكونوميكالىق ارىپتەستىك قاتىناسى كەلىسىمى (RCEP) بەلسەندى جەدەلدەتىلدى.

  «ءبىر بەلدەۋ، ءبىر جول» ستراتەگياسى اينالاداعى ەلدەردى شىنايى تيىمدىلىككە كەنەلتتى. وتكەن جىلى ەلىمىز «ورتاق كومەك بەرۋ كوپىرىن قالىپتاستىرىپ، ءبىر بەلدەۋ، ءبىر جولدى ىركىلىسسىزدەندىرۋ» ارەكەتىن باستاپ، ماڭىزدى كومەك بەرۋ شاراسىن تياناقتاندىرىپ، قاتىستى مەملەكەتتەردى سايكەستى كومەكپەن قامدادى. حالىق تۇرمىسىن جاقسارتۋعا قاتىستى كومەك بەرۋ نىساندارى ورنىقتى ىلگەرىلەتىلىپ، سەلبەستىك ورناتۋ ءتۇرىن كوبەيتۋ، ارناۋلى تاقىرىپتىق تاربيەلەۋ كۋرستارىن اشۋ ارقىلى كومەككە يە بولاتىن مەملەكەتتەردىڭ وزىندىك دامۋ قۋاتى جوعارىلاتىلدى.

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار