بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

«وسىزاماندانعان ەكونوميكالىق جۇيەنى قۇرۋعا» قالاي كۇش سالامىز

2018.01.26 15:46     كەلۋ قاينارى : حالىق تورابى

  


  ەكونوميكامىزدىڭ جالپى مولشەرى دۇنيە جۇزىندە ەكىنشى ورىندى مىعىم يەلەندى، دۇنيە ءجۇزى ەكونوميكاسىنا ۇلەس قوسۋ مولشەرى %30تەن استى، دۇنيە ءجۇزىنىڭ كەدەيلىكتى ازايتۋ ىسىنە ۇلەس قوسۋ مولشەرى %70تەن استى ... ەكونوميكانى دامىتۋداعى ءبىرقىدىرۋ جەتىستىكتەرىمىز: جۇڭحۋا ۇلتىنىڭ ۇلى گۇلدەنۋى ـــ «كوكجيەكتەن جەلكەن دىڭگەگى كورىنە باستاعان» كەمە سياقتى ەكەنىن ايگىلەدى . تاريحتىڭ تىڭ بەلەسىندە ج ك پ 19 – قۇرىلتايى وسىزاماندانعان ەكونوميكالىق جۇيەنى قۇرۋ نىساناسىن ورتاعا قويىپ، جان - جاقتىلى ورنالاستىرۋ جاسادى.


  نىسانانى اۋقىم بەلگىلەيدى. مۇنداي نىسانا مىناداي ەكى ءتۇرلى تۇجىرىم نەگىزىندە ورتاعا قويىلعان: ەلىمىزدىڭ ەكونوميكاسى جوعارى قارقىنمەن ارتۋ كەزەڭىنەن جوعارى ساپالى دامۋ كەزەڭىنە بۇرىلىس جاسادى؛ ءبىز قازىر دامۋ تاسىلىندە بۇرىلىس جاساپ، ەكونوميكالىق قۇرىلىمدى كەمەلدەندىرىپ، ەكونوميكانى ارتتىرۋدىڭ قوزعاۋشى كۇشىن الماستىرۋدىڭ شەشۋشى مەزگىلىندە تۇرمىز. پارتيا 19 – قۇرىلتايىنىڭ بايانداماسىندا وسىزاماندانعان ەكونوميكالىق جۇيەنى قۇرۋدى «اسۋدان اساتىن ساتتەگى كەزەك كۇتتىرمەيتىن تالاپ» دەپ وبىرازدى سۋرەتتەگەن.


  بۇل جۇيەنى قايتكەندە جان – جاقتىلى، دۇرىس تۇسىنۋگە بولادى، ءبىز تومەندەگى بىرنەشە سيفر ارقىلى تۇسىنىكتى تەرەڭدەتە الامىز:


  ءبىر نىسانانى تۇراقتاندىرۋ ـــ ەلىمىزدىڭ ەكونوميكالىق جاقتاعى جاڭالىق جاراتۋ قۋاتى مەن باسەكەلىك قۋاتىن ۇزدىكسىز كۇشەيتۋ كەرەك؛


  ءبىر نەگىزگى ارقاۋدى مەڭگەرۋ ـــ مۇندا قامداۋ جاعىنداعى قۇرىلىمدىق رەفورمانى نەگىزگى ارقاۋ ەتۋ مەڭزەلەدى؛


  ەكى پرينسيپتە تاباندى بولۋ ـــ ساپا ءبىرىنشى بولۋ پرينسيپىندە جانە ونىمدىلىكتى الدىمەن ويلاستىرۋ پرينسيپىندە ءسوزسىز تاباندى بولۋ؛


  ءۇش وزگەرىستى ىلگەرىلەتۋ ـــ ەكونوميكالىق دامۋدىڭ ساپالىق وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن ىلگەرىلەتۋ كەرەك؛


  ءۇش بولۋ ەكونوميكالىق ءتۇزىلىسىن قالىپتاستىرۋ ـــ بۇل نارىق مەحانيزمى ءونىمدى بولۋ، ميكرو تۇلعالاردىڭ ومىرشەڭدىك قۋاتى بولۋ، ماكرولىق مەڭگەرۋ پارمەندى بولۋعا قاراتىلعان؛


  تورتەۋىن سايكەستى دامىتاتىن ءوندىرىس جۇيەسىن قالىپتاستىرۋ دەگەنىمىز ـــ ناقتى ەكونوميكالىق تۇلعا، عىلىم – تەحنيكادا جاڭالىق جاراتۋ، وسىزاماندانعان فينانس، ەڭبەككۇش بايلىعى سىندى تورتەۋىن سايكەستى دامىتۋ؛


  ەندەشە، «وسىزاماندانعان ەكونوميكالىق جۇيەنى قۇرۋعا» قالاي كۇش سالامىز؟ پارتيا 19 – قۇرىلتايىندا التى ءتۇرلى نەگىزگى مىندەت ايقىندالعان:


  ءبىرىنشى مىندەت: قامداۋ جاعىنداعى قۇرىلىمدىق رەفورمانى تەرەڭدەتۋ، ەكونوميكانى دامىتۋدا كۇش سالاتىن ءتۇيىن ناقتى تۇلعالىق ەكونوميكا بولۋ.


  ەكىنشى مىندەت: جاسامپاز مەملەكەت قۇرۋدى جەدەلدەتۋ كەرەك. ۇيتكەنى، جاسامپازدىق ـــ دامۋدى جەتەلەيتىن باستى قوزعاۋشى كۇش، وسىزاماندانعان ەكونوميكالىق جۇيەنى قۇرۋ ستراتەگياسىنىڭ تىرەگى.


  ءۇشىنشى مىندەت: اۋىل – قىستاقتى گۇلدەندىرۋ ستراتەگياسىن اتقارۋ كەرەك. بۇل پارتيا 19 – قۇرىلتايىنىڭ بايانداماسىندا تۇڭعىش رەت ورتاعا قويىلعان. ۇيتكەنى، اۋىل شارۋاشىلىعى، اۋىل – قىستاق، ديحاندار ماسەلەسى مەملەكەت جوسپارى مەن حالىق تۇرمىسىنا ساياتىن ءتۇبىرلى ماسەلە.


  ءتورتىنشى مىندەت: وڭىرلىك سايكەسىمدى دامۋ ستراتەگياسىن اتقارۋ كەرەك. مۇندا باتىس بولەكتى قاۋىرت اشۋدا جاڭا جۇيە قالىپتاستىرۋ، شىعىس سولتۇستىك سىندى بايىرعى ونەركاسىپ بازالارىن كوركەيتۋ، ورتا بولەكتىڭ وركەندەۋىن ىلگەرىلەتۋ، شىعىس بولەكتىڭ دامۋدى ساپالاندىرۋىن الدىمەن ىسكە اسىرۋ قامتىلادى. سەنىڭ اتا – مەكەنىڭ اتالعان ستراتەگيالىق وڭىرلەرگە جاتا ما؟


  بەسىنشى مىندەت: سوتسياليستىك نارىق ەكونوميكالىق ءتۇزىلىسىن كەمەلدەندىرۋدى جەدەلدەتۋ كەرەك.


  ەڭ سوڭعى مىندەت: ەسىكتى جاپپاي اشىق ۇستاۋدىڭ جاڭا جۇيەسىن قالىپتاستىرۋدى ىلگەرىلەتۋ كەرەك.


  «دابىل قاعىپ، جورىقتى جەدەلدەتىپ، كەمەنى ورنىقتى ىلگەرىلەتەيىك». جاڭاشا دامۋ تانىمىن دايەكتىلەندىرىپ، وسىزاماندانعان ەكونوميكالىق جۇيەنى قۇرۋعا كۇش سالساق، جۋىق بولاشاقتا جۇڭگو ەكونوميكاسى اسۋلاردان اسىپ، ساپالىق سەكىرۋدى ىسكە اسىرىپ، بارشا جاننىڭ تۇرمىس ورەسى جوعارىلاپ، كۇننەن – كۇنگە جاقسارا تۇسەتىن بولادى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار