«كورىكتى جۇڭگو» قالاي قالىپتاسادى
2018.02.08 14:05 كەلۋ قاينارى : حالىق تورابى
ءسىزدىڭ جۇرەگىڭىزدەگى كورىكتى جۇڭگو قانداي؟ اسپانى كوك، سۋى تۇنىق، اۋاسى تازا؟ قۇستارى سايراعان، گۇل ءيىسى اڭقىعان، كوپ شوپكە ورانعان با؟ جىم - جىرت، جاراسىمدى، كورىكتى كارتينا كوپ وتپەي بولاشاقتا شىندىققا اينالادى. پارتيانىڭ 19 – قۇرىلتاي بايانداماسى 2020 – جىلعا بارعاندا، لاستانۋدان ساقتانۋدا قامال الۋ شايقاسىن باتىل جۇرگىزۋدى ايقىن كورسەتتى؛ەندى 2035 – جىلعا بارعاندا ەلىمىز ەكولوگيالىق ورتاسى تۇبىرىنەن وڭالىپ، كورىكتى جۇڭگو نىساناسى نەگىزىنەن ىسكە اسادى.ءبىز كورىكتى جۇڭگونى قالاي قۇرۋىمىز كەرەك؟ بۇل جونىندە 19 – قۇرىلتاي بايانداماسى ءتورت ءتۇرلى ورنالاستىرۋ جاسادى.
ءبىرىنشى، جاسىل دامۋدى جەدەلدەتۋ. بۇل جوعارى دارەجەدەن جوبالاۋدى ىشكەرىلەي جاقسى ىستەۋدى قاجەت ەتەدى، رەفورمانى تەرەڭدەتۋ ارقىلى زاڭ - ءتۇزىمدى كەمەلدەندىرىپ، ەكولوگيالىق ورتانى قورعاۋ مەن لاستانۋدان ساقتانۋدا سايكەسە قيمىلداۋدى كۇشەيتۋ كەرەك. سونىمەن قاتار، قاراپايىم، لايىقتى، جاسىل، تومەن كومىرتەكتى تۇرمىس سالتىن دارىپتەپ، ءسان – سالتاناتقا بەرىلۋ، ىسىراپشىلدىق پەن ورىنسىز تۇتىنۋعا قارسى تۇرۋ كەرەك.
ەكىنشى، كورنەكتى ورتا ماسەلەسىن بار كۇشپەن شەشۋ كەرەك. مۇندا كاسىپ قۇرىلىمىن جالعاستى رەتكە سالىپ، وڭاۋدىڭ قيىن تۇستارىنان تابىسقا جەتىپ، جالپى حالىقتىق ساقتانۋ نەگىزگى قىزمەتىن جاقسى ىستەۋ قاجەت. اتموسفەرانىڭ لاستانۋىن تەجەۋ ارەكەتىن ۇزبەي اتقارىپ، كوك اسپاندى قورعاۋ شايقاسىندا جەڭىسكە جەتۋ كەرەك. سۋدىڭ لاستانۋىنىڭ الدىن الۋدى جەدەلدەتىپ، توپىراقتىڭ لاستانۋىن تەجەۋ مەن وڭاۋدى كۇشەيتۋ كەرەك. ۇكىمەت جەتەكشى، كاسىپورىن نەگىزگى تۇلعا، قوعامدىق ۇيىمدار مەن جاماعات ورتاق قاتىناساتىن ورتانى وڭاۋ جۇيەسىن قالىپتاستىرۋ كەرەك. جەر شارى ورتاسىن وڭاۋعا بەلسەندى قاتىناسىپ، لاس شىعارۋدى ازايتۋ ۋادەسىن تياناقتاندىرۋ كەرەك.
ءۇشىنشى، ەكولوگيالىق جۇيەنى قورعاۋ پارمەنىن كۇشەيتۋ كەرەك. بۇل ەكولوگيانى قورعاۋدا بىتىراندىلىقتان ساقتانۋدى قاجەت ەتەدى، تاۋ، سۋ، ورمان، اتىز، كول، جايىلىمدى باسقارۋدا باس – باسىنا ءبي بولۋعا بولمايدى، ءىرى ينجەنەريالاردا ەكولوگيالىق ورتا ناتيجەسىن باسا دارىپتەۋ كەرەك. ەكولوگيالىق ورتانى قورعاۋ قىزىل سىزىعى، ماڭگىلىك نەگىزگى اتىز، قالا – قالاشىقتى اشۋشەكارا سىزىعى سىندى ءۇش مەڭگەرۋ سىزىعىن تۇراقتاندىرۋ قىزمەتىن جاقسى ىستەۋ كەرەك. مەملەكەت تەرريتورياسىن جاسىلداندىرۋ قيمىلىن ورىستەتىپ، شولەيتتەنۋ، تاستاقتانۋ، سۋ مەن توپىراقتىڭ شايىلۋىن جالپىلىق وڭاۋدى جەدەلدەتىپ، سازدىقتاردى قورعاۋ مەن قالپىنا كەلتىرۋدى كۇشەيتىپ، گەولوگيالىق اپاتتاردان ساقتانۋدى كۇشەيتۋ كەرەك.
ءتورتىنشى، ەكولوگيالىق ورتانى باقىلاۋ – باسقارۋ تۇزىمىنە رەفورما جاساۋدى جەدەلدەتۋ. ەكولوگيالىق ورتانى قورعاۋ ءونىمدى دە تەبىندى باقىلاۋ– باسقارۋدان قول ۇزە المايدى. ەكولوگيالىق وركەنيەت قۇرىلىسىن جالپىلىق جوبالاۋ مەن ۇيىمداستىرىپ جەتەكشىلىك ەتۋدى كۇشەيتىپ، مەملەكەت مەنشىگىندەگى تابيعي بايلىقتى باسقارۋ مەن تابيعي ەكولوگيانى باقىلاۋ– باسقارۋ قۇرىلىمىن قۇرىپ، ەكولوگيالىق ورتانى باسقارۋ ءتۇزىمىن كەمەلدەندىرىپ، جالپى حالىقتىق مەنشىكتەگى تابيعي بايلىقتى مەنشىكتەنۋشىلەردىڭ جاۋاپكەرشىلىگىن، مەملەكەت جەرىنەن پايدالانۋدى باسقارۋ مەن ەكولوگيالىق ورتانى وڭاۋ مىندەتىن، قالا – اۋىلداعى ءار تۇرلى لاس زاتتاردى شىعارۋدى باقىلاپ – باسقارۋ مەن اكىمشىلىك زاڭ اتقارۋ مىندەتىن ءبىرتۇتاس اتقارۋ كەرەك.
ورتا ــ حالىق تۇرمىسى، جاسىل تاۋ ــ كورىكتى مەكەن، كوك اسپان ــ باقىت. كورىكتى جۇڭگو نىساناسىن ىسكە اسىرۋ بارلىق ادامنىڭ تىرىسشاڭدىلىعىنان ايىرىلا المايدى. ەلىمىزدىڭ ءبىرقىدىرۋ ەكولوگيالىق ورتانى قورعاۋ شاراسىنىڭ ىسكە اسىرىلۋى مەن بۇقارانىڭ ەكولوگيالىق ورتانى قورعاۋ تانىمىنىڭ جوعارىلاۋىنا بايلانىستى، اسپانى كوك، جەرى جاسىل، سۋى تازا ەكولوگيالىق وركەنيەتتىڭ كورىكتى سۋرەتى سالىنا باستادى. ءسىز دايارلانىپ بولدىڭىز با، ەندەشە، كورىكتى جۇڭگو ۇلى نىساناسىن ورىنداۋعا بىرلىكتە قۇلشىنايىق!
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
