مەملەكەتتىك جۇڭگوشا شيپاگەرلىكتى باسقارۋ مەكەمەسىنىڭ باستىعى: بۇقارانىڭ ەسىك الدىنان عانا جۇڭگوشا شيپاگەرلىكتىڭ قىزمەت وتەۋىنەن اناعۇرلىم ويداعىداي يگىلىكتەنۋىنە مۇمكىندىك جاراتۋ كەرەك

2018.03.05 14:40   كەلۋ قاينارى : حالىق تورابى

　　حالىق تورابى، 5 – ناۋرىز، بەيجيڭ. 3 – ناۋرىز، جۇڭگو حالىق ساياسي كەڭەسى مەملەكەتتىك 13 - كەزەكتى كوميتەتىنىڭ 1 - ءماجىلىسى بەيجيڭدە حالىق قۇرىلتايى سارايىندا اشىلدى. سۋرەتتە: مەملەكەتتىك جۇڭگوشا شيپاگەرلىكتى باسقارۋ مەكەمەسىنىڭ باستىعى ۋاڭ گوچياڭ سۇحپات قابىلداۋدا.

　　مەملەكەتتىك جۇڭگوشا شيپاگەرلىكتى باسقارۋ مەكەمەسىنىڭ باستىعى ۋاڭ گوچياڭ 3 - ناۋرىز حالىق قۇرىلتايى سارايىنداعى «مينيسترلەر دالىزىنەن» وتكەندە بىلاي دەدى: جۇڭگوشا شيپاگەرلىكتىڭ قىزمەت وتەۋ كولەمىن ۇزدىكسىز كەڭەيتىپ، نەگىزگى ساتىداعى جۇڭگوشا شيپاگەرلىك قىزمەتكەرلەرىن تاربيەلەۋدى كۇشەيتىپ، كوپتەگەن قالالارداعى ەمحانالاردىڭ ۇزدىك بايلىق قاينارىن نەگىزگى ساتىلارعا ءتىپتى دە كوپتەپ جەتكىزۋ ارقىلى بۇقارانىڭ ەسىك الدىنان عانا جۇڭگوشا شيپاگەرلىكتىڭ قىزمەت وتەۋىنەن ويداعىداي يگىلىكتەنۋىنە مۇمكىندىك جاسايمىز.

　　ۋاڭ گوچياڭ بىلاي دەدى: جۇڭگوشا شيپاگەرلىكتىڭ ەڭ اۋەلگى قىزمەت وتەيتىن جەرى نەگىزگى ساتىلار، قىزمەت ءتۇيىنى دە نەگىزگى ساتىلاردا. ەلىمىز نەگىزگى ساتىداعى جۇڭگوشا شيپاگەرلىك قىزمەت وتەۋ قۇرىلىسىن كۇشەيتۋگە بارىنشا كۇش سالۋدا. قازىر، بۇكىل ەلىمىز بويىنشا 90 پايىزدان استام اۋىلدارداعى - قالاشىقتارداعى ەمحانالار مەن الەۋمەتتىك اۋماقتارداعى دەنساۋلىق ساقتاۋ ورتالىقتارىندا، 80 پايىزدان استام الەۋمەتتىك اۋماقتاعى ەمدەۋ - دەنساۋلىق ساقتاۋ قىزمەت وتەۋ پۋنكتىندە، 60 پايىزدان استام قىستاقتاعى ەمدەۋ ورىندارىندا جۇڭگوشا شيپاگەرلىك بويىنشا قىزمەت وتەي الادى. كەلەسى قادامدا جۇڭگوشا شيپاگەرلىك بويىنشا قىزمەت وتەۋ ورىندارى «بارما،- جوق پا» دەگەن نەگىزدە جۇڭگوشا شيپاگەرلىك بويىنشا قىزمەت وتەۋ «جاقسى بولدى ما- جوق پا» دەگەن ماسەلەنى شەشپەكشىمىز.

　　كەلۋ قاينارى: حالىق تورابى