اۋىل – قىستاقتى كوركەيتۋگە ءوندىرىس ارقىلى دەم بەرۋ كەرەك

لي جىگاڭ ۋاكىل

2018.03.16 14:31   كەلۋ قاينارى : حالىق تورابى

　　مەن 1987 – جىلى قىستاقتا پارتيا ياچەيكا شۋجيى بولىپ تاعايىندالدىم، سودان بەرى وسى قىزمەتتى 31 جىل اتقاردىم. سول كەزدە قىستاعىمىزدا تەك 251 وتباسى، 715 جان سانى بار بولاتىن، بايلىق قاينارى، وڭىرلىك باسىمدىلىعى جوق بولاتىن. بۇكىل قىستاقتىڭ 1420 مۋ ەگىستىك جەرىنە نەگىزىنەن بورمي ەگىلەتىن، قۇرىلىمى جالاڭ، ءونىم مولشەرى تومەن، تۇرعىنداردىڭ كىرىسى ورتا ەسەپپەن 300 يۋانعا جەتپەيتىن. كەدەي بولساڭ ساناڭدى وزگەرت دەگەن. كوپ جاقتىلى تەكسەرۋ ارقىلى قىستاعىمىزدىڭ ءىشىنارا ءشول جەرلەرىن كۇرىش اتىزىنا اينالدىرۋعا بەكىم جاسادىق، اۋىل شارۋاشىلىعىنداعى ەگىمشىلىك قۇرىلىمىنا وزگەرىس ەنگىزۋ ارقىلى قىستاق تۇرعىندارىنىڭ كىرىسىن ارتتىرۋدى ويلادىق.


　　وزگەرىستىڭ ءونىمى بولعاندا عانا، بۇقارانىڭ سەنىمىنە يە بولۋعا بولادى. ءبىرىنشى جىلى، بۇكىل قىستاقتىڭ 900 مۋ كۇرىش اتىزىنىڭ مۋ باسىندىق پايداسى 1200 يۋانعا جەتتى، بۇرىنعى جىلدارداعىدان 4 ەسە جوعارى بولدى. وسىلايشا، ءبىز نارىقتىڭ قاجەتىنە قاراي ەگىمشىلىك قۇرىلىمىن ۇزدىكسىز تەڭشەپ، ءشول اتىزدى كۇرىش اتىزىنا اينالدىرۋ، كۇرىش اتىزىنان ەكى رەت ءونىم الاتىن اتىز، كۇمبەزشە پارنيك، شاتىرشا پارنيك، جىلى پارنيك سياقتىلاردى ءبىر تۇلعالاندىرۋ سىندى دامۋ جولىن باستىق. 2014 – جىلدان باستاپ، ءبىز جوعارى دارەجەلى جاسىلداندىرۋ كوشەتتەرىن ءوسىرۋدى نىسانا ەتە وتىرىپ، كوشەت جەتىلدىرۋ بازاسىن سالدىق، قىستاعىمىزدىڭ اۋىل شارۋاشىلىعى ءوندىرىسىن دامىتۋداعى 9 – رەتكى بۇرىلىسى وسىدان باستالدى.


　　باس شۋجي شي جينپيڭ اتاپ كورسەتكەندەي، اۋىل – قىستاقتا ءوندىرىستى وركەندەتۋدى ىلگەرىلەتۋ ءۇشىن، وسىزاماندانعان اۋىل شارۋاشىلىعىن دامىتۋدى توڭىرەكتەي وتىرىپ، اۋىل – قىستاقتاعى ءبىرىنشى، ەكىنشى، ءۇشىنشى كاسىپ سالاسىن توعىستىرا دامىتۋدى وزەك ەتىپ، اۋىل – قىستاقتىڭ كاسىپتىك جۇيەسىن قۇرىپ، ءوندىرىس ارقىلى كوركەيتۋدى ىسكە اسىرىپ، ءوندىرىستى دامىتۋدى ديحانداردىڭ كىرىسىن ارتتىرۋ جاعىنا بەيىمدەۋىمىز كەرەك. ءىس جۇزىندىك جاعداي مىنانى كورسەتتى: ءوندىرىس ـــ اۋىل – قىستاقتىڭ ءتۇرلى قىزمەتتەرىنىڭ ءۇرتىس دامۋىنىڭ نەگىزى، ءوندىرىستىڭ گۇلدەنۋى ـــ اۋىل – قىستاقتى كوركەيتۋدىڭ تۇپكىلىكتى شىعار جولى. بولاشاقتا، ءبىز اۋىل – قىستاقتى كوركەيتۋ ستراتەگياسى بويىنشا، ءوندىرىستىڭ جەتەكشىلىك رولىن تولىق ساۋلەلەندىرىپ، اۋىل شارۋاشىلىعىندا ونىمدىلىكتى ارتتىرۋ، ديحانداردىڭ كىرىسىن ارتتىرۋ، اۋىل – قىستاقتى گۇلدەندىرۋدى ىسكە اسىرامىز.


　　(اۆتورى حىبەي ولكەسى لۋاننان اۋدانى ياۋچاڭجۋاڭ قالاشىعى لييىڭ قىستاعى پارتيا ياچەيكاسىنىڭ شۋجيى)


　　كەلۋ قاينارى: حالىق تورابى