ساۋىردە اتقارىلاتىن جاڭا بەلگىلەمەلەر: ەكىلىك سيفردى جايمالاپ اقشا تولەۋگە شەك قويىلسا، ورتانى قورعاۋ باجىسىن جيناۋ بەتاشار كۇنىن قارسى الماق
ءساۋىر ايىنان باستاپ تىنىش كۇيدەگى ەكىلىك سيفردى جايمالاپ اقشا تولەۋدىڭ كۇندىك شەك ولشەمى 500 يۋان بولادى
2018.03.26 16:27 كەلۋ قاينارى : حالىق تورابى
2017 – جىلى 27 – جەلتوقساندا جۇڭگو حالىق بانكەسى جولاقتى تاڭبا (جولاقتى شارتتاڭبا، ەكىلىك سيفر سىندى) ارقىلى اقشا تولەۋ ولشەمىن جاريالاپ، شاعىن سومالى، حالىققا قولايلى ورىن بەلگىلەۋدە تاباندى بولىپ، جولاقتى تاڭبا ارقىلى اقشا تولەۋدىڭ حاۋىپ – قاتەرىنەن ساقتانۋ قۋاتىن دارەجەگە ءبولىپ، ۇقساس بولماعان كۇندىك جيىنتىق ساۋدا شەكتى سوماسىن بەلگىلەدى، بۇل بەلگىلەمە 2018 – جىلى 1 – ساۋىردەن باستاپ اتقارىلادى.
تىنىش كۇيدەگى جولاقتى تاڭبانى (ايتالىق تام قابىرعالارىنا جاپسىرىلعان ەكىلىك سيفر) وڭاي وزگەرتۋگە نەمەسە وزگەرتىپ جاساۋعا، الىپ جۇرۋگە بولاتىن ۆيروسپەن جۇعىمداندىرۋعا بولاتىندىقتان، ورتالىق بانكە مىنالاردى بەلگىلەدى: تىنىش كۇيدەگى جولاقتى تاڭبا ارقىلى اقشا تولەۋ ءادىسىن پايدالانۋدىڭ حاۋىپ – قاتەردەن ساقتانۋ دارەجەسى D بولىپ، مەيلى قانداي تۇردەگى ساۋدا تەكسەرتۋ ءادىسىن قولدانسىن، ۇقساس تۇتىنۋشىلار بانكەسى نەمەسە اقشا تولەۋ قۇرىلىمىنا تولەنگەن تاق كۇندەگى جيىنتىق ساۋدا شەكتى سوماسى 500 يۋاننان اسىرىلمايدى. مىسالى، تۇتىنۋشى قولفونىنداعى ءۇنحات اقشا قاپشىعى ارقىلى تىنىش كۇيدەگى جولاقتى تاڭبانى جايمالاپ اقشا تولەمەكشى بولسا، تاق كۇندەگى مايدا اقشامەن تولەگەن جيىنتىق سوماسى شەگى 500 يۋاننان اسىرىلمايدى.
تىنىش كۇيدەگى جولاقتى تاڭبانى (ايتالىق قولفونداعى جولاقتى تاڭبا) ىستەتىپ اقشا تولەۋدىڭ حاۋىپ – قاتەردەن ساقتانۋ قابىلەتىن ساۋدا تەكسەرۋ ءادىسىنىڭ ۇقساماۋىنا قاراي A、B、C دەپ ءۇش دارەجەگە ءبولىپ، ءبىر تۇتىنۋشىنىڭ تاق كۇندەگى جيىنتىق ساۋدا شەكتى سوماسى 5 مىڭ يۋان، مىڭ يۋان دەپ دەربەس بەلگىلەندى.
ەكولوگيالىق ورتانى قورعاۋ باجىسى 1 – ساۋىردەن باستاپ جينالادى
مەملەكەتتىك باجى ىستەرى باس مەكەمەسى بيىل اقپاندا 2018 – جىلى ەلىمىزدىڭ ەڭ قىزۋ تۇيىنىنە اينالعان ەكولوگيالىق ورتانى قورعاۋ باجىسىنىڭ 1 – ساۋىردەن باستاپ تۇڭعىش رەت جينالاتىندىعىن جاريالاعان بولاتىن. شينحۋا اگەنتتىگىنىڭ 27 – اقپانداعى حابارىندا، تۇتاس ەلدىڭ جەر – جەرىندەگى باجى ورگاندارى ەكولوگيالىق ورتانى قورعاۋ باجىسىن تاپسىراتىنداردىڭ جالپى 260 مىڭنان اساتىندىعىن سارالاپ بەكىتكەن.
2018 – جىلى 1 – قاڭتاردان باستاپ ەكولوگيالىق ورتانى قورعاۋ زاڭى رەسمي اتقارىلىپ، ەلىمىزدە تاريحتان بەرگى تۇڭعىش ەكولوگيالىق ورتانى قورعاۋ ماقسات ەتىلگەن باجى ءتۇرى بەلگىلەندى. ورتانى قورعاۋ باجىسى ماۋسىم بويىنشا مالىمدەپ اتقارىلادى. ورتانى قورعاۋ زاڭىنا ساي، ەكولوگيالىق ورتاعا تىكەلەي ىعىستىرىلاتىن ىس – ءتۇتىن، سۋ، قاتتى كۇيدەگى دەنە جانە شۋىل سىندى لاس زاتتار ورتانى قورعاۋ باجىسىن جيناۋ كولەمىنە ەنگىزىلدى. ورتانى قورعاۋ باجىسىن تاپسىرۋشىلار بولسا جۇڭحۋا حالىق رەسپۋبليكاسى تەرريتورياسى جانە جۇڭحۋا حالىق رەسپۋبليكاسى باسقارۋىنداعى تەڭىز ايدىندارىنا، ەكولوگيالىق ورتاعا تىكەلەي لاس زات ىعىستىرىپ شىعاراتىن كاسىپورىن – ءىسورىن مەكەمەلەرى جانە باسقادا وندىرىستىك تيجاراتپەن شۇعىلدانۋشىلار. بۇل ەكولوگيالىق ورتاعا باجى الىناتىن لاس زاتتاردى تىكەلەي ىعىستىرىپ شىعارمايتىنداردان ەكولوگيالىق ورتانى قورعاۋ باجىسى الىنبايتىندىعىن اڭعارتادى. تۇرعىندار باجى تاپسىراتىندار كولەمىنە كىرمەيتىندىكتەن، ەكولوگيالىق ورتانى قورعاۋ باجىسى الىنبايدى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
