ءبىر توپ جاڭا بەلگىلەمە ساۋىردەن باستاپ اتقارىلادى
(تىلشىلەر: يە زى، لۇي انچي، ۋاڭ رويى)
2018.03.30 16:42 كەلۋ قاينارى : حالىق تورابى
تىنىش كۇيدەگى ەكىلىك سيفردى جايمالاپ اقشا تولەۋدىڭ كۇندىك شەگى 500 يۋان
جۇڭگو حالىق بانكەسى جاريالاعان جولاقتى تاڭبامەن (جولاقتى شارتتاڭبا، ەكىلىك سيفر سىندى) اقشا تولەۋ ولشەمى 1 – ساۋىردەن باستاپ اتقارىلادى. جاڭا بەلگىلەمەدە جولاقتى تاڭبامەن اقشا تولەۋدىڭ حاۋىپ – قاتەردەن ساقتانۋ قۋاتىن دارەجەگە ءبولۋ اتقارىلىپ، ۇقساماعان كۇندىك جيىنتىق ساۋدا سوما شەگى بەلگىلەندى.
وسى بەلگىلەمەدە مىنالار بەلگىلەندى: تىنىش كۇيدەگى جولاقتى تاڭبانىڭ D دارەجەلى حاۋىپ – قاتەردەن ساقتانۋ قۋاتى بار، ۇقساس ءبىر تۇتىنۋشىنىڭ مەيلى قانداي ساۋدا تەكسەرۋ ءادىسىن قولدانسىن بانكە نەمەسە اقشا تولەۋ قۇرىلىمدارىنا تاق كۇندە تولەگەن جيىنتىق ساۋدا سوماسى شەگى 500 يۋاننان اسىرىلمايدى؛ تىنىش كۇيدەگى جولاقتى تاڭبانى ىستەتىپ اقشا تولەۋدىڭ حاۋىپ – قاتەردەن ساقتانۋ قۋاتىن ساۋدا تەكسەرۋ ءادىسىنىڭ ۇقساماۋىنا قاراي A、B、C3 دەپ ءۇش دارەجەگە ءبولىپ، ءبىر تۇتىنۋشىنىڭ تاق كۇندەگى جيىنتىق ساۋدا شەكتى سوماسى 5 مىڭ يۋان، مىڭ يۋان دەپ دەربەس بەلگىلەندى.
ەكولوگيالىق ورتانى قورعاۋ باجىسى تۇڭعىش رەت الىنادى
1 – ساۋىردەن باستاپ ەكولوگيالىق ورتانى قورعاۋ زاڭى تۇڭعىش باجى جيناۋ كۇنىن كۇتىپ الادى. بۇل جۇڭگودا تاريحتان بەرگى ەكولوگيالىق ورتانى قورعاۋ ماقسات ەتىلگەن تۇڭعىش باجى ءتۇرى بولىپ، ماۋسىمعا ءبولىپ اتقارىلادى، تۇتاس ەلدىڭ جەر – جەرىندەگى باجى ورگاندارى ەكولوگيالىق ورتانى قورعاۋ باجىسىن تاپسىراتىنداردىڭ جالپى 260 مىڭنان اساتىندىعىن سارالاپ بەكىتتى.
بيىل قاڭتاردان باستاپ رەسمي اتقارىلعان ەكولوگيالىق ورتانى قورعاۋ زاڭىنا ساي، ەكولوگيالىق ورتانى قورعاۋ زاڭىنىڭ باجى الۋ كولەمىنە ىس – ءتۇتىن، سۋ، قاتتى كۇيدەگى دەنە جانە شۋىل سىندى لاس زاتتاردى ەكولوگيالىق ورتاعا تىكەلەي ىعىستىرۋشىلار ەنگىزىلدى. ورتانى قورعاۋ باجىسىن تاپسىرۋشىلار بولسا جۇڭحۋا حالىق رەسپۋبليكاسى تەرريتورياسى جانە جۇڭحۋا حالىق رەسپۋبليكاسى باسقارۋىنداعى تەڭىز ايدىندارىنا، ەكولوگيالىق ورتاعا تىكەلەي لاس زات ىعىستىرىپ شىعاراتىن كاسىپورىن – ءىسورىن مەكەمەلەرى جانە باسقادا وندىرىستىك تيجاراتپەن شۇعىلدانۋشىلار. ەكولوگيالىق ورتاعا باجى الىناتىن لاس زاتتاردى تىكەلەي ىعىستىرىپ شىعارمايتىن نەگىزگى تۇلعالار جانە تۇرعىندار باجى تاپسىراتىندار كولەمىنە كىرمەيتىندىكتەن، ەكولوگيالىق ورتانى قورعاۋ باجىسى الىنبايدى.
باجى ىستەرىن بىتىرۋدە «باجى ورگاندارىنا ەڭ كوپ بولعاندا ءبىر – اق رەت بارادى»
مەملەكەتتىك باجى باس مەكەمەسى تاياۋدا بەس ءىرى تۇرگە سايىپ 105 ءتۇرلى جۇمىس ءتۇرىن قامتيتىن «باجى ىستەرىن ءبىتىرۋدىڭ <ەڭ كوپ بولعاندا ءبىر رەت بارۋ> ەسەبىن» جاريالاپ، باجى تاپسىرۋشىلاردىڭ «ەسەپ» كولەمى ىشىندە بىتىرەتىن جۇمىستارىن ايقىندادى، بۇندا باجى ىستەرى ورگاندارىنا ەڭ كوپ بولعاندا ءبىر – اق رەت بارۋمەن نەمەسە جالپى جاريان توراپ ارقىلى بىتىرىلەتىن بولدى. «ەسەپ» 1 – ساۋىردەن باستاپ اتقارىلادى.
باجى ىستەرىن ءبىتىرۋدىڭ «ەڭ كوپ بولعاندا ءبىر – اق رەت بارۋى» دەگەنىندە باجى تاپسىرۋشىلاردىڭ «ەسەپ» كولەمى ىشىندەگى بىتىرەتىن جۇمىستارى مەڭزەلىپ، ماتەريالدارى تولىق بولۋ ءارى زاڭدا بەلگىلەنگەن قابىلداۋ شارتىنا ۇيلەسۋ العى شارتىمەن، باجى ىستەرى ورگاندارىنا ەڭ كوپ بولعاندا ءبىر – اق رەت بارادى. «ەسەپتە» اتاپ وتىلگەن باجى ىستەرىن بىتىرۋدەن سىرت، ءارقايسى ولكەلەردەگى باجى ىستەرى ورگاندارى باجى ىستەرىن توراپ ارقىلى ءبىتىرۋ، پوچتامەن جولداپ بەرۋ، الدىنا كەلىپ ءبىتىرۋ سىندى تۇرلىشە امالداردى قولدانۋدا، باجى باس مەكەمەسىنىڭ «ەسەبى» نەگىزىندە «ەڭ بولعاندا ءبىر – اق رەت بارۋداي» باجى ىستەرىن ءبىتىرۋ تالابى قوسىلدى.
كەزەكشى ۇشاقتى ءار ۋاقىت باسقارۋ شاراسى اتقارىلادى
حالىقتىق اۆياتسيا مەكەمەسى باسىپ تاراتقان «حالىقتىق اۆياتسيا كەزەكشى ۇشاقتارىن ءار ۋاقىت باسقارۋ شاراسى» 1 – ساۋىردەن باستاپ اتقارىلادى. «شارا» 8 تاراۋ 59 تارماقتان قۇرالىپ، كەزەكشى ۇشاقتاردى ءار ۋاقىت باسقارۋ، كەزەكشى ۇشاقتاردىڭ ۋاقىت تاريحىنان الدىمەن يگىلىكتەنۋ ۇقىق تولىمدىلىعى بولۋ، كەزەكشى ۇشاقتاردىڭ ۋاقىتىن الدىمەن ورنالاستىرۋدى ناقتىلاندىرۋ سياقتىلارعا قاراتا ايقىن بەلگىلەمە شىعارىلىپ، ءىرى وزگەرتۋلەر جاسالدى.
كەزەكشى ۇشاقتاردىڭ ۋاقىتىن الدىمەن ورنالاستىرۋدى ناقتىلاندىرۋ بەلگىلەمەسىندە، «شارادا» سيپاتىن باسقارۋدان مولشەرىن باسقارۋعا قاراي بەتالۋ كەلەلى وزگەرىسى جۇزەگە اسىرىلىپ، اۆياتسيا كاسىپورىندارى ورنالاستىرعان ولشەمدى سانى ۋاقىت ونىمدىلىگىن ورنالاستىرۋ كوەففيتسەنتىنىڭ كوبەيتىندىسىنە ساي ايقىن بەلگىلەنىپ، الدىمەن ورنالاستىرۋ رەت ءتارتىبى ۇلكەنىنەن كىشىسىنە قاراي تۇراقتاندىرىلادى، بۇنىمەن اۆياتسيالىق تاسىمالداۋشىلار الدىمەن ورنالاستىرۋ رەت تارتىبىنە ساي، كەزەكشى ۇشاقتاردىڭ ۇشۋ ۋاقىتىن ءار ۋاقىت تاڭداي الادى. بۇل بەلگىلەمە كەزەكشى ۇشاق ۋاقىتى قاينارىن ورنالاستىرۋدىڭ ءادىل، ءونىمدى، باسەكەلى جانە پاك ورىستەتىلۋىندە ماڭىزدى رولى بار.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
