بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

1978 – جىلدان 2017 – جىلعا دەيىنگى ارالىقتا شەتەلدە وقىعان وقۋشىلاردىڭ %73.83 ى ەلگە قايتۋدى تاڭداعان

18 – قۇرىلتايدان كەيىن ەلگە قايتۋ اۋقىمى ءتىپتى دە كۇشەيگەن

2018.04.02 16:21     كەلۋ قاينارى : حالىق تورابى

  «حالىق گازەتى»، 30 – ناۋرىز، بەيجيڭ (ءتىلشى جاڭ شو). ءتىلشىنىڭ وقۋ – اعارتۋ مينيسترلىگىنەن ۇعىسۋىنشا، 2017 – جىلى ەلىمىزدەن شەتەلگەن شىعىپ وقىعان وقۋشىلاردىڭ سانى العاش رەت 600 مىڭدىق ۇلكەن وتكەلدەن ءوتىپ، 608 مىڭ 400 ادامعا جەتىپ، الدىنداعى جىلدىڭ ۇقساس مەزگىلىندەگىدەن %11.74 ارتقان، وسىلايشا ەلىمىز شەتەلگە شىعىپ وقيتىن وقۋشى قاينارى ەڭ كوپ ەل ورنىن تاعى دا ساقتاپ قالعان. وسى جىلى شەتەلگە شىعىپ وقىعان وقۋشىلاردىڭ ىشىندە ەلگە قايتقاندارى الدىنداعى جىلداعىدان %11.19 ارتىپ، 480 مىڭ 900 ادامعا جەتكەن، ماگيستر اسپيرانتتىق جانە پوست دوكتورلىق عىلمي اتاعىن الىپ ورالعاندار 227 مىڭ 400 گە جەتىپ، الدىنداعى جىلداعىدان %14.90 ارتقان. ساناقتا كورسەتىلۋىنشە، 1978 – جىلدان 2017 – جىلعا دەيىنگى ارالىقتا شەتەلدە وقىعان جالپى 3 ميلليون 132 مىڭ وقۋشى وقۋىن بىتىرگەن سوڭ ەلگە ورالىپ، شەتەلدە وقۋ بىتىرگەن وقۋشىلاردىڭ %83.73 ىن ۇستاعان.


  2017 – جىلى ەلىمىزدىڭ شەتەلدەرگە شىعىپ وقىعان وقۋشىلارى شىعۋ مولشەرى جانە ەلگە ورالىپ قىزمەت وتەۋ مولشەرى جاعىنان بىردەي مولايعان، ولاردىڭ مەملەكەتتىڭ ستراتەگياسىمەن، كاسىپتىڭ قاجەتىمەن ۇشتاسۋى بارىنشا جاقسارعان. رەفورما جۇرگىزىپ، قاقپا اشقان 40 جىلدان بەرى ءار تۇردەگى شەتەلگە شىعىپ وقىعان وقۋشىلاردىڭ جالپى سانى 5 ميلليون 194 مىڭ 900 ادامعا جەتكەن، قازىر ءبىر ميلليون 454 مىڭ 100 ادام شەتەلدەردە قاتىستى ساتىلارداعى ۇيرەنۋىن، زەرتتەۋىن جالعاستىرۋدا. 2017 – جىلدى مىسالعا الساق، ەلىمىزدەگى شەتەلگە شىعىپ وقۋشىلاردىڭ نىسانالى جەرى بىرنەشە مەملەكەتكە شوعىرلانعان، كوبى ەۆروپا مەن امەريكاداعى دامىعان ەلدەر مەن رايوندارعا بارىپ وقىعان. سونداي – اق «ءبىر بەلدەۋ، ءبىر جول» قۇرىلىسىنا قاتىناسقان ەلدەر جاڭا ارتۋ تۇيىنىنە اينالعان، وسى جىلى «ءبىر بەلدەۋ، ءبىر جول» قۇرىلىسىنا قاتىناسقان ەلدەرگە بارىپ وقىعاندار 66 مىڭ 100 ادام بولىپ، الدىنداعى جىلداعىدان ٪15.7 ارتقان. 1978 – جىلدان 2017 – جىلدىڭ سوڭىنا دەيىن ەلىمىزدەن شەتەلگە شىعىپ وقىعان وقۋشىلاردىڭ قاتىسى ساندى مالىمەتىنەن ءمالىم بولۋىنشا، شەتەلدە وقىعان سوڭ ەلگە ورالعانداردىڭ سانى ورنىقتى ارتقان، ورەلى دارىندىلاردىڭ ورالۋ اۋقىمى كورنەكتى جاقسارعان. 18 – قۇرىلتايدان بەرى 2 ميلليون 313 مىڭ 600 وقۋشى ەلگە ورالىپ، رەفورما جۇرگىزىلىپ، قاقپا اشىلعاننان بەرى ەلگە ورالعان جالپى وقۋشى سانىنىڭ ٪73.87 ىن ۇستاپ، ەلگە قايتۋ اۋقىمى ءتىپتى دە كۇشەيگەن.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار