سىرتقا قاقپا اشۋ تاعى دا كەڭەيتىلەدى، رەفورمانى ىشكەرىلەي جۇرگىزۋگە تاعى دا تىڭ تەبىنمەن كىرىسەمىز
بو - اۋ ازيا تالقى مىنبەسىنىڭ 2018 - جىلعى جىلدىق ءماجىلىسىنىڭ اشىلۋ سالتىنداعى ارقاۋ لەكسياسى جەر – جەردە كۇشتى اڭىس قوزعادى
«حالىق گازەتىنىڭ» ءتىلشىسى
2018.04.12 16:29 كەلۋ قاينارى : حالىق تورابى
«جۇڭگونىڭ قاقپاسى جابىلمايدى، تەك بارعان سايىن ايقارا اشىلادى» دەدى 10 – ءساۋىر تۇستەن بۇرىن ءتوراعا شي جينپيڭ بو – اۋ ازيا تالقى مىنبەسىنىڭ 2018 – جىلعى جىلدىق ءماجىلىسىنىڭ اشىلۋ سالتىنىڭ ارقاۋ سوزىندە ءارى جاڭا داۋىردەگى جۇڭگونىڭ دۇنيەمەن توعىسىپ دامۋى باستالعاندىعىنىڭ جاڭا كارتيناسىنا بەرىك سەنىمى مەن قاقپا اشۋ كولەمىن كەڭەيتۋگە دەگەن كەلەلى شاراسىن سالتاناتپەن جاريالاپ، ماجىلىسكە قاتىناسقان سيلى قوناقتاردىڭ كۇشتى اڭىسىن قوزعادى، حالىقارالىق قوعامنىڭ نازارىن جاپپاي اۋداردى ءارى جەر – جەردەگى كادرلار جۇرتشىلىعىن رەفورما جۇرگىزىپ، قاقپا اشۋعا اناعۇرلىم بەرىك سەنىم جانە اسقاق جىگەرمەن كىرىسۋگە شابىت بەردى.
قاقپا اشۋدى كەڭەيتۋ شارتىمەن ساپالى دامۋ جۇزەگە اسىرىلادى
«جۇڭگو ەكونوميكاسىنىڭ 40 جىلدىق دامۋ تابىسىنا قاقپا اشۋ ارقىلى قول جەتكىزىلگەن، ال جۇڭگو ەكونوميكاسىنىڭ بولاشاقتاعى ساپالى دامۋى دا قاقپانى اناعۇرلىم اشىق ۇستاۋدان ايرىلمايدى. ءتوراعا شي جينپيڭنىڭ ارقاۋ ءسوزىن ەستىپ، بينحاي جاڭا رايونىن جەدەل اشۋعا، تيبىن وزگەرتىپ دارەجەسىن جوعارىلاتۋعا دەگەن سەنىمىمىز ءتىپتى دە ارتا ءتۇستى»، - دەدى تيانجين بينحاي ۋنيۆەرسالدى دامۋدى زەرتتەۋ اكادەمياسى ءتۇزىلىس رەفورماسى ورنىنىڭ باستىعى دۋان جيچۋاڭ لەبىز ءبىلدىرىپ. تالاي جىلدىق قاقپا اشۋ جانە قۇرىلىس جۇرگىزۋ ارقىلى، بينحاي جاڭا رايونى ءتۇزىلىس مەحانيزمىندە جاڭالىق جاراتۋ، وڭىرلىك دامۋعا تۇرتكى بولۋ، قاقپا اشۋ ىستەستىگىن كەڭەيتۋ سىندى جاقتاردا ەلەۋلى جەتىستىكتەرگە قول جەتكىزدى. اشۋ رايونى، تومەن باجىلى رايون، ەكسپورت ونىمدەرىن مانەرلەۋ رايونىنان تارتىپ، باجى الىنبايتىن زات اينالىمى باقشا رايونى، ۋنيۆەرسالدي تومەن باجىلى رايون، باجى الىنبايتىن پورتقا دەيىن، ودان ەركىن ساۋدا سىناق رايونىنا دەيىن بينحاي جاڭا رايونى مەملەكەتتىڭ كوپ ساتىلى اشۋدى سىناق ەتەتىن وڭىرىنە اينالدى. داۋن جيچۋاڭ بىلاي دەدى: «كەلەشەكتە بينحاي جاڭا رايونى رەفورمالاۋ، قاقپا اشۋداي وسى ءتۇيىندى ءتىپتى دە بەرىك يگەرىپ، قامداۋ جاعىنداعى قۇرىلىمدىق رەفورمانى ءۇرتىس تەرەڭدەتەدى، تورتكىل الەمنىڭ باسەكەلى ىستەستىگىنە بەلسەنە قاتىناسىپ، اشىق ەكونوميكالىق جاڭا ءتۇزىلىستى قالىپتاستىرىپ، اشىق ەكونوميكالىق جاڭا جاعدايدى اناعۇرلىم جەتىلدىرەدى، ساپالى دامۋدى جۇزەگە اسىرۋعا قۇلشىنادى».
بەيجيڭ قالالىق دامۋ جانە رەفورما كوميتەتىنىڭ مەڭگەرۋشىسى تان شۇيشياڭ بىلاي دەدى: ءتوراعا شي جينپيڭنىڭ ارقاۋ ءسوزى تەرەڭ مازمۇندى، ايقىن كوزقاراستى بولىپ، ەلىمىزدىڭ رەفورمانى جاپپاي تەرەڭدەتۋدەي بەكىمىن تولىق ايگىلەپ، سىرتقا قاقپا اشىپ وتىرعان ءىرى ەلدىڭ مىندەتىن اڭعارتتى ءارى ءبىزدىڭ رەفورمانى اناعۇرلىم ىشكەرىلەي تەرەڭدەتۋىمىزگە، قاقپا اشۋدى كەڭەيتۋىمىزگە باعدار كورسەتىپ بەردى. بەيجيڭ قالاسى پارتيانىڭ رەفورمانى جاپپاي تەرەڭدەتۋ، قاقپا اشۋدى كەڭەيتۋ سىندى قىزمەتتەرگە بولعان ءبىر تۇتاس باسشىلىعىن باستان – اياق تاباندى قولداپ – قۋاتتادى، قاقپا اشىپ رەفورمانى جەبەۋگە، رەفورما جۇرگىزۋ ارقىلى دامۋدى سەرپىلتۋگە، اشىق ەكونوميكالىق قۇرىلىستىڭ ساپالى دامۋعا قاراي قادام باسۋىن ىلگەرىلەتۋدە تاباندى بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
