مەملەكەتتىك كەڭەس جاڭادان قۇرعان تاراۋلارعا ەكىنشى توپتا ماڭدايشالىق ءىلىندى
حان جىڭ شۇعىل جاعدايعا توتەپ بەرۋ ىستەرىن باسقارۋ مينيسترلىگىنىڭ ماڭدايشالىق ءىلۋ سالتىنا قاتىناستى
2018.04.17 16:49 كەلۋ قاينارى : حالىق تورابى
شينحۋا اگەنتتىگى، 16 – ءساۋىر، بەيجيڭ. 16 – ساۋىردە ەكولوگيالىق ورتا مينيسترلىگى، قوسىننان قايتقان اسكەريلەر ءىسى مينيسترلىگى، شۇعىل جاعدايعا توتەپ بەرۋ ىستەرىن باسقارۋ مينيسترلىگى قاتارلى مەملەكەتتىك كەڭەس جاڭادان قۇرعان تاراۋلارعا ەكىنشى توپتا ماڭدايشالىق ءىلۋ سالتى جەكە – جەكە وتكىزىلىپ، وسى ورىندار قىزمەتكە رەسمي كىرىستى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ شۇعىل جاعدايعا توتەپ بەرۋ ىستەرىن باسقارۋ مينيسترلىگىنە ماڭدايشالىق ءىلۋ سالتىنا قاتىناستى ءارى مينيسترلىكتىڭ قولباسشىلىق ورتالىعىندا تەكسەرۋ جۇرگىزىپ، قولباسشىلىق ورتالىعى جانە ونىڭ باستى جۇيەلەرىنىڭ يقۋاتى جونىندەگى تانىستىرۋدى تىڭدادى، نەگىزگى ساتىدا كەزەكشىلىك، شارلاۋ مىندەتىن وتەپ جاتقان ورىندارمەن ەكران ارقىلى بايلانىس جاساپ، قاتىستى جاعدايلاردى ۇعىستى. حان جىڭ مىنالاردى دارىپتەدى: شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىم، ورنالاستىرۋلارى بويىنشا شۇعىل جاعدايعا توتەپ بەرۋ ىستەرىن باسقارۋ مينيسترلىگىنىڭ قۇرىلىم رەفورماسىن تىڭعىلىقتى ىلگەرىلەتىپ، مەملەكەتتىڭ شۇعىل جاعدايعا توتەپ بەرۋ ىستەرىن باسقارۋ قۋاتى مەن ورەسىن جوعارىلاتىپ، اپاتتان ساقتانۋ، اپات زيانىن ازايتۋ، اپاتتان قۇتقارۋ قۋاتىن جوعارىلاتىپ، حالىق بۇقاراسىنىڭ ءومىرى مەن مال – مۇلكىنىڭ حاۋىپسىزدىگىنە جانە قوعام ورنىقتىلىعىنا كەپىلدىك ەتۋ كەرەك.
حان جىڭ بىلاي دەدى: شۇعىل جاعدايعا توتەپ بەرۋ ىستەرىن باسقارۋ مينيسترلىگىن قۇرۋ ــ شي جينپيڭ جولداس ۇيىتقى بولعان پارتيا ورتالىق كوميتەتىنىڭ حالىقتى وزەك ەتكەن دامۋ باعىتىندا تاباندى بولىپ، مەملەكەتتىڭ شۇعىل جاعدايعا توتەپ بەرۋدەگى ءبىر تۇتاس باسشىلىق ەتەتىن، ۇقىعى مەن جاۋاپكەرلىگى قابىسقان، بەدەلدى دە ءونىمدى قۋات جۇيەسىن قالىپتاستىرۋ تۇرعىسىنان شىعارعان كەلەلى ستراتەگيالىق شەشىمى، بۇل مەملەكەتتى وڭاۋ جۇيەسىن جانە وڭاۋ قۋاتىن وسىزامانداندىرۋ قۇرىلىسىن ىلگەرىلەتۋدە ماڭىزدى مانگە يە. مينيسترلىكتىڭ قولباسشىلىق ورتالىعىن جاقسى قۇرىپ، اپات، شىرعالاڭ تۋىلعان مەزگىلدە جەدەل جۇمىلىپ، شوعىرلى، ءبىر تۇتاس قولباسشىلىق ەتىپ، جەدەل ءبىر جاقتى ەتىپ، شۇعىل توتەپ بەرۋ كۇشتەرى مەن بايلىعىن شۇعىل توتەپ بەرۋ ىستەرىن باسقارۋ قىزمەتىنە بارىنشا ۇتىمدى ەتىپ قوسۋ كەرەك. «ءتورت تانىمدى» بەرىك ورناتىپ، «ءتورت سەنىمدە» بەرىك تۇرىپ، باس شۋجي شي جينپيڭنىڭ ۇيىتقىلىق ورنىن باتىلدىقپەن قورعاپ، پارتيا ورتالىق كوميتەتىنىڭ بۇيرىقتارىنىڭ ىركىلىسىسز اتقارىلۋىنا كەپىلدىك ەتىپ، شۇعىل جاعدايعا توتەپ بەرۋ ىستەرىن باسقارۋ كادرلارىنىڭ ستيلى قاتاڭ، جىگەرى شىڭدالعان، جاۋىنگەر قوسىنىن قۇرىپ شىعۋ كەرەك.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
