ءبىرىنشى توقساندا ەل بويىنشا قالا – قالاشىقتا تىڭنان 3 ميلليون 300 مىڭ ادام كاسىپتەندى
جىل باسىنان بەرى بازاردىڭ جۇمىسشى ىستەتۋ قاجەتى جوعارى بولدى
«حالىق گازەتىنىڭ» ءتىلشىسى جاۋ جانحۇي
2018.04.18 16:35 كەلۋ قاينارى : حالىق تورابى
ءتىلشىنىڭ 17 – ساۋىردە مەملەكەتتىك دامۋ - رەفورما كوميتەتىنىڭ كاسىپتەندىرۋ جانە كىرىس ءبولىسى مەكەمەسىنەن ۇعىسۋىنشا، بيىل ءبىرىنشى توقساندا بازاردىڭ جۇمىسشى ىستەتۋ قاجەتى جوعارى بولعان، ءتۇيىندى بۇقارالىق توپ نەگىزىنەن ورنىققان، كاسىپسىزدىك شاماسى ورنىقتىلىق نەگىزىندە تومەندەگەن، كاسىپتەنۋ جاعدايى ورنىقتىلىق نەگىزىندە ءۇرتىس جاقسارعان.
كاسىپسىزدىك شاماسى ورنىقتىلىق نەگىزىندە تومەندەدى. بيىل ءبىرىنشى توقساندا ەل بويىنشا قالا – قالاشىقتا تىڭنان 3 ميلليون 300 مىڭ ادام كاسىپتەندى، ناۋرىزدىڭ وزىندە تىڭنان ءبىر ميلليون 540 مىڭ ادام كاسىپتەنىپ، وتكەن جىلدىڭ ۇقساس مەزگىلىندەگىدەن 80 مىڭ ادام كوپ بولدى. ەل بويىنشا قالا – قالاشىقتى تەكسەرۋدەگى كاسىپسىزدىك شاماسى مەن 31 ۇلكەن قالانىڭ قالا – قالاشىعىن تەكسەرۋدەگى كاسىپسىزدىك شاماسى جەكە – جەكە %5.1 جانە %4.9 بولىپ، ەكى شاما دا وتكەن جىلدىڭ ۇقساس مەزگىلىندەگىدەن 0.1 پايىز تومەندەپ، تاياۋ جىلداردان بەرگى تومەنگى شەكتە بولعان.
بازاردىڭ جۇمىسشى ىستەتۋ قاجەتى جوعارى بولدى. شارۋاشىلىق كولەمىنىڭ ءۇرتىس كەڭەيۋىمەن بازاردىڭ جۇمىسشى ىستەتۋ قاجەتى جوعارىلادى، جۇمىسشى قابىلداۋ قۋاتى كورنەكتى نىعايدى. ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ ءىشىنارا ولكەلەردى تەكسەرۋىنە نەگىزدەلگەندە، اقپاندا كاسىپورىنداردىڭ جۇمىسشى ىستەتۋ قاجەتى وتكەن جىلدىڭ ۇقساس مەزگىلىندەگىدەن %10 تەن استام ارتقان. شاعاننان كەيىن جۇمىسشى – قىزمەتشىلەردىڭ جۇمىس ورنىنا قايتۋ شاماسى %90 تەن استام بولعان.
ءتۇيىندى بۇقارالىق توپتىڭ كاسىپتەنۋ جاعدايى نەگىزىنەن ورنىقتى. 2018 – جىلى جوعارى مەكتەپ بىتىرەتىن وقۋشىلاردىڭ كاسىپتەنۋ اياق الىسى ورنىقتى بولدى، 1 – ساۋىرگە دەيىن ەل بويىنشا جوعارى مەكتەپ بىتىرەتىن وقۋشىلاردىڭ كاسىپتەنۋ توقتامىن جاساسۋ شاماسى وتكەن جىلدىڭ ۇقساس مەزگىلىندەگىمەن نەگىزىنەن قارايلاس بولدى، 13 ولكەدە جوعارى مەكتەپ بىتىرەتىن وقۋشىلاردىڭ كاسىپتەنۋ توقتامىن جاساسۋ شاماسى وتكەن جىلدىڭ ۇقساس مەزگىلىندەگىدەن جوعارىلادى، مۇنىڭ ىشىندە گۇيجوۋ، ىشكى موڭعۇل، گۋاڭدۇڭ سياقتى جەرلەردە ارتۋ شاماسى 5 پايىزدان استى. ءبىرىنشى توقساندا ەل بويىنشا قالا – قالاشىقتاعى كاسىپتەنۋى قيىن تۇرعىنداردان 430 مىڭ ادام كاسىپتەنىپ، وتكەن جىلدىڭ ۇقساس مەزگىلىندەگىدەن 20 مىڭ ادام كوبەيدى. بولات – تەمىر، كومىر سالاسىنىڭ اسىپ قالعان ءوندىرىس قۋاتىن ازايتۋى سەبەبىنەن جۇمىس ورنىنان بوساعانداردىڭ ورنالاسۋى ورنىقتى، ءتارتىپتى بولدى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
