1 – مامىردان باستاپ 59 مەملەكەتتىڭ ازاماتتارى حاينانعا ۆيزاسىز ساياحاتتاي الادى
2018.04.19 15:02 كەلۋ قاينارى : حالىق تورابى
حالىق گازەتى، 18 – ءساۋىر، بەيجيڭ (ني گى، ديڭ تيڭ) قوعام حاۋىپسىزدىگى مينيسترلىگى 18 – ساۋىردە اقپار جاريالاۋ جيىنىن وتكىزدى، مەملەكەتتىك كوشى – قوندى باسقارۋ مەكەمەسىنىڭ وسى جيىندا جاريالاۋىنا قاراعاندا، مەملەكەتتىك كەڭەستىڭ بەكىتۋىمەن، 2018 – جىلى 1 – مامىردان باستاپ، حاينان ولكەسى 59 مەملەكەتتىڭ ازاماتتارىنا ۆيزاسىز ساياحات ساياساتىن اتقارادى، وسى ەلدەردىڭ ازاماتتارى شەكارادان ۆيزاسىز كىرىپ، 30 كۇن ايالداي الادى.
بۇدان بۇرىن مەملەكەتتىك كەڭەستىڭ بەكىتۋىمەن، 2000 – جىلدان باستاپ، حايناندا 21 مەملەكەتتىڭ ازاماتتارىنا ۇيىرمەمەن بىرگە شەكارادان كىرىپ، 15 كۇن ۆيزاسىز ساياحاتتاۋعا مۇمكىندىك بەرىلگەن، ءارى 2010 – جىلى بۇل ساياساتتى ونان ارى تولىقتاپ، ۆيزاسىز شەكارادان كىرۋ ساياساتى قولدانىلاتىن ەلدەر سانىن 26 مەملەكەتكە ارتتىرعان.
مەملەكەتتىك كوشى – قوندى باسقارۋ مەكەمەسى باستىعىنىڭ ورىنباسارى چۇي يۇنحايدىڭ ايتۋىنشا، بۇرىنعىمەن سالىستىرعاندا، بۇل جولى اتقارىلعان شەكارادان ۆيزاسىز كىرۋ ساياساتى مىناداي ءۇش مازمۇندى قامتيدى: ءبىرىنشى، ۆيزاسىز كىرۋ ساياساتى اتقارىلاتىن مەملەكەتتەر سانى كوبەيتىلدى. شەكارادان ۆيزاسىز كىرۋ ساياساتى اتقارىلاتىن مەملەكەتتەر سانى 26 مەملەكەتتەن 59 مەملەكەتكە ارتتى. ەكىنشى، ۆيزاسىز ايالداۋ ۋاقىتى ۇزارتىلدى. بۇرىن شەكارادان ۆيزاسىز كىرگەن سوڭ، ايالداۋ ۋاقىتى 15 كۇن نەمەسە 20 كۇن بولسا، ەندى ءبىرتۇتاس 30 كۇنگە ۇزارتىلدى. ءۇشىنشى، ۆيزاسىز كىرۋگە رۇقسات بەرەتىن ادام سانى ارتتىرىلدى. ساياحات سەرىكتەستىكتەرى ۇسىنىس ەتۋ جانە قابىلداۋ ءتاسىلىن ساقتاۋدى العى شارت ەتە وتىرىپ، توپتىق ساياحاتشىلاردى ۆيزاسىز قابىلداۋ ساياساتىن جەكەلەردى دە ۆيزاسىز قابىلداۋ ساياساتىنا كەڭەيتتى.
اتالعان ساياساتقا ۇيلەسەتىن مەملەكەتتەر مىنالار: رەسەي، انگليا، فرانسيا، گەرمانيا، نورۆەگيا، ۋكراينا، يتاليا، اۆستريا، فينلانديا، گوللانديا، دانيا، شۆەتساريا، شۆەتسيا، يسپانيا، بەلگيا، چەحيا، ەستونيا، گرەتسيا، ۆەنگريا، يسلانديا، لاتوۆيا، ليتۆا، ليۋكسەمبۋرگ، مالتا، پولشا، پورتۋگاليا، سلوۆاكيا، سلوۆەنيا، يرلانديا، سەيپرۋس، بۋلعاريا، رۋمينيا، سەربيا، حورۆاتيا، بوسنيا – گەرتسەگوۆينا، چەرنوگوريا، ماكەدونيا، البانيا، ا ق ش، كانادا، برازيليا، مەكسيكا، ارگەنتينا، چيلي، اۆستراليا، جاڭا زەللانديا، وڭتۇستىك كورەيا، جاپونيا، سينگاپۋر، مالايزيا، تايلاند، قازاقستان، فيليپپين، يندونەزيا،برۋنەي، اراب بىرىككەن امىرلىگى، كاتار، موناكو، بەلورۋسسيا.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
