4 مينيسترلىك تۇرعىن ءۇي الەۋمەتتىك قورىن بەلگىلەمەگە قايشى كەلىپ شىعارىپ الۋدى قاتاڭ شەكتەۋ جونىنەن قۇجات باسىپ تاراتتى
2018.05.14 16:16 كەلۋ قاينارى : حالىق تورابى
«حالىق گازەتى»، 13 – مامىر، بەيجيڭ (ءتىلشى ليۋ جىچياڭ). تاياۋدا تۇرعىن ءۇي جانە قالا – اۋىل قۇرىلىسى مينيسترلىگى، قازىنا مينيسترلىگى، حالىق بانكەسى، قوعام حاۋىپسىزدىگى مينيسترلىگى سىندى 4 مينيسترلىك «تۇرعىن ءۇي الەۋمەتتىك قورىن بەلگىلەمەگە قايشى كەلىپ شىعارىپ الۋدى جونگە سالۋ قىزمەتىن ورىستەتۋ جونىندەگى ۇقتىرۋىن» جاريالاپ، شىعارىپ العان تۇرعىن ءۇي الەۋمەتتىك قورىن ءۇي ماياقىسى رەتىندە تولەۋگە الدىمەن قولداۋ كورسەتەدى، بۇندا الەۋمەتتىك قوردان شىعارىپ الاتىن اقشانىڭ مولشەرى جەرگىلىكتى ورىننىڭ ءۇي ماياقىسى ورەسىنە قاراي ۇيلەسىمدى بەلگىلەيدى ءارى ۋاعىندا رەتتەيدى؛ شىعارىپ العان تۇرعىن ءۇي الەۋمەتتىك قورىن اماناتقا قويعان ورىن نەمەسە ناپوسى تىركەۋلى جەردەن ادەتتەگى تۇرعىن ءۇيدى تۇڭعىش ساتىپ الۋعا جانە ەكىنشى رەتكى وزگەرتۋ تيبىندەگى تۇرعىن ءۇي ساتىپ الۋعا ءتۇيىندى قولداۋ كورسەتىلىپ، تۇرعىن ءۇي الەۋمەتتىك قورىن ءۇي ساۋداسى جالداپتىعىنا پايدالانۋدى قاتاڭ شەكتەيدى. الەۋمەتتىك قورعا اقشا تاپسىرىپ كەلگەن جۇمىسشى – قىزمەتكەرمەن مەكەمەسى ەڭبەك قاتىناسىن اياقتاتىپ نەمەسە كۇشىنەن قالدىرعاندا، الدىمەن جەكە ەسەپتى پەشەتتەۋ راسمياتى وتەلەدى. ەسەپ پەشەتتەلگەن مەزگىلدە، باسقا جەردەن تۇرعىن ءۇي الەۋمەتتىك قورى ەسەبىن اشىپ ءارى الەۋمەتتىك قورعا تۇراقتى اقشا تاپسىرعان ۋاقىتى جارىم جىلدان اسقاندارعا قاراتا، ەسەبىن باسقا جەرگە جوتكەپ ورنالاستىرۋ راسمياتىن وتەيدى. باسقا جەردەگى الەۋمەتتىك قورعا ءۇرتىس اقشا تاپسىرماعانداردىڭ پەشەتتەۋ ۋاقىتى تولىپ جارىم جىلدان كەيىن الەۋمەتتىك قورداعى اقشاسىن شىعارىپ الۋىنا بولادى. جەر – جەر جوعارىدا ايتىلعان تالاپتار بويىنشا 2018 – جىلى ماۋسىمنىڭ سوڭىنان بۇرىن جەرگىلىكتى ورىنداعى ساياساتتاردى ارناعا ءتۇسىرۋ – رەتتەۋ قىزمەتىن اياقتاتۋى كەرەك.
الەۋمەتتىك قورعا اقشا تاپسىرىپ كەلگەن جۇمىسشى – قىزمەتكەر سول جەردەن ءۇي مايلاۋ نەمەسە ءوزى وتىراتىن تۇرعىن ءۇي ساتىپ الۋعا، ءوزى وتىراتىن تۇرعىن ءۇيدىڭ قارىز سوماسى مەن ءوسىمىن قايتارۋعا، ال دەمالىس – زەينەتكە شىققاندار الەۋمەتتىك قورداعى اقشاسىن شىعارىپ الۋعا ءوتىنىش بەرگەندە، تەكسەرىپ بەكىتۋ بارىسىن اناعۇرلىم قاراپايىمداندىرۋ، الەۋمەتتىك قورداعى اقشانى شىعارىپ الۋعا توراپ ارقىلى كەڭەس بەرۋدى ورىستەتۋ، توردا تەكسەرىپ بەكىتۋ جانە كاسىپتىك راسميات وتەۋدى اتقارۋ ارقىلى تەكسەرىپ بەكىتۋ ۋاقىتىن قىسقارتۋى كەرەك. ۇقساس ءبىر ادام نەكە قاتىناسىن كوپ رەت وزگەرتىپ ءۇي ساتىپ الۋعا، كوپ ادام ءبىر تۇرعىن ءۇيدى جيى ساۋدالاۋعا، باسقا جەردەن ءۇي ساتىپ الۋعا، اسىرەسە، ناپوسى ءوزى تۇرعان ورىندا بولماي ءارى الەۋمەتتىك قورعا اقشا تاپسىرماعان جاعدايدا ءۇي ساتىپ الۋعا، كۇيەۋ – زايىبى بولماعان نەمەسە تىكە تۋىسى بولماعان جاعدايدا تۇرعىن ءۇيدى ورتاق ساتىپ الۋ بايلانىسمەن الەۋمەتتىك قورداعى اقشاسىن شىعارىپ الۋعا ءوتىنىش بەرۋشىلەردىڭ تۇرعىن ءۇي تۇتىنۋ ارەكەتى مەن كۋالىك ماتەريالدارىنىڭ شىن – جالعاندىعىن قاتاڭ تەكسەرىپ بەكىتۋ كەرەك.
تۇرعىن ءۇي الەۋمەتتىك قورىن بەلگىلەمەگە قايشى كەلىپ شىعارىپ العان قورعا اقشا تاپسىرعان جۇمىسشى – قىزمەتكەردىڭ سەنىمسىزدىك ارەكەتىن تۇرعىن ءۇي الەۋمەتتىك قورىن باسقارۋ ورتالىعى ەستەلىككە الادى ءارى بۇل ەستەلىك ەسەپتىڭ جوتكەلۋىنە ىلەسىپ وتىرادى؛ الەۋمەتتىك قورداعى اقشاسىن شىعارىپ العاندارعا قاراتا، شەكتى مەرزىم ىشىندە تولىق قايتارۋعا بۇيىرىلىپ، بەلگىلى مەرزىم ىشىندە ولاردىڭ تۇرعىن ءۇي الەۋمەتتىك قورىن شىعارىپ الۋى جانە قارىز اقشا الۋى شەكتەلەدى. ۋادەلى ۋاقىتى تولعانعا دەيىن قايتارماعاندار اۋىر سەنىمسىزدىك ارەكەتىن تۋدىرۋشى قاتارىنا ەنگىزىلىپ، سەنىمسىزدىك ينفورماتسياسى زاڭ – ەرەجە بويىنشا قاتىستى باسقارۋ تاراۋلارىنا جولدانىپ، بىرلەسىپ جازالاپ ساقتاندىرۋ جۇرگىزىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
