تۇڭعىش كەزەكتى شاڭحاي سەلبەستىك ۇيىمى ايەلدەر تالقى مىنبەرى بەيجيڭدە وتكىزىلدى

شىن يۋەيۋە تالقى مىنبەرىنىڭ اشىلۋ سالتىنا قاتىناستى ءارى ءسوز سويلەدى

2018.05.17 13:57   كەلۋ قاينارى : حالىق تورابى

　　حالىق تورابى، 17 – مامىر، بەيجيڭ. مەملەكەتتىك ايەلدەر بىرلەستىگى ۇيىمداستىرعان تۇڭعىش كەزەكتى شاڭحاي سەلبەستىك ۇيىمى ايەلدەر تالقى مىنبەرى 16 – مامىر كۇنى بەيجيڭدە وتكىزىلدى. مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى، مەملەكەتتىك ايەلدەر بىرلەستىگىنىڭ ءتورايىمى شىن يۋەيۋە تالقى مىنبەرىنىڭ اشىلۋ سالتىنا قاتىناستى ءارى ءسوز سويلەدى.

　　شىن يۋەيۋە تۇڭعىش كەزەكتى شاڭحاي سەلبەستىك ۇيىمى ايەلدەر تالقى مىنبەرىن وتكىزۋدىڭ ماقساتى ءتوراعا شي جينپيڭنىڭ شاڭحاي سەلبەستىك ۇيىمى مۇشە ەلدەر باسشىلار القاسى 7 – رەتكى ماجىلىسىندەگى سويلەگەن ماڭىزدى ءسوزىنىڭ رۋحىن دايەكتىلەندىرىپ، شاڭحاي سەلبەستىك ۇيىمى ايەلدەر سالاسىنداعى قارىم – قاتىناسىن ىشكەرىلەي تەرەڭدەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدە ايەلدەر قاۋىمىنىڭ كۇشىن قوسۋ ەكەنىن اتاپ كورسەتتى. سونىمەن قاتار، اۋەلگى ماقساتتى ەستە بەرىك ساقتاپ، «شاڭحاي رۋحىن» باتىل ساۋلەلەندىرۋ؛ ناقتى سەلبەستىكتى تەرەڭدەتىپ، ايەلدەردىڭ مادەنيەت سالاسىنداعى قارىم – قاتىناسىن كۇشەيتۋ، اشىق، تىنىستى بولۋعا تاباندى بولىپ، بىرلىكتە دامۋدى ىسكە اسىرۋ كەرەكتىگىن اتاپ ءوتتى.

　　شىن يۋەيۋە تاعى بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگو ايەلدەر ىستەرى ۇزدىكسىز العا ىلگەرىلەپ، قالىڭ ايەلدەر «جارتى الەمدىك» رولىن تولىق ساۋلەلەندىردى. ءبىز ءارقايسى ەلدەر ايەلدەر قاۋىمىمەن قول ۇستاسىپ، ايەلدەر كۇشىن بىرىكتىرىپ، شاڭحاي سەلبەستىك ۇيىمىنىڭ ءارقايسى ەلدە دامۋىن ىلگەرىلەتىپ، «ءبىر بەلدەۋ ءبىر جول» سەلبەستىگىن دامىتىپ، وڭىرلەردىڭ حاۋىپسىزدىك ورنىقتىلىعىن قورعاپ، الەمنىڭ باياندى بەيبىتشىلىگى مەن ورتاق گۇلدەنۋىنە ۇلەس قوسۋعا پەيىلدىمىز.

　　كەلۋ قاينارى: حالىق تورابى