ەل بويىنشا كاسىپتەنگەندەر 770 ميلليون ادام بولدى
2018.05.22 16:29 كەلۋ قاينارى : حالىق تورابى
«حالىق گازەتى»، 21 – مامىر، بەيجيڭ (تىلشىلەر جاۋ بيڭ، ديڭ ي - تيڭ). ادام كۇشى بايلىعى جانە قوعامدىق قامتاماسىزداندىرۋ مينيسترلىگى 21 – مامىردا «ادام كۇشى بايلىعى جانە قوعامدىق قامتاماسىزداندىرۋ ىستەرى دامۋىنىڭ 2017 – جىلعى ساناق جالپىلىق حابارلاندىرۋىن» جاريالادى. جالپىلىق حابارلاندىرۋدا كورسەتىلۋىنشە، 2017 – جىلدىڭ سوڭىندا ەل بويىنشا كاسىپتەنگەندەر 776 ميلليون 400 مىڭ ادام بولىپ، الدىنداعى جىلدىڭ سوڭىنداعىدان 370 مىڭ ادام ارتقان، مۇنىڭ ىشىندە قالا – قالاشىقتا كاسىپتەنگەندەر 424 ميلليون 620 مىڭ ادام بولىپ، الدىنداعى جىلدىڭ سوڭىنداعىدان 10 ميلليون 340 مىڭ ادام ارتقان. ەل بويىنشا كاسىپتەنگەندەر ىشىندە ءبىرىنشى كاسىپتە كاسىپتەنگەندەر %27 تى، ەكىىنشى كاسىپتە كاسىپتەنگەندەر %28.1 تى، ءۇشىنشى كاسىپتە كاسىپتەنگەندەر %44.9 تى قۇراعان.
كاسىپتەنۋدىڭ جالپى مولشەرى ارتىپ، ەڭبەكاقى دەڭگەيى دە جوعارىلاعان. 2017 – جىلى ەل بويىنشا قالا – قالاشىقتاعى جەكە تيجاراتقا جاتپايتىن ورىنداردا كاسىپتەنگەندەردىڭ جىلدىق ورتاشا ەڭبەكاقىسى 74 مىڭ 318 يۋان بولىپ، الدىنداعى جىلداعىدان 5 مىڭ 749 يۋان، ياعني %10 ارتقان. 2017 – جىلى ەل بويىنشا قالا – قالاشىقتاعى جەكە تيجارات تۇرىندەگى ورىنداردا كاسىپتەنگەندەردىڭ جىلدىق ورتاشا ەڭبەكاقىسى 45 مىڭ 761 يۋان بولىپ، الدىنداعى جىلداعىدان 2 مىڭ 928 يۋان، ياعني %6.8 ارتقان. 2017 – جىلدىڭ سوڭىندا شارۋالاردىڭ، جۇمىسشىلاردىڭ ورتاشا ايلىق كىرىس ورەسى 3 مىڭ 485 يۋان بولىپ، الدىنداعى جىلداعىدان 210 يۋان، ياعني %6.4 ارتقان.
دارىندىلار قوسىن قۇرىلىسى جاعىندا 2017 – جىلدىڭ سوڭىنا دەيىن ەل بويىنشا جالپى 26 ميلليون 200 مىڭ ادام ءار تۇردەگى كاسىپتىك – تەحنيكالىق قىزمەتكەر كۋالىگىن العان، ەكى اكادەميانىڭ اكادەميگى ءبىر مىڭ 660 تان استام بولعان، ۇكىمەتتىڭ ەرەكشە ستەپەندياسىنان يگىلىكتەنۋشى ماماندار 177 مىڭ ادام بولعان، مەملەكەتتىڭ «ءجۇز، مىڭ، ون مىڭ ادامدىق دارىندىلار» ينجەنەرياسىنا تاڭدالعاندار 5 مىڭ 729 ادام بولعان، شەتەلدە وقىپ ەلگە قايتقانداردىڭ جالپى سانى 3 ميلليون 132 مىڭعا جەتكەن، مۇنىڭ ىشىندە 2017 – جىلى 480 مىڭ 900 ادام ەلگە قايتقان. 2017 – جىلى پوست دوكتورلار عىلمي زەرتتەۋ قىزمەت پۋنكتىنىڭ جالپى سانى 3 مىڭ 396 عا جەتكەن، جىلجىمالى پوست دوكتورلار عىلمي زەرتتەۋ قىزمەت پۋنكتى 3 مىڭ 10 عا جەتكەن، جالپى 180 مىڭنان استام پوست دوكتور تاربيەلەنگەن.
قوعامدىق قامسىزداندىرۋ جاعىندا 2017 – جىلى تۇتاس جىلدا 5 تۇردەگى قوعامدىق قامسىزداندىرۋ قورىنىڭ جالپى كىرىس 6 تريلليون 715 ميلليارد 400 ميلليون يۋان بولىپ، الدىنداعى جىلداعىدان ءبىر تريلليون 25 ميلليارد 700 ميلليون يۋان، ياعني %21.9 ارتقان. مۇنىڭ ىشىندە جىل سوڭىندا ەل بويىنشا نەگىزدىك زەينەتكەرلىك قامسىزداندىرۋىنا قاتىناسقاندار 915 ميلليون 480 مىڭ ادام بولىپ، الدىنداعى جىلدىڭ سوڭىنداعىدان 27 ميللليون 710 مىڭ ادام ارتقان. تۇتاس جىلدا نەگىزدىك زەينەتكەرلىك قامسىزداندىرۋ قورىنىڭ كىرىسى 4 تريلليون 661 ميلليارد 400 ميلليون يۋان بولىپ، الدىنداعى جىلداعىدان %22.7 ارتقان. تۇتاس جىلدا نەگىزدىك زەينەتكەرلىك قامسىزداندىرۋ قورىنىڭ شىعىسى 4 تريلليون 42 ميلليارد 400 ميلليون يۋان بولىپ، الدىنداعى جىلداعىدان %18.9 ارتقان. 2017 – جىلدىڭ سوڭىندا نەگىزدىك زەينەتكەرلىك قامسىزداندىرۋ قورىنىڭ جيىنتىق قالدىعى 5 تريلليون 20 ميلليارد 200 ميلليون يۋان بولعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
