8 ولكە ورتالىقتىڭ ورتانى قورعاۋ بويىنشا قۋزاپ تەكسەرۋ گرۋپپاسىنىڭ قايتىمدى اڭىسىن توڭىرەكتەي وتىرىپ وڭاۋ جوباسىن جاريالادى
2018.05.30 15:00 كەلۋ قاينارى : حالىق تورابى
«حالىق گازەتى»، 29 – مامىر، بەيجيڭ (تىلشىلەر كوۋ جياڭزى، حۋاڭ شياۋحۇي). جيلين، جىجياڭ، شاندۇڭ، حاينان، سىچۋان، شيزاڭ، چيڭحاي، شينجياڭ (ءوندىرىس – قۇرىلىس بيڭتۋانىن قامتيدى) سىندى 8 ولكە، توتە قاراستى قالا، اۆتونوميالى رايون 29 – مامىردا ورتالىقتىڭ ورتانى قورعاۋ بويىنشا قۋزاپ تەكسەرۋ گرۋپپاسىنىڭ قايتىمدى اڭىسىن توڭىرەكتەي وتىرىپ وڭاۋ جوباسىن جاريالادى، مۇندا جالپى 530 ءتۇرلى وڭاۋ مىندەتى بەلگىلەنگەن، مۇنىڭ ىشىندە جيلىن ولكەسىنىكى 67 ءتۇرلى، جىجياڭ ولكەسىنىكى 46 ءتۇرلى، شاندۇڭ ولكەسىنىكى 59 ءتۇرلى، حاينان ولكەسىنىكى 56 ءتۇرلى، سىچۋان ولكەسىنىكى 89 ءتۇرلى، شيزاڭ اۆتونوميالى رايونىنىكى 45 ءتۇرلى، چيڭحاي ولكەسىنىكى 50 ءتۇرلى، شينجياڭ ۇيعۇر اۆتونوميالى رايونىنىكى (شينجياڭ ءوندىرىس – قۇرىلىس بيڭتۋانىن قامتيدى) 118 ءتۇرلى.
وڭاۋ شارالارى باستىسى مىنالاردى قامتيدى: پارتيا ورتالىق كوميتەتىنىڭ، مەملەكەتتىك كەڭەستىڭ ەكولوگيالىق وركەنيەت قۇرىلىسى جانە ورتانى قورعاۋ جونىندەگى كەلەلى شەشىم، ورنالاستىرۋلارىن تياناقتاندىرۋ؛ كەڭىستىك جانە شارۋاشىلىق قۇرىلىمىن ورنالاستىرۋدى ساپالىلاندىرىپ، كاسىپ قۇرىلىمى مەن ەنەرگيا قۇرىلىمىن رەتتەۋ؛ لاستانۋدى جونگە سالۋدان قامال الۋ شايقاسىن ويداعىداي جۇرگىزىپ، كليمات، سۋ، توپىراق، اۋىل – قىستاق سياقتى كورنەكتى ورتا ماسەلەلەرىن كۇش سالا شەشۋ؛ جاراتىلىستىق قورىق رايونىن باسقارۋدى جانە ەرەجەگە قايشى سالىنعان قۇرىلىس وبيەكتىلەرىن اداقتاپ، ودان شەگىنىپ شىعۋدى كۇشەيتۋ؛ ەكولوگيالىق ورتانى قورعاۋ ءتۇزىلىس رەفورماسىن ىلگەرىلەتۋ، ت. ب. قامتاماسىزداندىرۋ شارالارى باستىسى مىنالار: ۇيىمدىق باسشىلىقتى، باقىلاۋدىڭ تياناقتانۋىن، وڭاۋ ۇگىتىن كۇشەيتۋ، جاۋاپكەرلىكتى قۋزاۋدى قاتاڭداتۋ، ت. ب. وڭاۋ جوباسىندا تاعى ءاربىر تۇردەگى جاۋاپتى ورىن، جاۋاپتى ادام، وڭاۋ نىساناسى، وڭاۋ شاراسى جانە وڭاۋ كەسىمدى مەرزىمى ىشكەرىلەي ايقىندالىپ، تارماقتار بويىنشا ەسەپپەن ۇشتاستىرۋ، تياناقتاندىرۋدى قۋزاۋ، بىتكەندەرىن ءوشىرىپ وتىرۋ شارالارى اتقارىلىپ، تەكسەرۋدىڭ، باعالاۋدىڭ، جاۋاپكەرلىكتى قۋزاۋدىڭ ىركىلىسسىز بولۋى نەگىزىنەن ورىندالدى.
تانىستىرۋعا قاراعاندا، ورتالىقتىڭ ورتانى قورعاۋ بويىنشا قۋزاپ تەكسەرۋ گرۋپپاسى 2017 – جىلى تامىزدان قىركۇيەككە دەيىن جيلين قاتارلى 8 ولكە، توتە قاراستى قالا، اۆتونوميالى رايوندا ورتانى قورعاۋ بويىنشا قۋزاپ تەكسەرۋ قيمىلىن ورىستەتكەن ءارى 2018 – جىلى قاڭتاردا قۋزاپ تەكسەرۋگە اڭىس قايتارىپ بولعان. اڭىس قايتارۋدان كەيىن 8 ولكە، توتە قاراستى قالا، اۆتونوميالى رايوننىڭ پارتكومدارى مەن ۇكىمەتتەرى قۋزاپ تەكسەرۋ بويىنشا وڭاۋ قىزمەتىنە ايرىقشا ءمان بەرىپ، وڭاۋ جوباسىن مۇقيات زەرتتەپ جاساعان. «ورتانى قورعاۋ ىستەرىن قۋزاپ تەكسەرۋ جوباسىنىڭ (سىناق رەتىندە اتقارىلادى)» تالابىنا ساي مەملەكەتتىك ورتانى قورعاۋ ىستەرىن قۋزاپ تەكسەرۋ كەڭسەسىنىڭ سايكەستىرۋىمەن 8 ولكە، توتە قاراستى قالا، اۆتونوميالى رايون قۋزاپ تەكسەرۋ گرۋپپاسىنىڭ قايتىمدى اڭىسىن توڭىرەكتەي وتىرىپ وڭاۋ جوباسىن سىرتقا ءبىر تۇتاس جاريالادى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
