2017 – جىلى ەلىمىز تۇرعىندارىنىڭ ورتاشا مەجەلى عۇمىرى 76.7 جاسقا جەتتى
2018.06.14 14:17 كەلۋ قاينارى : حالىق تورابى
شينحۋا اگەنتتىگى، 13 – ماۋسىم، بەيجيڭ (ۋاڭ بين، تيان شياۋحاڭ) مەملەكەتتىك دەنساۋلىق ساقتاۋ جانە سالاماتتىق كوميتەتى جۋىردا جاريالاعان «ەلىمىزدىڭ دەنساۋلىق ساقتاۋ جانە سالاماتتىق ىستەرىنىڭ 2017 – جىلعى دامۋى جونىندەگى ساناق مازمۇنداماسىنا» قاراعاندا، 2017 – جىلى ەلىمىز تۇرعىندارىنىڭ ورتاشا مەجەلى عۇمىرى 76.7 جاسقا جەتىپ، نارەستەلەردىڭ شەتىنەۋ مولشەرى ‰6.8گە تومەندەگەن، ايەلدەردىڭ تۋىتتا قايتىس بولۋ مولشەرى 100 مىڭ / 19.6 دەڭگەيىنە تومەندەگەن، ەلىمىز تۇرعىندارىنىڭ نەگىزگى سالاماتتىق كورسەتكىشتەرى جالپى جاقتان العاندا ، ورتاشا – جوعارى كىرىستى ەلدەردىڭ ورتاشا دەڭگەيىنەن جاقسى بولعان.
ماماندار مىنانى اتاپ كورسەتتى: ورتاشا مەجەلى عۇمىر ءبىر مەملەكەتتىڭ، ءبىر ۇلتتىڭ جانە سول وڭىردەگى تۇرعىنداردىڭ سالاماتتىق دەڭگەيىن باعالايتىن كورسەتكىش، بۇل كورسەتكىش الەۋمەتتىك تۇرمىس ساپاسىنىڭ جوعارى – تومەندىگىن بەينەلەيدى. قاتىستى جاۋاپتى ادامداردىڭ ايتۋىنشا، دەنساۋلىق ساقتاۋ جانە سالاماتتىق تاراۋلارى سالامات جۇڭگونى كوركەيتۋدى بەلسەندى ىلگەرىلەتىپ، ەمدەۋ سالاسىنداعى رەفورمانى ىشكەرىلەي جۇرگىزۋدە كەزەڭدىك تابىسقا قول جەتكىزدى ، الەۋمەتتىك دەنساۋلىق ساقتاۋ ىستەرى، اۋرۋ – سىرقاۋلاردان ساقتانۋ جانە ونى تەجەۋ، ەمدەۋ – دەنساۋلىق ساقتاۋ جاعىنداعى قىزمەت وتەۋ قابىلەتتەرىن ۇزدىكسىز جوعارىلاتتى، تۋىت ىستەرىنە قىزمەت كورسەتۋدى باسقارۋ، جۇڭگوشا مەديتسينا سىندى جاقتارداعى قىزمەتتەردى كۇشەيتىپ، جان – جاقتىلى باقىلاۋ ورەسىن ۇزدىكسىز جوعارىلاتتى.
مازمۇنداما قاراعاندا، 2017 – جىلى ۇكىمەت ەمحانالارىنا جان – جاقتىلى رەفورما جاساۋ جاپپاي ىلگەرىلەتىلىپ، ءدارى – دارمەك باعاسىنا ۇستەمە قوسۋ بۇكىلدەي كۇشىنەن قالدىرىلدى، مەديتسينالىق قىزمەت وتەۋ باعاسىنا رەتتەۋ جۇرگىزۋ ساياساتى جاپپاي ىلگەرىلەتىلدى. 2017 – جىلدىڭ سوڭىنا دەيىن، %93.9 قالاداعى ۇكىمەت ەمحانالارى ءدارى – دارمەككە ۇستەمە باعا قوسۋدى كۇشىنەن قالدىردى، ۇكىمەت ەمحانالارىندا ەمدەۋ اقىسىنىڭ ۇيلەسىمسىز قىمباتتاۋى ءونىمدى تىزگىندەلدى. 2016 – جىلداعىمەن سالىستىرعاندا، ەمحانالاردىڭ رەتتىك ورتاشا امبالاتوريالىق اقىسى %1.8 تومەندەگەن، ۇستايتىن ۇلەسى 2.8 پايىز تومەندەگەن؛ ەمحانالاردىڭ كىسى باسىنا شاققانداعى ەمحاناعا جاتىپ ەمدەلۋ باعاسى %7.1 تومەندەگەن، ۇستايتىن ۇلەسى 2.5 پايىزعا تومەندەگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
