بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

ەگىنشىلەر مەرەكەنىڭ باس كەيىپكەرى بولسىن

ەلىمىز «جۇڭگو ەگىنشىلەرىنىڭ مول ءونىم مەرەكەسىن» بەلگىلەدى

ۋاقىتى كۇزگى تەڭەلۋگە تۋرالانىپ، وڭتۇستىك پەن سولتۇستىك بىردەي ەسكەرىلدى

2018.06.22 16:34     كەلۋ قاينارى : حالىق تورابى

  «حالىق گازەتى»، 21 – ماۋسىم، بەيجيڭ (ءتىلشى ۋاڭ حاۋ). «تاياۋدا پارتيا ورتالىق كوميتەتىنىڭ بەكىتۋىمەن، مەملەكەتتىك كەڭەستىڭ بەكىتپە جاۋابىمەن 2018 – جىلدان باستاپ ەسكىشە جىل ەسەبى بويىنشا كۇزگى تەڭەلۋ جۇڭگو ەگىنشىلەرىنىڭ مول ءونىم مەرەكەسى ەتىپ بەلگىلەندى، بۇل مەملەكەت دارەجەسىندە ەگىنشىلەرگە ارنايى بەلگىلەنگەن ءبىرىنشى مەرەكە سانالادى. اۋىل شارۋاشىلىعى، اۋىل – قىستاق مينيسترلىگىنىڭ مينيسترى حان چاڭفۋ 21 – ماۋسىمدا مەملەكەتتىك كەڭەستىڭ اقپارات كەڭسەسى وتكىزگەن اقپار جاريالاۋ ماجىلىسىندە وسىلاي دەدى.

  «جۇڭگو ەگىنشىلەرىنىڭ مول ءونىم مەرەكەسى» − ءجۇز ميلليونداعان ەگىنشىنىڭ مول ءونىمدى قۇتتىقتاپ، مول ونىمنەن يگىلىكتەنۋ مەرەكەسى، استىقتان مول ءونىم الۋدىڭ، ەل امان، جۇرت تىنىش بولۋدىڭ جاندى بەينەسى، ول اۋىل شارۋاشىلىعى، اۋىل – قىستاق، شارۋالار قىزمەتىنىڭ ماڭىزدى ورنىن اناعۇرلىم ايگىلەۋگە، ءجۇز ميلليونداعان ەگىنشىنىڭ داڭق، باقىت، تابىس سەزىمىن نىعايتۋعا، جۇڭحۋانىڭ ەگىنشىلىك مادەنيەتى مەن ۇزدىك مادەنيەت ءداستۇرىن جالعاستىرۋعا ءتيىمدى.

  «جۇڭگو ەگىنشىلەرىنىڭ مول ءونىم مەرەكەسىن» بەلگىلەۋدىڭ شارت – جاعدايى پىسىپ – جەتىلدى. حان چاڭفۋ تانىستىرىپ بىلاي دەدى: ەگىنشىلىك مەرەكەسىنىڭ ءداستۇرى بار، ەلىمىزدە ەرتە زاماننىڭ وزىندە استىقتان الىنعان مول ءونىمدى قۇتتىقتاۋ داعدىسى بولعان؛ ءار جەردىڭ ءوز ىزدەنىسى دە بار، كوپتەگەن جەر ءوز ەرەكشەلىكتەرىنە نەگىزدەلىپ گۇل تاماشالاۋ، ءونىم جيناۋعا ارالاسۋ، اۋىل شارۋاشىلىق ساياحاتى سياقتى قيمىلداردى ورىستەتىپ وتىر؛ اۋىل – قىستاق ساياحاتى، سەيىل – سەرۋەنمەن ۇشتاستىرىلعان اۋىل شارۋاشىلىعى جەدەل دامۋدا. ەلىمىز اۋىل شارۋاشىلىعىندا جىل سايىن مول ءونىم الۋدا، ەگىنشىلەردىڭ كىرىسى ءۇرتىس ارتىپ وتىر، اۋىل شارۋاشىلىعىن وسىزامانداندىرۋ جەدەل ىلگەرىلەۋدە، اۋىل – قىستاقتىڭ قوعامى ۇزاق ۋاقىتتان بەرى ورنىقتى بولىپ كەلەدى. ەلىمىزدىڭ جەرى كەڭ، اۋىل شارۋاشىلىق ونىمدەرىنىڭ ءتۇرى تولىق، «جۇڭگو ەگىنشىلەرىنىڭ مول ءونىم مەرەكەسىن»، ءسوزسىز، ەرەكشەلىگى بار، جۇرتتى سەرپىلتەتىن، ىقپالدى مەرەكە ەتىپ وتكىزە الامىز.

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار