قازىنالىق كىرىستە ارتۋ مولشەرى مەن ساپاسى بويىنشا قوس جوعارىلاتۋ جارىققا شىقتى (جىلدىق ەكونوميكالىق جاعدايعا كوز جىبەرگەندە)
«حالىق گازەتىنىڭ» ءتىلشىسى لي ليحۇي
2018.07.19 16:24 كەلۋ قاينارى : حالىق تورابى
بيىلدان بەرى پارتيا ورتالىق كوميتەتى، مەملەكەتتىك كەڭەس شىعارىپ اتقارعان ءبىر قىدىرۋ ساياساتتىق شارالار كورنەكتى تابىسقا قول جەتكىزدى، قامداۋ جاعىنداعى قۇرىلىمدىق رەفورمانىڭ ونىمدىلىگى كورنەكتى بولدى، قازىنا – باجى رەفورماسى ىشكەرىلەي ورىستەتىلدى. ەلىمىز ەكونوميكاسى ورنىقتىلىق ىشىندە جاقسارىپ، كاسىپورىنداردىڭ پايداسى ارتتى، قازىنالىق كىرىستىڭ ارتۋ مولشەرى مەن ساپاسىندا قوس جوعارىلاۋدى جۇزەگە اسىرۋعا دەم بەرىلدى.
ەكونوميكالىق اينالىس پەن قازىنالىق كىرىس ءبىرىن – ءبىرى جەبەپ، ەكونوميكالىق دامۋدىڭ ساپاسى ۇزدىكسىز جوعارىلادى
قازىنا مينيسترلىگى جاريالاعان ەڭ جاڭا ساندى مالىمەتتە كورسەتىلۋىنشە، بيىل العاشقى جارتى جىلدا، تۇتاس مەملەكەتتىڭ ادەتتەگى الەۋمەتتىك مەجە ەسەپ كىرىسى 10 تريلليون 433 ميلليارد 100 ميلليون يۋانعا جەتىپ، ۇقساس مەزگىلدەگىدەن ٪10.6 ارتقان. بۇندا، تۇتاس مەملەكەتتىڭ ادەتتەگى مەجە ەسەپ كىرىسىندەگى باجى كىرىسى 9 تريلليون 162 ميلليارد 900 ميلليون يۋانعا جەتىپ، ۇقساس مەزگىلدەگىدەن ٪14.4 ارتقان؛ باجى كىرىسىنە جاتپايتىن كىرىس ءبىر تريلليون 270 ميلليارد 200 ميلليون يۋانعا جەتىپ، ۇقساس مەزگىلدەگىدەن ٪10.8 ازايعان.
باجى كىرىسى ىشىندە، ەكونوميكالىق اينالىسپەن تىعىز قاتىستى نەگىزگى باجى تۇرلەرى العاشقى جارتى جىلدا ءبىرشاما تەز ارتۋداي بەينەنى ساقتادى. ارتقان قۇن باجىسى ەلىمىزدىڭ ءبىرىنشى ۇلكەن باجى ءتۇرى بولىپ، ونەركاسىپ – ساۋدا كاسىپتەرى، قىزمەت وتەۋ كاسىپتەرى ءبىرشاما جوعارى گۇلدەنۋ بەينەسىن ساقتاۋ، ءىشىنارا ونىمدەردىڭ باعاسى جوعارىلاۋ سياقتىلاردىڭ مۇرىندىق بولۋىمەن، ونەركاسىپ – ساۋدا كاسىپتەرىنىڭ ارتقان قۇن باجىسى، وزگەرتىلگەننەن كەيىنگى ارتقان قۇن باجىسى ۇقساس مەزگىلدەگىدەن ٪15.5، ٪18.3 ارتىپ، تۇتاس مەملەكەتتىڭ قازىنالىق كىرىسىن 5.1 پايىز جوعارىلاتقان. كاسىپورىن ونىمدىلىگىنىڭ باياندى جاقسارۋىنىڭ ىلگەرىلەتۋىمەن، كاسىپورىنداردىڭ تابىس باجىسى ۇقساس مەزگىلدەگىدەن ٪12.8 ارتقان.
«العاشقى جارتى جىلدا، ەكونوميكالىق اينالىس ورنىقتىلىق ىشىندە جاقسارۋعا قاراي بەتالىپ، قازىنالىق كىرىستىڭ ءبىرشاما تەز ارتۋىنداي بەينەنىڭ جارىققا شىعۋىن بەرىك نەگىزبەن قامدادى. سونىمەن بىرگە، بەلسەندى قازىنالىق ساياساتتاردىڭ ءونىمدى تياناقتانۋى دا، قوعامدىق ەكونوميكانىڭ ورنىقتى، اقاۋسىز دامۋىن پارمەندى جەبەدى» - دەدى جۇڭگو قازىنا عىلىمى زەرتتەۋ اكادەمياسىنىڭ ورىنباسار اكادەميگى باي جيڭميڭ. ەكونوميكالىق اينالىس پەن قازىنالىق كىرىس ءبىرىن – ءبىرى ۇنامدى جەبەپ، ەلىمىز ەكونوميكاسىنىڭ ومىرشەڭدىك قۋاتىنىڭ كۇشەيگەندىگىن، دامۋ ساپاسىنىڭ ۇزدىكسىز ارتقاندىعىن اڭعارتتى.
ەكونوميكالىق دامۋ ساپاسى ارتۋمەن بىرگە، قازىنالىق كىرىستىڭ ساپاسى دا ۇزدىكسىز جاقساردى. العاشقى جارتى جىلدا، تۇتاس مەملەكەتتىڭ باجى كىرىسى ادەتتەگى الەۋمەتتىك مەجە ەسەپ كىرىسىندە ۇستاعان سالىستىرماسى ٪87.8 كە جەتىپ، وتكەن جىلعى تۇتاس جىلداعىدان 4.1 پايىز جوعارى بولعان. سونىمەن بىرگە، ءتۇرلى اقىنى كەمەيتۋ شارالارىنىڭ تياناقتانۋىنا وراي، ءىشىنارا وڭىرلەردە بەي باجى سيپاتىندىق كىرىستى اداقتاۋ، ارناعا ءتۇسىرۋ ورىستەتىلىپ، بەي باجى سيپاتىندىق كىرىس ۇقساس مەزگىلدەگىدەن ٪10.8 كەمەيىپ، قازىنالىق كىرىستەگى ارتۋ مولشەرى مەن ساپا بويىنشا قوس جوعارىلاۋ جارىققا شىققان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
