مەملەكەتتىك ءدارى – دارمەكتەردى باقىلاۋ – باسقارۋ مەكەمەسىنىڭ جاۋاپتىسى چاڭچۇن چاڭشىڭ سەرىكتەستىگى وندىرگەن قۇتىرىق ۆاكسيناسى دەلوسى جونىندە تانىستىرۋ جاسادى
ءوندىرىستى توقتاتۋعا بۇيىرىپ، دەرەۋ دەلو تۇرعىزىپ تەكسەرۋ جۇرگىزدى، ۆاكسينا وندىرەتىن بارلىق كاسىپورىندارعا تۇتقيىل تەكسەرۋ جۇرگىزەدى
2018.07.23 13:40 كەلۋ قاينارى : حالىق تورابى
حالىق گازەتى، 22 – شىلدە، بەيجيڭ (لي ليلي) مەملەكەتتىك ءدارى – دارمەكتەردى باقىلاۋ – باسقارۋ مەكەمەسىنىڭ جاۋاپتىسى 22 – شىلدە كۇنى چاڭچۇن چاڭشىڭ بيولوگيالىق عىلىم - تەحنيكا شەكتى جاۋاپكەرشىلىك سەرىكتەستىگىنىڭ ادامعا پايدالاناتىن قۇرعاق مۇزداتىلعان قۇتىرىق ۆاكسيناسىن زاڭعا قايشى تۇردە ءوندىرۋى دەلوسىنا قاتىستى احۋالداردى ۇقتىردى.
اشكەرەلەۋشىلەر بەرگەن دەرەككە نەگىزدەلە وتىرىپ، مەملەكەتتىك ءدارى – دارمەكتەردى باقىلاۋ – باسقارۋ مەكەمەسىنىڭ جيلين ولكەلىك مەكەمەسى 5 – شىلدە كۇنى چاڭچۇن چاڭشىڭ سەرىكتەستىگىنە تۇتقيىل تەكسەرۋ جۇرگىزگەن؛ مەملەكەتتىك ءدارى – دارمەكتەرى باقىلاۋ – باسقارۋ مەكەمەسى 15 – شىلدە كۇنى جيلين ولكەلىك بولىمشە مەكەمەسىمەن بىرگە تەكسەرۋ گرۋپپاسىن قۇرىپ، اتالعان كاسىپورىنعا جاپپاي تەكسەرۋ جۇرگىزگەن. مەملەكەتتىك ءدارى – دارمەكتەردى باقىلاۋ – باسقارۋ مەكەمەسى 15 – شىلدە كۇنى «چاڭچۇن چاڭشىڭ بيولوگيالىق عىلىم – تەحنيكا شەكتى جاۋاپكەرشىلىك سەرىكتەستىگىنىڭ ادامعا پايدالانىلاتىن قۇرعاق مۇزداتىلعان قۇتىرىق ۆاكسيناسىن زاڭ – تۇزىمگە قايشى ءوندىرۋى جونىندەگى ۇقتىرۋدى» جاريالادى.
تەكسەرۋ ناتيجەسىنە قاراعاندا، كاسىپورىن ءوندىرۋ ەستەلىگى مەن ءوندىرۋ بارىسىنداعى تەكسەرۋ ەستەلىگىن ويدان قيىستىرعان، مانەرلەۋ پارامەترلەرىن جانە قۇرىلعىلارىن ءوز بىلگەنىنشە وزگەرتكەن. جوعارىداعى ارەكەتتەر «جۇڭحۋا حالىق رەسپۋبليكاسىنىڭ ءدارى – دارمەكتەردى باسقارۋ زاڭى» مەن «ءدارى – دارمەكتەردى ءوندىرۋ ساپاسىن باسقارۋ ولشەمىندەگى» بەلگىلەمەلەرگە اۋىر دارەجەدە قايشى كەلەدى، مەملەكەتتىك ءدارى – دارمەكتەردى باقىلاۋ – باسقارۋ مەكەمەسى اتالعان كاسىپورىننىڭ ءوندىرىسىن توقتاتۋعا بۇيرىق بەرىپ، ءدارى – دارمەككە قاتىستى GMP كۋالىگىن قايتارىپ الدى، ءالى پايدالانىلماعان قۇتىرىق ۆاكسينالارىن جيىپ الدى. مەملەكەتتىك ءدارى – دارمەكتى باقىلاۋ – باسقارۋ مەكەمەسى جيلين ولكەسىندەگى بولىمشە مەكەمەسىمەن بىرگە اتالعان كاسىپورىنعا دەلو تۇرعىزىپ تەكسەرۋ جۇرگىزدى، قىلمىس كۇمانىن تۋدىرعان ءجىپ ۇشتارىن قوعام حاۋىپسىزدىگى ورگاندارىنا قىلمىستىق جاۋاپكەرشىلىگىن قۋزاستىرۋعا جوتكەپ بەردى.
ۆاكسينانى باسقارۋعا قاتىستى بەلگىلەمەلەرگە ساي، بارلىق كاسىپورىندار ۆاكسينانى بازارعا سالۋ ءۇشىن جۇڭگو ازىق – تۇلىك جانە ءدارى – دارمەكتەردى تەكسەرىپ بەكىتۋ زەرتتەۋ مەكەمەسىنىڭ بەكىتۋىنەن وتكىزۋى كەرەك، بەكىتۋدەن وتكىزۋ بارىسىندا بارلىق ۆاكسينالاردىڭ حاۋىپسىزدىگىنە تەكسەرۋ جۇرگىزۋى كەرەك، بەلگىلى مولشەردەگى ۆاكسينالاردىڭ ونىمدىلىگىنە تەكسەرۋ جۇرگىزۋى كەرەك. اتالعان كاسىپورىننىڭ بازارعا سالىنىپ ىستەتىلگەن ۆاكسينالارىنىڭ بارلىعى زاڭدىق تەكسەرۋدەن وتكىزىلگەن، ساپاسىنان ماسەلە بايقالماعان. بازارعا سالىنعان ۆاكسينالاردىڭ ونىمدىلىگىن ىشكەرىلەي تۇراقتاندىرۋ ءۇشىن، اتالعان كاسىپورىننىڭ ساقتالعان ۇلگى ونىمدەرىنە تاجىريبەحانادا باعالاۋ جۇرگىزۋ باستالدى.
مۇنان سىرت، جۇڭگو اۋرۋ – سىرقاۋدان ساقتانۋ جانە تەجەۋ ورتالىعىنىڭ باقىلاۋ-تەكسەرۋىنە قاراعاندا، ەلىمىزدە قۇتىرىق اۋرۋىنىڭ تۋىلۋ مولشەرى جۋىرداعى جىلداردان بەرى بىرتىندەپ تومەندەگەن.
مەملەكەتتىك ءدارى – دارمەكتەردى باقىلاۋ – باسقارۋ مەكەمەسى بۇكىل ەلىمىز بويىنشا ۆاكسينا وندىرەتىن كاسىپورىندارعا وزىنە – ءوزى تەكسەرۋ جۇرگىزۋدى ورنالاستىردى، وسى ارقىلى كاسىپورىنداردىڭ بەكىتۋدەن وتكىزىلگەن مانەرلەۋ تەحنيكاسى ارقىلى ءوندىرىس جۇرگىزۋىنە، GMP ءوندىرىس ولشەمىنە قاتاڭ بويسۇنۋىنا، ءوندىرۋ مەن تەكسەرۋ بارىسىنداعى بارلىق ساندى دەرەكتەرىڭ شىنايى، تولىق، سەنىمدى بولۋىنا، ىزدەپ تابۋعا مۇمكىندىك جاسالۋىنا كەپىلدىك ەتەدى. مەملەكەتتىك ءدارى – دارمەكتەردى باقىلاۋ – باسقارۋ مەكەمەسى ۆاكسينا وندىرەتىن بارلىق كاسىپورىندارعا تۇتقيىل تەكسەرۋ جۇرگىزۋدى ۇيىمداستىرىپ، زاڭ – تۇزىمگە قايشى ارەكەتتەردى قاتاڭ تەكسەرىپ ءبىرجاقتى ەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
