بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

31 ولكە، اۆتونوميالى رايون، توتە قاراستى قالا دارەجەلى ۇكىمەتتىڭ نەگىزگى جاۋاپتى باسشىلارى ءمانساپقا وتىردى

مۇنىڭ ىشىندە 18 ادام 60 – جىلداردا تۋعان

ءتىلشى تاڭ جيا – ي

2018.08.08 13:26     كەلۋ قاينارى : حالىق تورابى


  ەكى كۇن ىشىندە جياڭشي مەن چيڭحاي جەكە – جەكە ولكە دارەجەلى حالىق قۇرىلتايى ءماجىلىسىن اشىپ، ولكە باستىقتارىنىڭ قىزمەتىنە رەتتەۋ جۇرگىزدى: جياڭشي ولكەلىك پارتكومنىڭ شۋجيى ليۋ چي جياڭشي ولكەسىنىڭ باستىعى مىندەتىن قوسىمشا وتەمەيتىن بولدى، ي ليانحۇڭ جياڭشي ولكەلىك پارتكومنىڭ ۋاقىتتىق ولكە باستىعى بولىپ تاعايىندالدى؛ چيڭحاي ولكەلىك پارتكومنىڭ شۋجيى ۋاڭ جيانجۇن چيڭحاي ولكەسىنىڭ باستىعى مىندەتىن قوسىمشا وتەمەيتىن بولدى، ليۋ نيڭرىن چيڭحاي ولكەسىنىڭ ۋاقىتتىق ولكە باستىعى بولىپ تاعايىندالدى. سونىمەن، 31 ولكە، اۆتونوميالى رايون، توتە قاراستى قالا دارەجەلى ۇكىمەتتىڭ نەگىزگى جاۋاپتى باسشىلارى تۇگەلدەي مىندەتىنە وتىرىپ بولدى. مۇنىڭ ىشىندە 3 ايەل باسشى بار، ولار جەكە – جەكە ىشكى موڭعۇل اۆتونوميالى رايونىنىڭ ءتوراعاسى بۋ شياۋلين، گۇيجوۋ ولكەسىنىڭ باستىعى چىن يچين، نيڭشيا حۇيزۋ اۆتونوميالى رايونىنىڭ ءتوراعاسى شيان حۇي.


  جالپى جاقتان ايتقاندا، وسى كەزەكتى جەرگىلىكتى ۇكىمەت باسشىلارى سالىستىرمالى تۇردە جاسىراق بولۋ، وقۋ ماعلۇماتى جوعارى بولۋ سىندى ەرەكشەلىكتەرگە يە. جاس شاماسىنان الىپ قاراعاندا، 31 باسشىنىڭ ىشىندە 18 ادام 60 – جىلداردا تۋىلعان، 31 ولكە دارەجەلى پارتكوم شۋجيىنىڭ ىشىندە تەك 3 ادام 60 – جىلداردا تۋىلعانىن ەسكەرسەك، جالپى جاقتان ايتقاندا جاس شاماسى كىشى دەپ ايتۋعا بولادى؛ وقۋ ماعلۇماتى جاعىنان ايتقاندا، 29 ادام اسپيرانتۋرانى تاۋىسقان، مۇنىڭ ىشىندە 15 ادام دوكتورلىق عىلمي اتاققا يە.


  كەشىرمەلەرى جاعىنان الىپ ايتقاندا، ىشكى موڭعۇل اۆتونوميالى رايونىنىڭ ءتوراعاسى بۋ شياۋلين، گۋاڭشي جۋاڭزۋ اۆتونوميالى رايونىنىڭ ءتوراعاسى چىن ۋ، گۇيجوۋ ولكەسىنىڭ باستىعى چىن يچين قىزمەتكە قاتىناسقاننان بەرى باستان – اقىر ءوزى تۇرعان ولكە، اۆتونوميالى رايوندا قىزمەت اتقارعان، وزگە جەرگە بارىپ الماسىپ قىزمەت ىستەۋ كەشىرمەسى جوق. قالعان 28 باسشىنىڭ باسقا ولكە، اۆتونوميالى رايون، توتە قاراستى قالالاردا الماسىپ قىزمەت ىستەۋ كەشىرمەسى بار. مىندەت وتەۋ كەشىرمەسى ەڭ مولى حەيلۇڭجياڭ ولكەسىنىڭ باستىعى ۋاڭ ۋىنتاۋ. ۋاڭ ۋىنتاۋ ىلگەرىندى – كەيىندى شاڭحاي، يۇننان، جياڭشي، شاندۇڭ، حەيلۇڭجياڭ سىندى بەس ولكە، توتە قاراستى قالادا مىندەت اتقارعان، توتە قاراستى قالانىڭ نەگىزگى جاۋاپتى باسشىسى بولعان، سونىمەن بىرگە، كۇنميڭ، نانچاڭ، جينان سىندى 3 ولكە ورتالىعىندا دا نەگىزگى جاۋاپتى قىزمەتتە بولعان.


  مۇنان سىرت، بۇلاردىڭ ىشىندە 2 باسشىنىڭ قازىرگى مىندەتكە وتىرۋدىڭ الدىندا ولكە دارەجەلى ۇكىمەتتە نەگىزگى جاۋاپتى مىندەت اتقارۋ تاجىريبەسى بار، ولار: تيانجين قالاسىنىڭ باستىعى جاڭ گوچيڭ كەزىندە چۇڭچيڭ قالاسىنىڭ باستىعى بولعان، شانشي ولكەسىنىڭ باستىعى ليۋ گوجۇڭ كەزىندە جيلين ولكەسىنىڭ باستىعى بولعان.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار