بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

«جاڭا ءداۋىر — باقىتتى دا كورىكتى، تىڭ تىنىستى شەكارا ءوڭىر» اتتى عالامتورلىق تاقىرىپتىق قيمىل شينجياڭعا قادام تاستادى

2018.08.13 13:09     كەلۋ قاينارى : حالىق تورابى

  حالىق تورابى، 12 – تامىز، ءۇرىمجى (ياڭ رۇي) «جاڭا ءداۋىر — باقىتتى دا كورىكتى، تىڭ تىنىستى شەكارا ءوڭىر» اتىنداعى عالامتورلىق تاقىرىپتىق قيمىلدىڭ شينجياڭداعى باستالۋ سالتى 12 – تامىزدا ءۇرىمجى قالاسىندا وتكىزىلدى. ورتالىق ينتەرنەت ينفورماتسياسى كەڭسەسى عالامتوردا اقپارات – ينفورماتسيا تاراتۋ مەكەمەسى، شينجياڭ ۇيعۇر اۆتونوميالى رايوندىق پارتكومنىڭ ينتەرنەت ينفورماتسياسى كەڭسەسى، شينجياڭ ءوندىرىس – قۇرىلىس بيڭتۋانى ينتەرنەتتىك ينفورماتسيا كەڭسەسى قاتارلى ورىندارداعى قاتىستى جاۋاپتى جولداستار مەن ورتالىق پەن شينجياڭداعى نەگىزگى اقپارات توراپتارىنىڭ تىلشىلەرى باستالۋ سالتىنا قاتىناستى.


  ورتالىق ينتەرنەت ينفورماتسياسى كەڭسەسى عالامتوردا اقپارات – ينفورماتسيا تاراتۋ مەكەمەسىنىڭ قاتىستى جاۋاپتىسى بىلاي دەدى: «جاڭا ءداۋىر — باقىتتى دا كورىكتى، تىڭ تىنىستى شەكارا ءوڭىر» اتىنداعى عالامتورلىق تاقىرىپتىق قيمىلدىڭ شينجياڭعا ساپارى شي جينپيڭنىڭ جاڭا داۋىردەگى جۇڭگوشا سوتسياليزم يدەياسى مەن پارتيانىڭ 19 – قۇرىلتايىنىڭ رۋحىن ىشكەرىلەي ۇيرەنۋ، ۇگىتتەۋ، دايەكتىلەندىرۋ، باس شۋجي شي جينپيڭنىڭ شينجياڭ قىزمەتى جونىندەگى كەلەلى نۇسقاۋلارىنىڭ رۋحى مەن ماڭىزدى شارالارىن دايەكتى تياناقتاندىرۋ بولىپ تابىلادى. اقپارات تىلشىلەرىنىڭ ىستىق ىقىلاستى، بۇقاراعا جاناسىمدى مازمۇنداعى اقپاراتتىق تۋىندىلارى ارقىلى شىنايى دامۋ ۇستىندەگى، باقىتتى دا كورىكتى سوتسياليستىك شينجياڭدى ايگىلەۋىن ءۇمىت ەتەمىز.


  شينجياڭ ۇيعۇر اۆتونوميالى رايوندىق پارتكومنىڭ ينتەرنەت ينفورماتسياسى كەڭسەسى مەن شينجياڭ ءوندىرىس – قۇرىلىس بيڭتۋانى ينتەرنەت ينفورماتسياسى كەڭسەسىندەگى قاتىستى جاۋاپتى جولداستار بىلاي دەدى: جاڭا جاعدايدا پارتيا ورتالىق كوميتەتى شينجياڭ قىزمەتىن بۇرىن – سوڭدى بولىپ كورمەگەن جوعارى دەڭگەيگە قويىپ وتىر، شينجياڭداعى 24 ميلليون ءار ۇلت پەرزەنتتەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز توپتاسىپ، شينجياڭنىڭ رەفورما جاساپ، ەسىك اشۋى مەن وسىزامانداندىرۋ قۇرىلىسىندا تىڭ جاعداي جاراتتى، ءتاڭىرتاۋدىڭ تۇستىگى مەن تەرىستىگىندە شار تاراپتى جالت قاراتقان وزگەرىستەر تۋىلدى. وسى رەتكى حابارلاۋ قيمىلى ارقىلى ءتىپتى دە كوپ ادامداردىڭ شينجياڭدى تانۋىنا، شينجياڭدى تۇسىنۋىنە وراي جاراتىپ، شينجياڭنىڭ ءتۇرلى ىستەرىنىڭ جاپپاي دامۋىن ونان ارى ىلگەرىلەتۋدى ءۇمىت ەتەمىز.


  ۇعىسۋعا قاراعاندا، «جاڭا ءداۋىر — باقىتتى دا كورىكتى، تىڭ تىنىستى شەكارا ءوڭىر» اتىنداعى عالامتورلىق تاقىرىپتىق قيمىل بيىل مامىر ايىندا باستالعاننان بەرى، شينجياڭ اتالعان قيمىلدىڭ ءتورتىنشى بەكەتى بولدى. الداعى 5 – 6 كۇن ىشىندە ورتالىق پەن شينجياڭداعى نەگىزگى اقپارات توراپتارىنىڭ 27 ءتىلشىسى ءۇرىمجى قالاسىنان جولعا شىعىپ، رەت – رەتىمەن ۋجياچۇي، سانجى، شىحىزى، قارامايلى، الاتاۋ ساعاسى، قۇلجا قاتارلى جەرلەرگە بارادى.


  بۇل رەتكى قيمىل اياقتاعان سوڭ، «جاڭا ءداۋىر — باقىتتى دا كورىكتى، تىڭ تىنىستى شەكارا ءوڭىر» اتتى عالامتورلىق تاقىرىپتىق قيمىل گۋاڭدۇڭ، گۋاڭشي سىندى ەكى جەردە وتكىزىلەدى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار