تەڭىزدەگى جىبەك جولىنىڭ جاڭا ەلشىسى (ءبىر بەلدەۋ، ءبىر جولعا 5 جىل)

ــ دۇنيە جۇزىندەگى ەڭ ءىرى تيەۋىش قوراپتى جۇك كەمەسى ــ جۇڭگو شالعاي مۇحيت تەڭىز تاسىمالى توبى شەكتى سەرىكتەستىگىنىڭ شوق جۇلدىز كەمەسىنىڭ العاش قاتىناۋى جونىندە

«حالىق گازەتىنىڭ» ءتىلشىسى حۋان شياڭ

2018.08.15 15:26   كەلۋ قاينارى : حالىق تورابى

　　بىرنەشە كۇننىڭ الدىندا جۇڭگو شالعاي مۇحيت تەڭىز تاسىمالى توبى شەكتى سەرىكتەستىگىنىڭ شوق جۇلدىز كەمەسى (تومەندە قىسقاشا «شوق جۇلدىز كەمەسى» دەلىنەدى) ەل ىشىنەن جولعا شىعىپ، قيىرداعى باتىس سولتۇستىك ەۆروپاعا تۇڭعىش قاتىنادى. قازىرگى دۇنيە ءجۇزى بويىنشا ەڭ ۇلكەن وسى تيەۋىش قوراپتى جۇك كەمەسىنە وزىق جوبالاۋ تانىمى مەن تاڭداۋلى جاساۋ تەحنولوگياسى سىڭىرىلگەن، وندا جۇڭگونىڭ تەڭىز تاسىمالى ىستەرىندەگى «جاسىل ءتۇستى بولۋ، زەيىندەندىرۋ» سىندى دامۋ تانىمى شىت جاڭا بەينەلەنگەن، وسىلايشا بۇل كەمە «تەڭىزدەگى جىبەك جولىنىڭ» جاڭا ەلشىسىنە جانە جاڭا تانىسقىسىنا اينالىپ وتىر.


　　ءتول تەحنولوگيا شاماسى %90 كە جەتتى


　　شوق جۇلدىز كەمەسى 20 – شىلدەدە تيانجيننەن جولعا شىعىپ تۇڭعىش ساپارىن باستادى، جوسپار بويىنشا جول – جونەكەي سينگاپۋر كەمەجايىنان، سۆەيش كانالىنان، گرەتسيانىڭ پيرەي كەمەجايىنان، گوللانديانىڭ روتتەردام كەمەجايىنان، گەرمانيانىڭ حانبۋرگ كەمەجايىنان، بەلگيانىڭ انتۆەرپەن كەمەجايىنان ءوتىپ، قايتادان روتتەردام كەمەجايىنا جەتىپ، كەرى قايتادى.


　　بۇل كەمەنىڭ جالپى ۇزىنى شامامەن 400 مەتر، ەنى 58.6 مەتر، ەڭ زور شوگۋ شاماسى 16 مەتر، جوباداعى قىزمەت وتەۋ قارقىنى ساعاتىنا 22.5 تەڭىز ميلى، ەڭ ۇلكەن جۇك كوتەرىمدىلىگى 200 مىڭ توننا، ەڭ ۇلكەن تيەۋىش قوراپ كوتەرىمدىلىگى 20 مىڭ 119 ولشەمدى تيەۋىش قوراپ. بۇل ــ جۇڭگو شالعاي مۇحيت تەڭىز تاسىمالى توبى شەكتى سەرىكتەستىگىنىڭ دەربەس جۇمىس جۇرگىزەتىن، قيىر شىعىستان باتىس سولتۇستىك ەۆروپاعا قاتىنايتىن تەڭىز جولىنىڭ AEU3 لەنياسىنداعى ەڭ جاڭا، سونداي – اق قازىرگى دۇنيە جۇزىندەگى ەڭ ۇلكەن تيەۋىش قوراپتى جۇك كەمەسى سانالادى.


　　گۋ ميڭجاڭ كاپيتاننىڭ تانىستىرۋىنا قاراعاندا، شوق جۇلدىز كەمەسىنە قازىرگى ءبىرشاما وزىق «قوس ارال» جوباسى قولدانىلعان: كابينكا، تۇرمىس رايونى كەمەنىڭ باسىنا ورنالاسقان، ديۆيگاتەل بولمەسى كەمەنىڭ قۇيرىعىنا ورنالاسقان. كەمەنىڭ باس بولەگىندە قىزمەت ىستەيتىن، تۇرمىس كەشىرەتىن كەمە قىزمەتكەرلەرى ديۆيگاتەل بولمەسىنىڭ شۋىلى مەن سىلكىنىسىن سەزە المايدى.


　　ۇزىنشا كەلگەن پالۋبا جولىندا تۇرىپ، كەمە قاپتاۋىش پلاستينكاسىنىڭ وزگەشە ۇلگىسىنە تاڭ – تاماشا بولدىم. الىسقا نازار سالساڭ، «قورعانىن» «قۇرساۋمەن» قاپتاپ قويعانداي. گۋ ميڭجاڭ تانىستىرىپ بىلاي دەدى: بۇل ــ ايرىقشا بەرىك، جارىلماس بولات ماتەريال، مۇنداعى ماقسات بويلىق باعىتتا كەمە تۇلعاسىنىڭ بەرىكتىگىن نىعايتۋ. ۇزىنى شامامەن 288 مەتر كەلەتىن مىنا بولات تاقتانى كەمە تۇلعاسىنا دانەكەرلەپ، كەمەنىڭ توتەپ بەرۋ قۋاتىن بارىنشا نىعايتتىق، بۇل بۇكىلدەي ءتول تەحنيكامەن جاسالدى.


　　شوق جۇلدىز كەمەسىندە ءتول تەحنيكا ۇستەم ورىندا تۇرعان، كوپ ساندى ءتول تەحنيكا حالىقارانىڭ وزىق ورەسىنە جەتكەن. ادەتتە بەرىكتىگى مەن ورنىقتىلىعىن ارتتىرۋ ءۇشىن، كەمەنىڭ ءجۇزۋ بارىسىندا كەمە بولمەسىنە لايىقتى مولشەردە سۋ جىبەرىلدى، بۇنى كاسىپتىك تىلدە باستىرعى سۋ دەيدى. باستىرعى سۋدى ىعىستىرۋدان ءار ەلدىڭ تەڭىز الابىنىڭ لاستانۋىنان ساقتانۋ ءۇشىن، حالىقارالىق تەڭىز ىستەرى ۇيىمى باستىرعى سۋدى ىعىستىرۋعا قاتاڭ تيىم سالعان. شوق جۇلدىز كەمەسىندەگى باستىرعى سۋدى ءبىر جاقتى ەتۋ قۇرىلعىسىن جۇڭگونىڭ كاسىپورنى جاساعان، تەرىس قىسىممەن سورعىزۋ ارقىلى ءوزىن – ءوزى تازالاپ وتىراتىن سۇزگىش باستىرعى سۋدى الدىن الا ءبىر جاقتى ەتەدى، ونان سوڭ ورتاشا قىسىمدا ۋلترا كۇلگىن ساۋلەسىمەن دەزينفەكسيالاۋ جۇيەسى تەڭىز سۋىنداعى ميكروپتاردى جويىپ زارلالسىزداندىرادى. جۇيەلى تەحنولوگيا ارقىلى شىعارىلاتىن زاتتىڭ بيولوگيالىق قويۋلىق كورسەتكىشى حالىقارالىق تەڭىز ىستەرى ۇيىمى شارتىنىڭ تالابىنداعى D—2 ىعىستىرۋ ولشەمىنە بۇكىلدەي ۇيلەسەدى.


　　تانىستىرۋعا قاراعاندا، شوق جۇلدىز كەمەسىنىڭ ءتول تەحنولوگيا شاماسى %90 كە جەتكەن، بۇل جۇڭگونىڭ كەمە جاساۋ قۋاتى مەن دەڭگەيىن ءبىر قىرىنان ايگىلەي الادى.


　　كەلۋ قاينارى: حالىق تورابى