بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

رەفورما جاساپ، ەسىك اشۋدىڭ 40 جىلدىعى: داليان جينپۋ جاڭا رايونىنىڭ ەكونوميكالىق ومىرشەڭدىك قۋاتى تاسقىندادى

«حالىق گازەتىنىڭ» ءتىلشىسى ۋاڭ جينحاي

2018.08.16 16:38     كەلۋ قاينارى : حالىق تورابى

  25 – شىلدەدە كاسىپورىنداردىڭ جۇمىس ءبىتىرۋى قيىن بولۋ ماسەلەسىن شەشۋدى ماقسات ەتكەن لياۋنيڭ داليان جينپۋ جاڭا رايونىنىڭ «دەرەۋ ءبىتىرۋ» ارناۋلى لەنياسى سىناق رەتىندە پايدالانۋعا بەرىلدى، ءارى قوعامعا: «كاسىپورىنداردىڭ ارىز – تالابى بولسا، ءاربىر ىسكە دەيىن جاۋاپ قايتارامىز، ءاربىر ىسكە دەيىن تياناقتاندىرامىز» دەگەن ۋادە بەرىلدى.

  داليان جينپۋ جاڭا رايونى 2014 – جىلى قۇرىلعان، شىعىس سولتۇستىكتەگى تۇڭعىش مەملەكەت دارەجەلى جاڭا رايون. جاڭا رايوننىڭ 5 ۇلكەن يقۋات رايونىنىڭ بىرەۋى سانالاتىن داليان ەكونوميكالىق – تەحنيكالىق اشۋ رايونى مەملەكەتتىك كەڭەس بەكىتكەن ەلىمىزدەگى ءبىرىنشى مەملەكەت دارەجەلى ەكونوميكالىق – تەحنيكالىق اشۋ رايونى بولىپ تابىلادى. داليان ەكونوميكالىق – تەحنيكالىق اشۋ رايونى العاش قۇرىلعان مەزگىلدە ونىڭ نىساندى ىلگەرىلەتۋ ورتالىعى ءونىمدى قىزمەت وتەۋىمەن تانىمال بولعان، شەتەل ساۋداگەرلەرى بۇل اراعا كەلىپ جۇمىس باستاۋ نىسانىن ءوتىنىش ەتسە، نىساندى ىلگەرىلەتۋ ورتالىعىنىڭ ءبىر تاڭباسىمەن جۇمىس بىتە بەرەتىن.

  30 نەشە جىلدىڭ الدىنداعى نىساندى ىلگەرىلەتۋ ورتالىعىنان بۇگىنگى «دەرەۋ ءبىتىرۋ» ارناۋلى لەنياسىنا دەيىن، داليان جينپۋ جاڭا رايونىندا رەفورما جۇرگىزىپ، جاڭالىق جاراتۋ رۋحى ءبىر ءسات تە وزگەرگەن ەمەس. 2017 – جىلى 10 – ساۋىردە جۇڭگو (لياۋنيڭ) ەركىن ساۋدا تاجىريبە رايونىنىڭ داليانداعى بولەگىنە وسى ارادا ماڭدايشالىق ءىلىنىپ، جينپۋ جاڭا رايونى دامۋدىڭ جاڭا باستاماسىنا تاعى ءبىر نىق قادام تاستادى، بىلتىر ءوندىرىس جالپى قۇنى 210 ميلليارد يۋاننان اسقان بۇل ءوڭىر ەلىمىزدىڭ شىعىس سولتۇستىگىنىڭ سىرتقا ەسىك اشۋ تەكشەسىنە، ەكونوميكالىق ومىرشەڭدىك قۋاتى تاسقىنداعان جەرگە اينالدى.

  ىرگە تاس رەفورما جاساپ، ەسىك اشۋدىڭ بوگەنايى ىسپەتتى

  داليان جينپۋ جاڭا رايونىنىڭ ورتالىق ءوسى ىسپەتتى جينما جولىنىڭ ورتا بولەگىنە قويىلعان ءمارمار تاسقا «ىرگە قالاۋ» دەگەن ءسوز ويىپ جازىلعان. 1984 – جىلى 15 – قازاندا داليان ەكونوميكالىق – تەحنيكالىق اشۋ رايونىنىڭ ىرگەسى وسىندا قالانعان.

  «ىرگە قالاعان كۇنى بارابان ءۇنى كوكتى كەرنەپ، سول جەردەگى بۇقارانىڭ ۋاكىلدەرى جانە 300 دەن استام باستاۋىش، ورتا مەكتەپ وقۋشىسى قيمىلعا قاتىناستى». سول جىلى 8 جاستاعى وقۋشى ماي يىڭجى سول بالالاردىڭ بىرەۋى ەدى. ول كەزدە ويىن بالاسى اشۋ رايونىنىڭ نە ەكەنىن بىلمەيتىن، الايدا سول كۇننەن باستاپ ول اشۋ رايونىمەن بىرگە ەسەيىپ وتىردى. بيىك عيماراتتار بىرىنەن سوڭ ءبىرى بوي كوتەردى، كوشەلەر بارعان سايىن كەڭەيدى، ماي يىڭجى دا اشۋ رايونىندا ورتا مەكتەپتى، جوعارى مەكتەپتى ءبىتىرىپ، اشۋ رايونىندا قىزمەت ىستەۋگە ورنالاستى.

  «ىرگە تاس ءىس جۇزىندە رەفورما جاساپ، ەسىك اشۋدىڭ بوگەنايى ىسپەتتى». 69 جاستاعى چىن بيڭ – ۋ سول كەزدە داليان ەكونوميكالىق – تەحنيكالىق اشۋ رايونى باسشىلىق گرۋپپاسى كەڭسەسىنىڭ قىزمەتكەرى بولاتىن، ىرگە قالاۋدىڭ الدىنداعى قاتىستى ازىرلىك قىزمەتىنە جاۋاپتى بولىپ جۇمىس ىستەگەن. ول سول كەزدەگى قىزمەت جايىن ەسكە الىپ بىلاي دەدى: «شىت جاڭا، ەستىگەن جاندى ەلەڭ ەتكىزەرلىك اشۋ رايونىن قۇرۋ ءۇشىن ءداستۇرلى قۇرىلىمعا سۇيەنۋگە بولمايتىن، ەرەكشە ءىستى ەرەكشە جولمەن ءبىتىرۋ، جاڭا ءىستى جاڭا شارامەن ءبىتىرۋ كەرەك بولاتىن». قارجى قوسۋشىلارعا ويداعىداي قىزمەت وتەۋ ءۇشىن اشۋ رايونى «دەرەۋ ءبىتىرۋ» كەڭسەسىن قۇرىپ، كاسىپورىندار اڭىس ەتكەن ماسەلە، ارىز – تالاپقا قاراتا جوعارىدان نۇسقاۋ سۇراماي، تومەنمەن كەڭەسپەي دەرەۋ ءبىتىرىپ وتىردى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار