بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

قاتىناس – تاسىمال مينيسترلىگى قوعام حاۋىپسىزدىگى مينيسترلىگى سىندى سىندى ورىندارمەن بىرگە ديدي سەرىكتەستىگىنىڭ باسشىلارىن شاقىرىپ اڭگىمەلەستى

2018.08.27 14:35     كەلۋ قاينارى : حالىق تورابى

  حالىق تورابى، 26 – تامىز، بەيجيڭ. قاتىناس – تاسىمال مينيسترلىگىنىڭ رەسمي ميكروبلوگىنىڭ حابارلاۋىنشا، 24 – تامىز كۇنى جىجياڭ ولكەسى ۋىنجوۋ قالاسىندا ديدي سەرىكتەستىگىنىڭ شۇنفىڭ كولىگىنە وتىرعان قىز بالا جول ۇستىندە قاستاندىققا ۇشىراعان، ديدي سەرىكتەستىگى وسىنداي سۇرقيا وقيعا بارىسىندا بۇلتارماس جاۋاپكەرشىلىك ارقالايدى. قاتىناس – تاسىمال مينيسترلىگى 26 – تامىز كۇنى قوعام حاۋىپسىزدىگى مينيسترلىگى، سونداي – اق، بەيجيڭ قالالىق، تيانجين قالالىق قاتىناس – تاسىمال، قوعام حاۋىپسىزدىگى تاراۋلارىمەن بىرلەسە وتىرىپ، وسى وقيعاعا بايلانىستى ديدي سەرىكتەستىگىنىڭ باسشىلارىن شاقىرىپ اڭگىمەلەسكەن، اتالعان سەرىكتەستىكتى شۇنفىڭ كولىگى قىزمەتىن دەرەۋ جان-جاقتىلى رەتكە سالۋعا ، تۇزىمگە ۇيلەستىرۋ ءۇردىسىن جەدەل ىلگەرىلەتۋگە، حاۋىپسىزدىكتىڭ ساقتىق شەگىنە قاتاڭ بويسۇنۋعا، تاسىمال جۇرگىزۋشى جاقتىڭ حاۋىپسىزدىك پەن ورنىقتىلىقتى باسقارۋ جاعىنداعى نەگىزگى تۇلعالىق جاۋاپكەرشىلىگىن شىنايى تياناقتاندىرۋعا، جولاۋشىلاردىڭ ءجۇرىس – تۇرىس حاۋىپسىزدىگى مەن زاڭدى ۇقىق – مۇددەسىنە كەپىلدىك ەتۋگە، رەتكە سالۋ احۋالىن دەر كەزىندە جۇرتقا جاريالاۋعا بۇيىردى.


  قاتىناس – تاسىمال مينيسترلىگى تاسىمال قىزمەتى مەڭگەرمەسىنىڭ باستىعى شۇي ياحۋا شاقىرىپ اڭگىمەلەسۋ بارىسىندا مىنانى اتاپ كورسەتتى: بيىل مامىر ايىنىڭ باس شەنىندە، اۋە بيكەشى لي x جڭجوۋدا ديدي سەرىكتەستىگىنىڭ شۇنفىڭ كولىگىنە وتىرىپ، جول ورتادا كولىك شوفەرى ونى قانىپەزەرلىكپەن ولتىرگەن، ءۇش اي وتپەي جاتىپ، 24 – تامىز كۇنى ۋىنجوۋدا اشىنىشتى وقيعا تاعى تۋىلدى، بۇل وقيعا الەۋمەتتىڭ نازارىن ەرەكشە اۋدارۋدا. جولاۋشىلاردىڭ ءومىرى مەن حاۋىپسىزدىگىنە سۇعاناقتىق جاساعان ەكى رەتكى اشىنىشتى وقيعا ديدي سەرىكتەستىگى تەكشەسىنىڭ تيجارات باسقارۋى جاعىندا ءىرى اعاتتىق پەن حاۋىپسىزدىك جاعىنداعى كومەسكى قاتەردىڭ ساقتالىپ وتىرعانىن، كاسىپورىن ءوزىنىڭ نەگىزگى تۇلعالىق جاۋاپكەرشىلىگىن تولىقتاي اتقارماعانىن، حالىق بۇقاراسىنىڭ ءجۇرىس – تۇرىس حاۋىپسىزدىگى مەن زاڭدى ۇقىق – مۇددەسىنە اۋىر قاتەر توندىرگەنىن، قوعامدىق ىقپالىنىڭ وتە ناشار بولعانىن كورسەتتى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار