جۇڭگو قاتارىنان 9 جىل افريكانىڭ ءبىرىنشى ۇلكەن ساۋدا سەرىگى بولدى
2018.08.29 16:44 كەلۋ قاينارى : حالىق تورابى
«حالىق گازەتى»، 28 – تامىز، بەيجيڭ (ءتىلشى لو شانشان). ءتىلشىنىڭ 28 – تامىزدا اشىلعان مەملەكەتتىك كەڭەس كەڭسەسىنىڭ جاعدايدان حابارلاندىرۋ ماجىلىسىنەن ۇعىسۋىنشا، جۇڭگو مەن افريكانىڭ «10 ۇلكەن سەلبەستىك جوسپارى» ورتاعا قويىلعان 2 جىلدان استام ۋاقىتتان بەرى ەكونوميكا – ساۋدا شاراسى جاپپاي تياناقتانىپ، جۇڭگو مەن افريكانىڭ ەكونوميكا – ساۋدا قاتىناسىنىڭ جان – جاقتى دامۋى ىلگەرىلەتىلگەن، جۇڭگو قاتارىنان 9 جىل افريكانىڭ ءبىرىنشى ۇلكەن ساۋدا سەرىگى بولعان.
2015 – جىلى جەلتوقساندا ءتوراعا شي جينپيڭ جۇڭگو – افريكا سەلبەستىك تالقى مىنبەسى يوحاننەسبۋرگ سامميتىندە جۇڭگو مەن افريكانىڭ «10 ۇلكەن سەلبەستىك جوسپارىن» اتقارۋ دارىپتەمەسىن ورتاعا قويدى، «10 ۇلكەن سەلبەستىك جوسپارىنىڭ» ىشىندە ەكونوميكا – ساۋدا شاراسى باسىم ورىندا بولاتىن، بۇل سونداي – اق 2 جىلدان استام ۋاقىتتان بەرى جۇڭگو افريكاعا قاراتا ورىستەتكەن ەكونوميكا – ساۋدا قىزمەتىنىڭ نەگىزگى جەلىسى بولدى.
2017 – جىلى جۇڭگو مەن افريكانىڭ ساۋدا سوماسى 170 ميلليارد امەريكا دوللارى بولىپ، الدىنداعى جىلداعىدان %14 ارتتى. بيىل قاڭتاردان ماۋسىمعا دەيىن جۇڭگو مەن افريكانىڭ ساۋدا سوماسى 98 ميلليارد 800 ميلليون امەريكا دوللارىنا جەتىپ، وتكەن جىلدىڭ ۇقساس مەزگىلىندەگىدەن %16 ارتتى. جاقىنعى 3 جىلدا جۇڭگونىڭ افريكاعا قوسقان تىكەلەي قارجىسى جىلىنا ورتا ەسەپپەن 3 ميلليارد امەريكا دوللارى اينالاسىندا بولىپ وتىردى.
«10 ۇلكەن سەلبەستىك جوسپارى» اتقارىلعاننان بەرى جۇڭگو كاسىپورىندارى افريكانىڭ جاڭادان 30 مىڭ كيلومەترگە جۋىق تاس جول سالۋىنا، كەمەجايدىڭ جىلدىق قابىلداۋ قۋاتىنىڭ 85 ميلليون تونناعا جەتۋىنە، كۇندىك سۋ تازارتۋ قۋاتىنىڭ 9 ميلليون توننادان اسۋىنا، ەلەكتر تاراتۋ قۋاتىنىڭ 20 مىڭ مەگاۆاتقا جەتۋىنە، 30 مىڭ كيلومەتردەن استام ەلەكتر جەتكىزۋ لەنياسىنىڭ تارتۋىنا كومەكتەسىپ، افريكا ەلدەرىنە 900 مىڭعا جۋىق كاسىپتەنۋ ورنىن ازىرلەپ بەردى. جۇڭگو افريكادا 20 دان استام وڭىرلىك كاسىپتىك اعارتۋ ورتالىعى مەن قۋات قۇرىلىسى ينستيتۋتى ءتۇرىن اتقاردى، 2018 – جىلدىڭ سوڭىنا دەيىن افريكانىڭ وزىندە افريكاعا ءار تۇردەگى كاسىپتىك – تەحنيكالىق دارىندىلاردان 200 مىڭنان استام ادامدى تاربيەلەپ بەرەدى، جۇڭگودا افريكانىڭ 40 مىڭنان استام ۇكىمەت قىزمەتكەرى مەن تەحنيكالىق قىزمەتكەرىن تاربيەلەپ بەرەدى. جۇڭگو تاعى افريكا ەلدەرىنىڭ اۋىل شارۋاشىلىعى، كەدەيلەردى ازايتۋ، الەۋمەتتىك دەنساۋلىق ساقتاۋ، ساۋدانى، قارجىلاندىرۋدى قولايلىلاندىرۋ سياقتى سالالارىندا جۇزدەگەن نىساندى اتقارىپ، ەمدەۋ قىزمەتكەرلەرىن ءبىر مىڭ 500 ادام – رەت جىبەرىپ، مولشەرمەن 460 مىڭ ناۋقاستى (رەت) ەمدەدى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
