مەملەكەتتىك حالىق قۇرىلتايى تۇراقتى كوميتەتىنىڭ كەڭسەسى اقپار جاريالاۋ ءماجىلىسىن وتكىزدى
جەكەلەر تابىس باجىسىن تاپسىرۋشىلار سالىستىرماسى %44 تەن %15 كە تومەندەتىلەدى
«حالىق گازەتىنىڭ» ءتىلشىسى جاڭ سۇڭ
2018.09.03 16:14 كەلۋ قاينارى : حالىق تورابى
31 – تامىز تۇستەن كەيىن مەملەكەتتىك 13 – كەزەكتى حالىق قۇرىلتايى تۇراقتى كوميتەتىنىڭ 5 – ءماجىلىسى جابىلعان سوڭ مەملەكەتتىك حالىق قۇرىلتايى تۇراقتى كوميتەتىنىڭ كەڭسەسى حالىق سارايىندا اقپار جاريالاۋ ءماجىلىسىن وتكىزدى، قاتىستى جاقتاردىڭ جاۋاپتىلارى جەكەلەر تابىس باجىسى زاڭىنا وزگەرىس ەنگىزۋ، ەلەكتروندى ساۋدا زاڭى، توپىراقتىڭ لاستانۋىنان ساقتانۋ زاڭى سياقتى ماسەلەلەر جونىنەن تىلشىلەردىڭ سۇراۋلارىنا جاۋاپ قايتاردى.
جەكەلەر تابىس باجىسى زاڭىنا وزگەرىس ەنگىزۋ وسى رەتكى تۇراقتى كوميتەت ماجىلىسىندە نازاردى ەڭ كوپ اۋدارعان تاقىرىپتاردىڭ ءبىرى بولدى. «نەگىزگى قاراجاتتى شىعارىپ تاستاۋ ولشەمىن ءار ايدا 5 مىڭ يۋانعا كوتەرۋ سىندى وسى فاكتوردىڭ ءوزى بويىنشا ەسەپتەگەندە، زاڭعا وزگەرىس ەنگىزىلگەن سوڭ جەكەلەر تابىس باجىسىن تاپسىرۋشىلاردىڭ قالا – قالاشىقتاعى كاسىپتەنۋشىلەردىڭ اراسىندا ۇستايتىن سالىستىرماسى قازىرگى %44 تەن %15 كە ازايادى». قازىنا مينيسترلىگىنىڭ ورىنباسار مينيسترى چىڭ ليحۋا جەكەلەر تابىس باجىسىنىڭ باستاما جيناۋ شەگى ماسەلەسى جونىندەگى سۇراۋعا جاۋاپ بەرگەندە بىلاي دەدى: 5 مىڭ يۋاندىق نەگىزگى قاراجاتتى شىعارىپ تاستاۋ ولشەمى قالا – قالاشىق تۇرعىندارىنىڭ كىسى باسىنا تۋرا كەلەتىن نەگىزگى تۇتىنۋ شىعىسى، ءاربىر كاسىپتەنۋشى ورتاشا ارقالايتىن ادام سانى، تۇرعىنداردىڭ تۇتىنۋ باعا كورسەتكىشى سياقتى فاكتورلار ءبىر تۇتاس ويلاستىرىلعان سوڭ جالپىلاما تۇراقتاندىرىلعان، مۇندا كىسى باسىنا تۋرا كەلەتىن تۇتىنۋ شىعىس قامتىلۋدان تىس، بەلگىلى دارەجەدەگى كورەگەندىك بەينەلەنگەن.
چىڭ ليحۋا تانىستىرىپ بىلاي دەدى: وسى رەت زاڭعا وزگەرىس ەنگىزۋدە نەگىزگى قاراجاتتى شىعارىپ تاستاۋ ولشەمى رەتتەلۋدەن تىس، تاعى كوپ ءتۇرلى ارنالۋى شىعارىپ تاستاۋ قوسىمشاسى كوبەيتىلىپ، تومەنگى شەكتەگى باجى شاماسىنىڭ دارەجە ارالىعى كەڭەيتىلدى، باجى تاپسىرۋشىلار باجىنى ازايتۋ تيىمدىلىگىنەن تۇرلىشە دارەجەدە يگىلىكتەنەتىن بولدى، اسىرەسە، ورتا كىرىستەن تومەنگى بۇقارا كەنەلەتىن تيىمدىلىك ەڭ زور بولماق، ايلىق كىرىسى 20 مىڭ يۋاننان تومەن باجى تاپسىرۋشىلاردىڭ جەكەلەر تابىس باجىسى اۋىرتپالىعى %50 تەن استام ازايتىلادى.
چىڭ ليحۋا تاعى ارنايى تۇسىنىك جاساپ بىلاي دەدى: 5 مىڭ يۋاندىق ولشەم وزگەرمەيتىن تۇراقتى ولشەم ەمەس، بۇدان كەيىن دە جەكەلەر تابىس باجىسى رەفورماسىن تەرەڭدەتۋمەن ۇشتاستىرۋ نەگىزىندە جانە قالا – قالاشىق تۇرعىندارىنىڭ نەگىزدىك تۇتىنۋ شىعىس ورەسىندەگى وزگەرىس جاعدايىنا ساي رەتتەلىپ وتىرادى، جەكەلەر تابىس باجىسى زاڭى اتقارىلعاننان بەرگى نەگىزگى قاراجاتتى شىعارىپ تاستاۋ ولشەمىنىڭ بىرنەشە رەت رەتتەلۋى وسى ءتۇيىندى تولىق تۇسىندىرەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
