بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>ەل ءىشى حابارلارى

ۋاڭ حۋنيڭ ماروككونىڭ باس ءۋازىرى وسمانيمەن كەزدەستى

2018.09.05 14:50   كەلۋ قاينارى : حالىق تورابى



  حالىق تورابى، 5 – قىركۇيەك، بەيجيڭ. ج ك پ ورتالىق ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ 4 – قىركۇيەك كۇنى دياۋيۇيتاي مەملەكەتتىك مەيمانسارايىندا ماروككونىڭ باس ءۋازىرى وسمانيمەن كەزدەستى.

  ۋاڭ حۋنيڭ بىلاي دەدى: جۇڭگو – ماروككونىڭ ءداستۇرلى دوستىعى اسا تەرەڭ، قاي – قاشاندا ءبىر – ءبىرىن قۇرمەتتەپ، تەڭ تۇرعىدا مامىلە جاساپ كەلەدى. 2016 – جىلى ءتوراعا شي جينپيڭ مۇحاممەد Ⅵ پاتشامەن بىرلىكتە جۇڭگو – ماروككو قاتىناسىن ستراتەگيالىق سەرىكتەستىك قاتىناس دەڭگەيىنە كوتەرىپ، ەكى ەل قاتىناسى جەدەل دامۋدىڭ جاڭا كەزەڭىنە ءوتتى. جۇڭگو جاق ماروككو جاقپەن ءبىر ارنادا قۇلشىنىپ، جۇڭگو – ماروككو ديپلوماتيالىق قاتىناس ورناتقان 60 جىلدىق ورايى كەزىندە، ەكى ەل باسشىلارى بىرلىككە كەلگەن ماڭىزدى ورتاق تانىم مەن جۇڭگو – افريكا سەلبەستىك فورۋمىنىڭ بەيجيڭدەگى ساميتى كەزىندەگى قول جەتكىزگەن تابىستارىن تياناقتاندىرىپ، ساياسي سەنىمدىلىكتى بەكەمدەپ، سەلبەستىك ارناسىن كەڭەيتىپ، جۇڭگو – ماروككو قاتىناسىن جاڭا دەڭگەيگە كوتەرۋگە پەيىلدى.

  وسماني بىلاي دەدى: جۇڭگو – افريكا سەلبەستىك فورۋمىنىڭ بەيجيڭدەگى ساميتىنىڭ ءساتتى اشىلۋى افريكا – جۇڭگو قاتىناسىنىڭ ۇشقان قۇستاي دامۋىنىڭ بەلگىسى. ماروككو جۇڭگومەن بولعان قاتىناسىنىڭ دامۋىنا اسا ءمان بەرەدى، جۇڭگو جاقتىڭ ماروككونىڭ دامۋىنا كورسەتكەن زور قولداۋىنا العىس بىلدىرەدى، جۇڭگو جاقپەن ءارقايسى سالاداعى سەلبەستىكتى تەرەڭدەتىپ، ەكى ەل قاتىناسىن جاڭا دەڭگەيگە كوتەرۋگە پەيىلدى.

  كەلۋ قاينارى: حالىق تورابى

جاۋاپتى رەداكتورى : مۇحيت امانتاي ۇلى

 سۋرەت