مەملەكەتتىك كەڭەس 8 باقىلاپ – تەكسەرۋ گرۋپپاسىن جىبەردى
بۇل گرۋپپالار 30 تاراۋدا جانە مەكەمە، ورىندا باقىلاپ – تەكسەرۋ جۇرگىزەدى، اۋەلى جۇڭگو تەلەگرابى، جۇڭگو بىرلەسكەن حابارلاسۋى، جۇڭگو جىلجىمالى حابارلاسۋى باقىلاپ – تەكسەرۋ كولەمىنە ەنگىزىلدى
2018.09.11 16:43 كەلۋ قاينارى : حالىق تورابى
«حالىق گازەتى»، 10 – قىركۇيەك، بەيجيڭ. مەملەكەتتىك كەڭەستىڭ 2018 – جىلعى قاۋىرت باقىلاپ – تەكسەرۋ جالپىلىق ورنالاستىرۋى بويىنشا، 31 ولكە، اۆتونوميالى رايون، توتە قاراستى قالادا جانە شينجياڭ ءوندىرىس – قۇرىلىس بيڭتۋانىندا ناقتى باقىلاپ – تەكسەرۋ جۇرگىزۋ نەگىزىندە مەملەكەتتىك كەڭەس جىبەرگەن 8 باقىلاپ – تەكسەرۋ گرۋپپاسى 10 – قىركۇيەكتە مەملەكەتتىك كەڭەستىڭ 30 تاراۋىنا جانە مەكەمە، ورنىنا بارىپ، پارتيا ورتالىق كوميتەتىنىڭ، مەملەكەتتىك كەڭەستىڭ كەلەلى شەشىم، ورنالاستىرۋلارىنىڭ دايەكتى تياناقتاندىرىلۋ جاعدايىنا قاراتا ناقتى باقىلاپ – تەكسەرۋ جۇرگىزە باستادى.
وسى رەتكى ناقتى باقىلاپ – تەكسەرۋدە «ءبىر تاراۋعا ءبىر شارا قولدانۋ» ءتاسىلى قولدانىلىپ، ساياساتتىڭ تياناقتانۋىنداعى «ەڭ سوڭعى ءبىر شاقىرىمعا» جاسالعان ىقپالعا نازار اۋدارىلىپ، قاتىستى تاراۋلار مەن ورىنداردىڭ ورتالىقتىڭ ەكونوميكالىق قىزمەت ءماجىلىسىنىڭ ورنالاستىرۋى مەن «ۇكىمەت قىزمەتىنەن بايانداماداعى» نىسانا، مىندەتتەردى دايەكتى تياناقتاندىرۋ جاعدايىنا سالىستىرۋ نەگىزىندە جان – جاقتى تەكسەرۋ جۇرگىزىلەدى. سونىمەن بىرگە، حالىق بۇقاراسىنىڭ جانە بازار تۇلعاسىنىڭ اڭىسى كۇشتى بولىپ وتىرعان كەپتەلىس، بوگەت جانە بۋناق ماسەلەلەرىنە، اسىرەسە الدىڭعى ساتىداعى جەرگىلىكتى ورىنداردى باقىلاپ – تەكسەرۋدە بايقالعان تيپتىك ماسەلەلەرگە، سونداي – اق قاتىستى جاقتار ورتاعا قويعان پىكىر، ۇسىنىستارعا قاراتا، ۇكىمەت قۇرىلىمدارىن ىقشامداۋ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، ساپالى قىزمەت وتەۋ رەفورماسىن تەرەڭدەتۋ جانە ۇكىمەت فۋنكتسياسىندا بۇرىلىس جاساۋ توڭىرەكتەلىپ، قاتىستى تاراۋلاردىڭ بىرەۋى ارقىلى وزگەسىن تۇسپالداپ، دەرەۋ ارەكەتكە كەلىپ تۇزەتۋىنە قۋزاۋشىلىق ەتىلىپ، ساياسات، شارالاردىڭ كەمەلدەنۋى تەزدەتىلىپ، قوعامنىڭ اڭىسىنا بەلسەندىلىكپەن ءۇن قاتىلادى.
قىزمەت ورنالاستىرۋى بويىنشا، مەملەكەتتىك كەڭەستىڭ ءاربىر باقىلاپ – تەكسەرۋ گرۋپپاسى 3 – 4 تاراۋدا نەمەسە مەكەمە، ورىندا ناقتى باقىلاپ – تەكسەرۋ جۇرگىزەدى، ۋاقىتى 10 – 12 كۇن بولادى. باقىلاپ – تەكسەرۋ گرۋپپاسىنىڭ باستىعى مەملەكەتتىك كەڭەستىڭ ورىنباسار باس حاتشىسى، مەملەكەتتىك كەڭەس كەڭسەسى باقىلاپ – تەكسەرۋ ءبولىمىنىڭ مەڭگەرۋشىسى بولادى، مۇشەلەرى مەملەكەتتىك كەڭەستىڭ كەڭسەسىنەن جانە قاتىستى تاراۋلاردان، جەرگىلىكتى ورىنداردان تاڭدالادى، سونداي – اق مەملەكەتتىك حالىق قۇرىلتايىنىڭ ءىشىنارا ۋاكىلدەرى، مەملەكەتتىك ساياسي كەڭەستىڭ ءىشىنارا مۇشەلەرى باقىلاپ – تەكسەرۋگە ۇسىنىس ەتىلەدى. ناقتى باقىلاپ – تەكسەرۋ كەزىندە باقىلاپ – تەكسەرۋ گرۋپپاسى ماسەلەنى، ناتيجەنى نىشان ەتۋدەن جازباي، شاعىن كولەمدە اڭگىمە ءماجىلىسىن اشۋ، جەكەلەي اڭگىمەلەسۋ، قۇجات اقتارۋ، ايقىن جانە قۇپيا تەكسەرۋ جۇرگىزۋ سياقتى تاسىلدەردەن پايدالانىپ، قاتىستى تاراۋلاردىڭ جانە مەكەمە، ورىنداردىڭ ساياسات بەلگىلەۋ جاعدايىن، قىزمەتتى تياناقتاندىرۋ جاعدايىن تەكسەرەدى، كاسىپورىنداعى بۇقارانىڭ، مامان، وقىمىستىلاردىڭ جانە اكىمشىلىكتەگى ءىستى ادامداردىڭ تاراۋدىڭ قىزمەتى جونىندەگى پىكىر، ۇسىنىسىن تىڭدايدى. ۇعىسۋعا قاراعاندا، توراپتىڭ قارقىنىن جوعارىلاتىپ، اقىسىن تومەندەتۋ قاتارلى حالىق بۇقاراسى باسا نازار اۋدارىپ وتىرعان ناقتى ىستەردىڭ تياناقتانۋىن بارىنشا ىلگەرىلەتۋ ءۇشىن، بيىلعى قاۋىرت باقىلاپ – تەكسەرۋدە جۇڭگو تەلەگرابى، جۇڭگو بىرلەسكەن حابارلاسۋى، جۇڭگو جىلجىمالى حابارلاسۋى باقىلاپ – تەكسەرۋ كولەمىنە تۇڭعىش رەت ەنگىزىلگەن ءارى وسى بارىستا توراپكەرلەر مەن 3 ۇلكەن تەلەگراف، حابارلاسۋ سەرىكتىگىنىڭ جاۋاپتىلارى بەتپە – بەت پىكىر الماستىرۋعا شاقىرىلماق.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
