بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

مەملەكەتتىك كەڭەستىڭ تايۋان ىستەرى كەڭسەسى كەزەكتى اقپار جاريالاۋ جيىنىن اشتى

10 كۇن ىشىندە تايۋاندىق باۋىرلاستاردان 22 مىڭ ادام تايۋان تۇرعىندارىنىڭ قونىستانۋ كۋالىگىن الدى

2018.09.13 14:36     كەلۋ قاينارى : حالىق تورابى

  حالىق گازەتى، 12 – قىركۇيەك، بەيجيڭ (ءتىلشى: چىڭ لۇڭ) مەملەكەتتىك كەڭەستىڭ تايۋان ىستەرى كەڭسەسىنىڭ مالىمدەمەشىسى ان فىڭشاننىڭ 12 – قىركۇيەكتە اشىلعان كەزەكتى اقپار جاريالاۋ جينىندا ايتۋىنشا، «شياڭگاڭ – اۋمىن – تايۋان تۇرعىندارىنىڭ قونىستانۋ كۋالىگىن الۋعا ءوتىنىش بەرۋ ءادىسناماسى» جاريالانعاننان كەيىن، قالىڭ تايۋاندىق باۋىرلاستاردىڭ جاپپاي قارسى الۋىنا جانە قولداۋىنا يە بولدى. تولىق بولماعان ساناققا قاراعاندا، 10 – قىركۇيەككە دەيىن، قىسقا عانا 10 كۇن ۋاقىت ىشىندە تايۋاندىق باۋىرلاستاردان 22 مىڭ ادام قونىستانۋ كۋالىگىن العان. بۇل اتالعان ساياساتتىڭ حالىقتى شىنايى باقىتقا كەنەلتەتىن، تايۋاندىق باۋىرلاستاردىڭ قىزۋ قارسى الۋىنا بولەنگەن جاقسى ساياسات ەكەنىن تولىق ايگىلەدى.


  ان فىڭشاننىڭ ايتۋىنشا، تايۋان تۇرعىندارىنىڭ قونىستانۋ كۋالىگى — تايۋاندىق باۋىرلاستاردىڭ ۇلى قۇرلىقتا پايدالاناتىن ازاماتتىق كۋالىگى ەسەپتەلەدى، بۇل كۋالىك تايۋاندىق باۋىرلاستاردىڭ ۇلى قۇرلىقتا ۇيرەنۋ، قىزمەت ىستەۋ، تۇرمىس كەشىرۋ بارىسىنداعى جان – جاقتىلى تۇرمىستىق قاجەتتەرىن شەشۋىنە قولايلى بولۋ ءۇشىن تاراتىلعان، ساياسي ۇقىق نەمەسە بورىش جاعىنداعى رەتتەۋ جۇرگىزۋگە جاتپايدى. تايۋان تۇرعىندارىنىڭ قونىستانۋ كۋالىگىنە ءوتىنىش بەرۋ ءۇشىن ۇلى قۇرلىقتا نوپوسى بولۋى قاجەت ەمەس، تايۋان نوپوسىنان شىعۋىنىڭ دا قاجەتى جوق. تايۋان تۇرعىندارىنىڭ قونىستانۋ كۋالىگىنە ءوتىنىش بەرۋدە بۇكىلدەي ەرىكتى ءوتىنىش بەرۋ پرينسيپى قولدانىلادى، قونىستانۋ كۋالىگىن الۋ – الماۋدى تايۋاندىق باۋىرلاستار ءوزى بەلگىلەيدى، ەشقانداي ماجبۇرلەۋ تالابى قويىلمايدى.


  ان فىڭشان مىنانى باسا دارىپتەدى: قونىستانۋ كۋالىگى مەن تايۋان كۋالىگى قاتار قولدانىلاتىن، ءبىر – بىرىمەن قايشى كەلمەيتىن ەكى ءتۇرلى كۋالىك، قونىستانۋ كۋالىگى تايۋان كۋالىگىنىڭ ورنىن باسپايدى. قونىستانۋ كۋالىگى ىسكە قوسىلعاننان كەيىن، تايۋان كۋالىگىنىڭ بۇرىنعى رولىنا ىقپال جاسامايدى، تايۋاندىق باۋىرلاستاردىڭ وسىدان بۇرىن تايۋان كۋالىگىمەن يگىلىكتەنەتىن بارلىق ۇقىق – مۇددەلەرى دە ىقپالعا ۇشىرامايدى. بۇل رەت تاراتىلعان تايۋان تۇرعىندارىنىڭ قونىستانۋ كۋالىگىنىڭ ىشكى بولەگىنە چيپ ورنالاستىرىلىپ، بارماق ءىزى ارقىلى تىركەۋگە الۋ ءادىسى قولدانىلادى، مۇنداعى نەگىزگى ماقسات: كۋالىكتىڭ پايدالانۋعا قولايلى بولۋى مەن باسقالاردىڭ جاسىرىن پايدالانۋىنان ساقتانۋ بولىپ تابىلادى. قونىستانۋ كۋالىگىنە پايدالانعان چيپكە ۇزدىك تەحنيكا قولدانىلعاندىقتان، چيپكە ساقتالعان جەكەلىك ينفورماتسيالاردىڭ ۇرلانباۋى مەن جاريا بولماۋىنا ءونىمدى تۇردە كەپىلدىك ەتەدى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار