كوك ءتۇستى ساقتىق سەگنالى كۇشىنەن قالدىرىلدى، وڭتۇستىكتە بوران مەن جاۋىن – شاشىن ءالى باسىلمادى
«ماڭگۇت» اتتى تايفىڭ داۋىلىندا گۋاڭدۇڭ، گۋاڭشي، حاينان ولكەلەرىندە ءبىر ميلليون 550 مىڭ ادام اپاتقا ۇشىرادى
تاراۋلار حاۋىپتەن قۇتقارۋعا بەلسەندى اتسالىسىپ، قوسالقى اپاتتاردان بارىنشا ساقتاندى
2018.09.18 14:32 كەلۋ قاينارى : حالىق تورابى
حالىق گازەتى، 17 – قىركۇيەك، بەيجيڭ (ءتىلشى: ليۋ ي، ۋاڭ حاۋ، ديڭ يتيڭ) ورتالىق اۋا رايى ستانسياسىنىڭ باقىلاۋ جانە تەكسەرۋىنە قاراعاندا، بيىلعى 22 – ءنومىرلى تايفىڭ داۋىلى — «ماڭگۋت» تايفىڭ داۋىلى 17 – قىركۇيەك ساعات 14تە ىستىق بەلدەۋلىك تومەن قىسىم دەڭگەيىنە تومەندەدى، ساعات 17دە تايفىڭ داۋىلىنىڭ سەنترى گۋاڭشي ولكەسى بايسى قالاسىنىڭ اۋماعىندا بولىپ، ەڭ جوعارى جەل كۇشى 7 بال (سەكۋندنا 14 مەتر) بولدى. بىرنەشە كۇننەن بەرى، ءارقايسى قاتىستى تاراۋلار مەن جەرگىلىكتى ورىندار مۇقيات ورنالاستىرۋ جاساپ، حاۋىپتەن ،اپاتتان قۇتقارۋعا بەلسەندى اتسالىسىپ، تاسقىننان، تايفىڭ داۋىلىنان ساقتانۋعا قاتىستى ءتۇرلى قىزمەتتەردى ويداعىداي ىستەۋگە كۇش سالدى.
ءتىلشىنىڭ شۇعىل جاعدايلارعا توتەپ بەرۋدى باسقارۋ مينيسترلىگىنەن ۇعىسۋىنشا، 17 – قىركۇيەك ساعات 18گە دەيىن، «ماڭگۋت» اتتى تايفىڭ داۋىلىندا گۋاڭدۇڭ، گۋاڭشي، حاينان ولكەلەرىندە ءبىر ميلليون 550 مىڭ ادام اپاتقا ۇشىراپ، اپات سەبەبىنەن 4 ادام قازا بولعان، ءبىر ادام دەرەكسىز كەتكەن، 700 اۋىزدان استام ءۇي قۇلاعان نەمەسە اۋىر دارەجەدە بۇلىنگەن. قازىرگى احۋالدان قاراعاندا، «ماڭگۋت» اتتى تايفىڭ داۋىلىن 2008 – جىلعى «حاگۋپيت»، 2015 – جىلعى «كەمپىر قوساق»، 2017 – جىلعى «حاتو» تايفىڭ داۋىلدارىمەن سالىستىرعاندا، تايفىڭ داۋىلىنىڭ جولى ۇقساس، قۋاتى جاقىن بولعانىمەن، قازا بولعان ادام سانى، دەرەكسىز كەتكەن ادام سانى، قۇلاعان جانە بۇلىنگەن ءۇي سانى زور مولشەردە تومەندەگەن.
«ماڭگۋت» اتتى تايفىڭ داۋىلى گۋاڭدۇڭ ولكەسىنە اۋىر ىقپال جاساعاندىقتان، مەملەكەتتىك اپاتتىڭ زيانىن ازايتۋ كوميتەتى مەن شۇعىل جاعدايلارعا توتەپ بەرۋدى باسقارۋ مينيسترلىگى 17 – قىركۇيەك ساعات 8دە اپاتقا توتەپ بەرۋدىڭ مەملەكەتتىك Ⅳ دارەجەلى شارالارىن ىسكە قوستى. شۇعىل جاعدايلارعا توتەپ بەرۋدى باسقارۋ مينيسترلىگى العاشقى مەرزىمدە جىبەرگەن قىزمەت گرۋپپاسى سول ارادا مەملەكەتتىك اپاتتان قۇتقارۋ جاعىنداعى شۇعىل جاعدايلارعا توتەپ بەرۋ قىزمەت گرۋپپاسى بولىپ قۇرىلىپ، اپاتقا ەڭ اۋىر دارەجەدە ۇشىراعان گۋاڭدۇڭ ولكەسىنىڭ مىنجياڭ، ياڭجياڭ قاتارلى جەرلەرىندە اپات جاعدايىن ۇزدىكسىز تەكسەردى، جەرگىلىكتى ورىننىڭ شۇعىل جاعدايلارعا توتەپ بەرىپ، اپاتتان قۇتقارۋعا قاتىستى ءتۇرلى قىزمەتتەردى ورىستەتۋىنە جەتەكشىلىك ەتتى جانە سايكەستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
