مەملەكەتتىك كەڭەس كەڭسەسى ۇقتىرۋ باسىپ تاراتتى
ەكولوگيالىق ورتانى قورعاۋداعى زاڭ – ەرەجە، بەلگىلەمە، نورمالىق قۇجاتتاردى اداقتاۋ قىزمەتى ورىستەتىلمەك
2018.09.19 16:37 كەلۋ قاينارى : حالىق تورابى
شينحۋا اگەنتتىگى، 18 – قىركۇيەك، بەيجيڭ. مەملەكەتتىك كەڭەس كەڭسەسى بىرنەشە كۇننىڭ الدىندا «ەكولوگيالىق ورتانى قورعاۋداعى زاڭ – ەرەجە، بەلگىلەمە، نورمالىق قۇجاتتاردى اداقتاۋ قىزمەتىن ورىستەتۋ جونىندەگى ۇقتىرۋدى» باسىپ تاراتتى.
«ۇقتىرۋدا» بىلاي دەلىندى: لاستانۋدان ساقتانۋدان جانە ونى وڭاۋدان قامال الۋ شايقاسىن باتىلدىقپەن ويداعىداي جۇرگىزۋ ــ پارتيانىڭ 19 – قۇرىلتايىندا جاسالعان كەلەلى شەشىم، ورنالاستىرۋ. بيىل شىلدەدە مەملەكەتتىك 13 – كەزەكتى حالىق قۇرىلتايى تۇراقتى كوميتەتىنىڭ 4 – ماجىلىسىندە قاراپ ماقۇلدانعان «مەملەكەتتىك حالىق قۇرىلتايى تۇراقتى كوميتەتىنىڭ ەكولوگيالىق ورتانى قورعاۋدى جاپپاي كۇشەيتىپ، لاستانۋدان ساقتانۋدان جانە ونى وڭاۋدان قامال الۋ شايقاسىن ويداعىداي جۇرگىزۋدى زاڭ بويىنشا ىلگەرىلەتۋ جونىندەگى قاۋلىسىندا» مىناۋ ورتاعا قويىلدى: ەكولوگيالىق ورتانى قورعاۋداعى زاڭ – ەرەجە، بەلگىلەمە، ءادىليالىق تۇسىنىك جانە نورمالىق قۇجاتتاردى جاپپاي اداقتاۋ قىزمەتىن مىقتى يگەرىپ ورىستەتىپ، زاڭ – بەلگىلەمەگە، ورتالىقتىڭ رۋحىنا، ءداۋىردىڭ تالابىنا ۇيلەسپەيتىندەرىن دەر كەزىندە كۇشىنەن قالدىرۋ نەمەسە ولارعا وزگەرىس ەنگىزۋ كەرەك. قاتىستى تالاپتاردى تياناقتاندىرۋ ءۇشىن، مەملەكەتتىك كەڭەس ەكولوگيالىق ورتانى قورعاۋداعى زاڭ – ەرەجە، بەلگىلەمە، نورمالىق قۇجاتتاردى اداقتاۋ قىزمەتىن ورىستەتۋدى ۇيعاردى.
«ۇقتىرۋدا» مىنالار ايقىن بەلگىلەندى: وسى رەتكى اداقتاۋدىڭ كولەمى ـــ ەكولوگيالىق ورتانى قورعاۋعا قاتىستى اكىمشىلىك زاڭ – ەرەجەلەر، ولكە، اۆتونوميالى رايون، توتە قاراستى قالالاردىڭ، رايونعا بولىنگەن قالالاردىڭ، اۆتونوميالى وبلىستاردىڭ حالىق ۇكىمەتتەرى مەن مەملەكەتتىك كەڭەستىڭ تاراۋلارى شىعارعان بەلگىلەمەلەر، سونداي – اق اۋدان دارەجەلىدەن جوعارى جەرگىلىكتى حالىق ۇكىمەتتەرى جانە ولارعا قاراستى تاراۋلار، مەملەكەتتىك كەڭەستىڭ تاراۋلارى شىعارعان نورمالىق قۇجاتتار. اداقتاۋدىڭ ماڭىزدى ءتۇيىنى ــ شي جينپيڭنىڭ ەكولوگيالىق وركەنيەت يدەياسىمەن جانە پارتيانىڭ 18 – قۇرىلتايىنان بەرگى پارتيا ورتالىق كوميتەتىنىڭ، مەملەكەتتىك كەڭەستىڭ ەكولوگيالىق ورتانى قورعاۋعا قاتىستى قۇجاتتارىنىڭ رۋحىمەن، سونداي – اق ەكولوگيالىق ورتانى قورعاۋ جاقتارىنداعى زاڭدارمەن ۇيلەسپەيتىن بەلگىلەمەلەر.
«ۇقتىرۋدا» مىنالار اتاپ كورسەتىلدى: اداقتاۋ قىزمەتىندە «كىم شىعارسا، سول اداقتاۋ» پرينسيبىندە تاباندى بولۋ كەرەك. وڭىرلەر، تاراۋلار پارتيا ورتالىق كوميتەتىنىڭ، مەملەكەتتىك كەڭەستىڭ ەكولوگيالىق ورتانى قورعاۋعا قاتىستى قۇجاتتارىنىڭ رۋحىنا جانە جوعارى دارەجەلى ورىنداردىڭ زاڭعا وزگەرىس ەنگىزۋ، زاڭدى كۇشىنەن قالدىرۋ جاعدايىنا قاراي تۇرلەر بويىنشا زەرتتەپ اداقتاۋى كەرەك. بەلگىلەمەلەردىڭ، نورمالىق قۇجاتتاردىڭ باستى مازمۇنى پارتيا ورتالىق كوميتەتىنىڭ، مەملەكەتتىك كەڭەستىڭ ەكولوگيالىق ورتانى قورعاۋعا قاتىستى قۇجاتتارىنا قايشى كەلسە نەمەسە قازىر اتقارىلىپ وتىرعان ەكولوگيالىق ورتانى قورعاۋعا قاتىستى زاڭدارعا، اكىمشىلىك بەلگىلەمەلەرگە ۇيلەسپەسە، كۇشىنەن قالدىرۋ كەرەك؛ ءىشىنار مازمۇنى پارتيا ورتالىق كوميتەتىنىڭ، مەملەكەتتىك كەڭەستىڭ ەكولوگيالىق ورتانى قورعاۋعا قاتىستى قۇجاتتارىنا قايشى كەلسە نەمەسە قازىر اتقارىلىپ وتىرعان ەكولوگيالىق ورتانى قورعاۋعا قاتىستى زاڭدارعا، اكىمشىلىك بەلگىلەمەلەرگە ۇيلەسپەسە، تۇزەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
