سىرتقى ىستەر مينيسترلىگى: «شياڭگاڭ ۇلتتىق پارتياسىنىڭ» جۇمىس اتقارۋىنا تيىم سالۋ جۇڭگونىڭ ىشكى ىستەرى، وزگە ءارقانداي ەلدىڭ كيلىگۋىنە جول بەرىلمەيدى
2018.09.26 15:52 كەلۋ قاينارى : حالىق تورابى
شينحۋا اگەنتتىگى، 25 – قىركۇيەك، بەيجيڭ (ءتىلشى: حوۋ شياۋچىن) سىرتقى ىستەر مينيسترلىگىنىڭ مالىمدەمەشىسى گىڭ شۋاڭ 25 – قىركۇيەكتە بىلاي دەدى: شياڭگاڭ ەرەكشە اكىمشىلىك رايونى ۇكىمەتى قاتىستى زاڭ جانە زاڭدا بەلگىلەنگەن تارتىپتەر بويىنشا «شياڭگاڭ ۇلتتىق پارتياسىنىڭ» جۇمىس اتقارۋىنا تيىم سالۋ قاۋلىسىن ماقۇلدادى، بۇل مەملەكەتتىڭ حاۋىپسىزدىگى مەن شياڭگاڭدى زاڭمەن باسقارۋدى قورعاۋداعى قاجەتتى شارا، شياڭگاڭ ەرەكشە اكىمشىلىك رايونىنىڭ ءىسى، جۇڭگونىڭ ىشكى ءىسى، وزگە ءارقانداي ەلدىڭ كيلىگۋىنە جول بەرىلمەيدى.
سول كۇنى وتكىزىلگەن كەزەكتى تىلشىلەردى قابىلداۋ جيىنىندا، ءتىلشى بىلاي دەپ سۇرادى: 24 – قىركۇيەكتە شياڭگاڭ ەرەكشە اكىمشىلىك رايونى ۇكىمەتى ۇكىمەتتىڭ نەگىزگى گازەت – جۋرنالدارىندا «شياڭگاڭ ۇلتتىق پارتياسىنىڭ» جۇمىس اتقارۋىنا تيىم سالۋ بۇيرىعىن باستى، انگليا، ا ق ش، ەۆروپا وداعى وسى ءىس تۋرالى مالىمدەمە جانە شولۋ جاريالاپ، ەرەكشە رايون ۇكىمەتىنىڭ بۇل شاراسى ءسوز ەركىندىگىنە جانە ۇيىم قۇرۋ بوستاندىعىنا، سونداي – اق، ساياسي ارەكەتتەرگە شەك قويعاندىق دەپ ەسەپتەدى. بۇل ىسكە قانداي پىكىر بىلدىرەسىز؟
گىڭ شۋاڭ بىلاي دەدى: ءىشىنارا مەملەكەتتەر مەن قۇرىلىمدار شياڭگاڭ ەرەكشە اكىمشىلىك رايونى ۇكىمەتىنىڭ «شياڭگاڭ ۇلتتىق پارتياسىنىڭ» جۇمىس اتقارۋىنا تيىم سالۋ قاۋلىسىن ءار ساققا جۇگىرتىپ، ءجونسىز پىكىر بىلدىرۋدە، ءبىز بۇعان كۇشتى نارازىلىق جانە قاتاڭ قارسىلىق بىلدىرەمىز. «شياڭگاڭنىڭ تاۋەلسىزدىگىن» ۇگىتتەگەن، مەملەكەتتى بولشەكتەۋمەن شۇعىلدانعان ءارقانداي ۇيىمدار مەن ارەكەتتەردىڭ بارلىعىنا مۇلدە جول بەرىلمەيدى.
گىڭ شۋاڭ: ءبىز قاتىستى مەملەكەتتەر مەن قۇرىلىمداردان جۇڭگونىڭ يەلىك ۇقىعى مەن تەرريتوريا تۇتاستىعىنا قۇرمەت ەتۋدى، «ءسوز ەركىندىگى جانە ۇيىم قۇرۋ ەركىندىگى» سىندى ىستەردى جەلەۋ ەتىپ، شياڭگاڭنىڭ ىستەرى مەن جۇڭگونىڭ ىشكى ىستەرىنە كيلىگۋدى توقتاتۋدى تالاپ ەتەمىز، — دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
