رەفورما جاساپ، ەسىك اشۋ تيانجين بينحاي جاڭا رايونىنا زور ومىرشەڭدىك قۋات سيلادى (رەفورما جاساپ، ەسىك اشۋدىڭ 40 جىلدىعىن قۇتتىقتايمىز اتىنداعى 100 قالا، 100 اۋدان، 100 كاسىپورىندى تەكسەرىپ – زەرتتەۋ ساپارى)
«حالىق گازەتىنىڭ» تىلشىلەرى حۋ گو، جۋ حۇڭ، جين بو، گۇڭ شياڭجۋان
2018.10.10 16:20 كەلۋ قاينارى : حالىق تورابى
جاڭا عانا اياقتالعان مەملەكەت مەرەكەسىنىڭ ۇزاق دەمالىسىندا تيانجين بينحاي جاڭا رايونى اسا دۋماندى بەينەگە شومدى. تايدا اۆياماتكا باقشاسى، حايچاڭ تەڭىز – مۇحيت باقشاسى، جۇڭشين تيانجين ەكولوگيا قالاشىعى، «ەڭ كوركەم كىتاپحانا» − بينحاي كىتاپحاناسى شار تاراپتان كەلگەن ساياحاتشىلارعا گۇلدەنگەن، جانعا جايلى، زەيىندەنگەن جاڭا قالانى ايگىلەپ كورسەتتى.
بوحاي تەڭىزىنىڭ قايراڭى سانالاتىن وسى قۇتتى مەكەن رەفورما جاساپ، ەسىك اشۋدىڭ داۋىرلىك تىنىسىنا كۋا بولىپ كەلەدى: 30 نەشە جىلدىڭ الدىندا بۇل ارانىڭ كوپ جەرى تاقىر دالا بولاتىن؛ 20 نەشە جىلدىڭ الدىندا بۇل ارا «ءبىر اپپاراتپەن (شاقىرعى اپپاراتى)»، «ءبىر كەسە كوجەمەن (دايىن كەسپە)» تانىمال بولعان؛ 10 نەشە جىلدىڭ الدىندا بۇل ارا ءداستۇرلى جاساۋ كاسىبىنە سۇيەنىپ الدىعا ءوتتى؛ 5 جىلدىڭ الدىندا اۆتوموبيل، ەلەكترون، جابدىقتاۋ، جاساۋ كاسىپتەرى شوعىرلى دامىدى، جاڭا داۋىرلىك ەلەكترون – ينفورماتسيا، بيو دارىگەرلىك، جاساندى زەيىن كاسىپتەرى بىرتىندەپ ەڭسە كوتەردى؛ ال بۇگىنگى كۇندە جاسىل جەلەك جامىلعان، وسىزاماندانعان جاڭا قالا ساپالى دامۋدىڭ تىڭ جورىعىنا قادام تاستاپ وتىر.
1986 – جىلى تامىزدا دىڭ شياۋپيڭ جولداس وسى جەرگە «ەسىك اشۋدان زور ءۇمىت كۇتەمىز» دەگەن ارناۋ ءسوز جازىپ بەردى. 2013 – جىلى مامىردا باس شۋجي شي جينپيڭ «بينحاي جاڭا رايونى تەكشەسىنەن تولىق پايدالانىپ، كەلەلى رەفورما شارالارىن الدىمەن اتقارىپ، الدىمەن سىناقتان وتكىزىپ، بۇكىل ەلدىڭ رەفورما جاساپ دامۋىنا تاجىريبە توپتاۋعا قۇلشىنىڭىزدار» دەگەن زور ءۇمىتىن ءبىلدىردى.
تيانجين ەكونوميكالىق – تەحنيكالىق اشۋ رايونىن باسقارۋ كوميتەتىنىڭ بۇرىنعى ورىنباسار مەڭگەرۋشىسى يە ديشىڭ تەبىرەنىسىن جاسىرا الماي: «بينحاي ۇزدىكسىز تۇلەپ كەلە جاتىر» دەدى.
تەرەزەلىك ورىننان ۇستەم ورىنا اينالعانعا دەيىن كوركەيتۋ، ەسىك اشۋ بارلىق ءىستىڭ جان تامىرىنا اينالدى
بينحاي جاڭا رايونى رەفورما جاساپ، ەسىك اشۋدىڭ ارقاسىندا گۇلدەندى، رەفورما جاساپ، ەسىك اشۋ، جاڭالىق جاراتۋ بينحاي جاڭا رايونىنا زور ومىرشەڭدىك قۋات سيلادى.
1984 – جىلى تيانجين ەكونوميكالىق – تەحنيكالىق اشۋ رايونى قۇرىلدى. يە ديشىڭ سول كەزدى ەسىنە الىپ: «العاش ەڭ بولماعاندا زاۆود ۇيلەرى بار شىعار دەپ ويلاپپىن، بارىپ كورگەندە اڭقيىپ تۇرىپ قالدىم، تاقىر دالا عانا، ەشقانداي قۇرىلىس جوق ەكەن» دەدى.
1986 – جىلى تامىزدا قۇرىلعانىنا 2 جىل تولماعان تيانجين ەكونوميكالىق – تەحنيكالىق اشۋ رايونىندا قىزمەت تەكسەرگەن دىڭ شياۋپيڭ جولداس: «سىزدەردە كەمەجاي مەن قالا رايونىنىڭ اراسىندا وسىنشاما كوپ تىڭ جەر بار ەكەن، مۇنىڭ ءوزى وتە زور ابزالدىق سانالادى، بايقاۋىمشا، كومەسكى كۇشتەرىڭىز وتە زور ەكەن. باتىلىراق بولىڭىزدار، سوندا دامۋلارىڭىز تەز بولادى» دەپ اتاپ كورسەتكەن بولاتىن.
باتىلدىق ەتۋ بارىسىندا دامۋ تەزىرەك بولدى، سورتاڭ وڭىردە قاجىرلى ەڭبەك ەتۋدىڭ ارقاسىندا ەڭسە كوتەرگەن اشۋ رايونى جۇرت نازارىن اۋدارعان «بينحاي قارقىنىن» جاراتتى. كاسىپورىنداردىڭ قاجەتىن قاناعاتتاندىرۋ ءۇشىن، وسى ارادا تيانجين قالاسىنداعى باعدارلاما ارقىلى مەڭگەرىلەتىن ءبىرىنشى كوممۋناتور (بايلانىستىرعىش) ورناتىلدى، يە ديشىڭ بۇل جونىندە بىلاي دەدى: «سول كەزدە ۇيگە تەلەفون ورناتۋدىڭ ءوزىن 3 اي توسۋعا تۋرا كەلەتىن، ءبىز كاسىپورىندار تەلەفون ورناتپاق بولسا، 3 كۇندە ورناتىپ بولۋىمىز كەرەك، ارتىق جۇمسالعان اقشاعا اشۋ رايونىن باسقارۋ كوميتەتى تولىقتاما بەرسىن دەگەندى ورتاعا قويدىق».
بۇعان قوسا دامۋ تانىمى دا جەدەل جوعارىلادى. «قىزمەت وتەۋ دە − وندىرگىش كۇش»، «الدىمەن كاسىپورىن، ونان سوڭ ۇكىمەت اقشا تابۋى كەرەك»، «قارجى قوسۋشىلارعا قولايلىلىق جاراتىپ، پايدا جەتكىزۋ كەرەك»... سورتاڭ القاپتاعى رەفورما رۋحى، ەسىك اشۋ ىنتاسى، جاسامپازدىق كۇشى بوحاي تەڭىزىنىڭ قايراڭى سانالاتىن وسى اشۋ رايونىنا مىعىم ىرگە تاس قالاپ بەردى. 2006 – جىلى تيانجين بينحاي جاڭا رايونىنىڭ كوركەيتۋ، ەسىك اشۋ ىستەرى مەملەكەتتىك ستراتەگيا دارەجەسىنە كوتەرىلدى، بۇل رايون شاڭحايدىڭ پۋدۇڭ جاڭا رايونىنان كەيىنگى مەملەكەتتىڭ جالپىلىق جۇيەلى رەفورمانى سىناق ەتۋىندەگى ەكىنشى رايونعا اينالدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
