ءشول دالا جاسىل القاپقا اينالدى (شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ جەتەكشىلىگىندە − جاڭا ءداۋىر، سونى بەينە، تىڭ سەرپىلىس)
− شينجياڭ اقسۋ ايماعىنىڭ ەكولوگيانى جونگە سالۋى جونىندە (1)
«حالىق گازەتىنىڭ» تىلشىلەرى حان ليچۇن، پان شاۋجۇن
2018.10.11 16:26 كەلۋ قاينارى : حالىق تورابى
ءتۇپ – ءتۇزۋ اق تەرەكتەر جول شەتىندە بوي سوزىپ، الما اعاشتارى قىپ – قىزىل جەمىسىن كوتەرە الماي ءيىلىپ تۇر. مول ءونىم سيلاعان تاعى ءبىر كۇز كەلدى.
بۇل ارانىڭ كەزىندە قۇبا ءشول بولعانىنا ەشكىم دە سەنبەيدى. شىنىندا بۇل ارا كەزىندە قۇم – توزاڭى ۇشىپ تۇراتىن ءشول دالا بولاتىن، قۇستار دا سيرەك ەدى. ال بۇل كۇندە جاسىلدانعان اۋماعى ءبىر ميلليون 153 مىڭ مۋعا جەتكەن بۇل ارا ەنى 47 كيلومەتر، ۇزىنى 50 كيلومەتر كەلەتىن، ەكولوگيالىق ورمان، ەكونوميكالىق ورمان ءبىر تۇلعالانعان جاسىل القاپقا اينالدى.
32 جىل قاجىرلىلىقپەن كۇرەس جۇرگىزۋ ارقىلى بۇل ارا جاسىلداندى، اۋا تازارىپ، جاڭبىر كوبەيدى، ەكولوگيالىق ورتا جاقساردى. ماقتانىش سەزىمىنە اسىرەسە بولەيتىنى بۇقارانىڭ قالتاسى قامپايدى.
مىنە، بۇل شينجياڭ اقسۋ ايماعىنىڭ كوكجار دەگەن جەرى.
جاسىل تاۋ، ءمولدىر سۋدىڭ ءوزى بايلىق. ەكولوگيالىق وركەنيەت قۇرۋ − جۇرت تىلەگى، سونداي – اق حالىق تۇرمىسىنا ساياتىن شارۋا. كوكجاردىڭ جاسىلدانۋى − اقسۋ حالقىنىڭ ونداعان جىلعى قۇلشىنىسىنىڭ جەمىسى، ول ەكولوگيالىق وركەنيەت قۇرىلىسىنىڭ ومىرشەڭ امالياتى ىسپەتتى.
32 جىلدان بەرى ايماقتاعى ءار دارەجەلى پارتكوم مەن ۇكىمەت «تۇتاس پارتيانى جۇمىلدىرىپ، تۇتاس حالىقتى ارەكەتكە كەلتىرىپ، قۇمدى بوراندى جونگە سالۋ، جەردى جاسىلداندىرۋ، حالىققا باقىت جاراتۋ» باعىتىن جالعاستىرىپ، جوبانى تىڭعىلىقتى اتقارىپ، كۇش ۇستىنە كۇش قوسىپ، قاجىرلىلىقپەن شايقاس جۇرگىزىپ، ۇرپاقتار بويى ەڭبەك ەتىپ، جۇرتتى جالت قاراتارلىق جاسىلداندىرۋ تابىسىنا قول جەتكىزدى.
ايماقتىق ورمان مەكەمەسى پارتكومىنىڭ شۋجيى شيا حۇڭۋەي: «ينجەنەريا باستالعاندا – اق ەكولوگيالىق ونىمدىلىك پەن ەكونوميكالىق ونىمدىلىككە بىردەي ءمان بەرۋدى ەسكەردىك، تەرەك، توراڭعى، جيدەلەردەن قۇرالعان ىقتاسىن ورمان بەلدەۋىن قالىپتاستىرعان سوڭ الما، ورىك، شاپتول سياقتى ەكونوميكالىق اعاشتاردى ەكتىك» دەدى.
اقسۋ ايماعىندا كۇن نۇرى ءتۇسۋىنىڭ اينالىم ۋاقىتى ۇزاق، ورگانيكالىق جاسىل جەمىس كاسىبىن دامىتۋدىڭ ابزال شارت – جاعدايى بار. بۇل ايماق تاياۋ جىلداردان بەرى الما، شاپتول، شىلاندى نەگىز ەتكەن ەرەكشەلىككە يە جەمىس كاسىبىن جەدەل دامىتىپ، تارىم ويپاتىن وراپ جاتاتىن 4 ميلليون 500 مىڭ مۋ ساپالى جەمىس ءوندىرىس بازاسىن قالىپتاستىردى، ايماقتىڭ باۋ – باقشا اۋماعى تۇتاس شينجياڭ باۋ – باقشا اۋماعىنىڭ 4/1 ۇلەسىن ۇستايدى. وسىلايشا شارۋالاردىڭ اۋقاتتانۋىنا جاڭا جول اشىلدى.
ەكولوگيا قۇرىلىسىندا شەك بولمايدى. اقسۋ حالقى كوكجاردى جاسىلداندىرىپ بولعان سوڭ نازارلارىن ءتىپتى دە الىسقا سالدى.
اقسۋ ايماعى 2015 – جىلدان باستاپ اقسۋ وزەنى، وگەن وزەنى، كوڭتەيلىك رايونى سىندى «2 وزەن، ءبىر رايونداعى» ميلليون مۋلىق ەكولوگيانى جونگە سالۋدىڭ 3 ينجەنەرياسىن جوسپارلاپ اتقاردى. بۇل كوكجاردى جاسىلداندىرۋ ينجەنەرياسىنان كەيىنگى تاعى ءبىر كەلەلى حالىق تۇرمىسى ينجەنەرياسى ەدى. قازىرگە دەيىن ەكولوگيا ينجەنەرياسىنىڭ ءبىر ميلليون 982 مىڭ 300 مۋ اۋماقتاعى قۇرىلىسى تامامدالدى، مۇنىڭ ىشىندە اقسۋ وزەنى ينجەنەرياسى تولىعىمەن تامامدالدى.
اقسۋ ساز باقشاسىنا بارساڭىز، بەينە چاڭجياڭنىڭ تۇستىگىندە جۇرگەندەي سەزىنەسىز. ءبىر جاعى قالا قۇرىلىسى شوعىرى، ءبىر جاعى وزەن الابى مەن كولدەر. اق قارقارا، شىبار ۇيرەك، اق شاعالا توپ – توبىمەن دامىلداپ ءجۇر، اعاش، گۇل – ءشوپ كەڭ اۋماققا دەيىن تۇتاسىپ جاتىر. ارا – تۇرا توي سۋرەتىنە ءتۇسىپ جايراڭداپ جۇرگەن جاستاردى كوزىڭىز شالادى.
اقسۋ قالا – اۋىل قۇرىلىسى توپ سەرىكتىگىنىڭ باس القاسى: «بۇل ارادا بۇرىن ءبىر ءتۇپ اعاش تا جوق بولاتىن، توڭىرەك تۇگەل قوقىسقا تولىپ جاتاتىن، تاعى ونداعان بالىق كولشىگى بولۋشى ەدى» دەپ تانىستىرعاندا، قازىرگى وراسان زور وزگەرىسكە تاڭداي قاعا تامساندىق.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
